អាហារ៣មុខ ស្មានតែជួយស្រកគីឡូ តាមពិតឡើងទម្ងន់ខ្លាំងទៅវិញ

2019-10-02 08:15:00
ចំនួនមតិ 0 | ចំនួនចែករំលែក 0

អាហារ៣យ៉ាងខាងក្រោម អាចធ្វើឲ្យគេច្រឡំថាងាយស្រកគីឡូ តែតាមពិតបែរជាឡើងគីឡូទៅវិញ។ ជោគជ័យឬអត់ពេលចង់សម្រកទម្ងន់ អាស្រ័យលើរបៀបតមអាហារ បើអ្នកគ្រប់គ្រងនិងចេះជ្រើសអាហារត្រឹមត្រូវ។

រូបតំណាង

**១. សាឡាដលាយជាមួយ Cheese**

អាហារសាឡាដជាប្រភេទរួមបញ្ចូលបន្លែច្រើនមុខចូលគ្នា ដូច្នេះអ្នកចង់សម្រកទម្ងន់ជាច្រើនតែងជ្រើសវា។ ប៉ុន្តែមិនមែនគ្រប់សាឡាដទាំងអស់ជួយស្រកទម្ងន់ទេ។ មនុស្សជាច្រើនហូបអាហារសាឡាដ តែដាក់ទឹកជ្រលក់ mayone ច្រើន ដែលផ្ទុកកាឡូរីខ្ពស់។ ខ្លះទៀតឆ្លៀតថែម Cheese ព្រោះយល់ថាជួយបង្កើនរសជាតិផ្អែមនិងឈ្ងុយ។

រូបតំណាង

ម្ល៉ោះហើយមិនថាអ្នកហូបសាឡាដមានបន្លែច្រើនមុខយ៉ាងណាទេ អ្នកនូវតែទទួលបានកាឡូរីច្រើន ធ្វើឲ្យរាងកាយធាត់ដោយចៀសមិនរួច។ អ្នកជំនាញខាងអាហារណែនាំថា គួរប្រើទឹកខ្មេះផ្លែប៉ោមជំនួសទឹកជ្រលក់ទាំងនោះ ហើយអ្នកអាចបន្ថែមគ្រាប់អាល់ម៉ុន និងគ្រាប់ Chia ដើម្បីកាត់បន្ថយ ការឡើងទម្ងន់ឲ្យមានប្រសិទ្ធភាព។

២. អាហារកំប៉ុង ឬអាហារទុកបានយូរ

អាហារកំប៉ុងមួយចំនួនសរសេរថា "មិនឡើងគីឡូ" ឬ "គ្មានកាឡូរី ១០០%” ធ្វើឲ្យគិតថាល្អចំពោះសុខភាព មិនធ្វើឲ្យធាត់។ ប៉ុន្តែតាមពិតទៅ គឺផ្ទុយស្រឡះតែម្ដង។ អ្នកជំនាញក៏បានអះអាងថា គួរចៀសវាងអាហារកំប៉ុង បើអ្នកពិតជាចង់ស្រកគីឡូ។

រូបតំណាង

អ្នកជំនាញផ្នែកអាហាររូបត្ថម្ភ តែងតែផ្ដល់ដំបូន្មានថា អាហារកញ្ចប់ អាហារកំប៉ុង ឬអាហារទុកបានយូរ ច្រើនផ្ទុកសារជាតិរក្សាបានយូរ ដោយបន្ថែមម្សៅហើយវាមិនសូវមានគុណសម្បត្តិផ្នែកជីវជាតិនោះឡើយ។ ដូច្នេះវាមិនល្អចំពោះអ្នកចង់សម្រកទម្ងន់ទេ។ មួយវិញទៀត អាហារទាំងនេះធ្វើឲ្យអ្នកងាយឃ្លាន ដែលបណ្ដាលឲ្យអ្នកចង់ញ៉ាំច្រើនខុសពីធម្មតា។

៣. នំប៉័ង និងប័រសណ្ដែកដី

អ្នកឯកទេសផ្នែកចំណីអាហាររួមទាំងគ្រូហាត់ប្រាណ មិនលើកទឹកចិត្តឲ្យអ្នកចង់ស្រកគីឡូទទួលទាននំប៉័ងទេ។ នំប៉័ង ត្រូវបានផលិតចេញពីជាតិសរសៃដែលចេញពីម្សៅ ដូច្នេះសារធាតុក្នុងនំប៉័ងមិនសូវមានអាហារូបត្ថម្ភឡើយ។ បើអ្នកហូបនំប៉័ងរាល់ថ្ងៃ ប្រាកដហើយគឺទម្ងន់អ្នកពិតជាស្រក តែសល់តែស្បែកដណ្ដប់ឆ្អឹងប៉ុណ្ណោះ។

រូបតំណាង

ចំណែកគ្រាប់ប័រសណ្ដែកដីវិញ ផ្ទុកសារជាតិដែលធាត់ហួសប្រមាណ ដូច្នេះសក្ដិសមសម្រាប់អ្នកចង់ឡើងគីឡូច្រើនជាង។ ម្ល៉ោះហើយបើរាល់ព្រឹកអ្នកហូបនំប៉័ងដាក់ប័រសណ្ដែកដី នោះគីឡូអ្នកមិនស្រកទេ៕

ចុចអាន៖ នារីៗគួរស្វែងយល់សញ្ញាទាំង ៨ នៅលើបបូរមាត់ប្រាប់ពីសុខភាពអ្នក

ប្រភព៖ kenhphunu ប្រែសម្រួល៖ លឹម សុនា