នារីៗគួរស្វែងយល់សញ្ញាទាំង ៨ នៅលើបបូរមាត់ប្រាប់ពីសុខភាពអ្នក

2019-10-01 03:40:00
ចំនួនមតិ 0 | ចំនួនចែករំលែក 0

បបូរមាត់របស់មនុស្សមានសរសៃប្រសាទរាប់លានហើយមានភាពទន់ជាងចុងម្រាមដៃទៅទៀត។ ពួកវាត្រូវការថែទាំជាពិសេស មានពេលខ្លះទៀតវាបង្ហាញអោយអ្នកដឹងថាសុខភាពរបស់អ្នកកំពុងមានបញ្ហាក៏មានដែរ ដូច្នេះអ្នកក៏ត្រូវតែយកចិត្តទុកដាក់វាយ៉ាងខ្លាំង។ អ្នកអាចដឹងបានតាមសញ្ញាខាងក្រោមថាបបូរមាត់របស់អ្នកមានសញ្ញាយ៉ាងដូចម្តេចរួមមាន៖

១. មានស្នាមប្រេះបែកនៅជុំវិញបបូរមាត់

នៅពេលទឹកមាត់ជាប់នៅក្បែរមាត់អ្នក វាធ្វើឲ្យស្ងួតស្បែករួចបណ្តាលឲ្យប្រេះស្បែក។ រីឯកម្តៅនិងសំណើមនៅពេលមាត់អ្នកប្រេះនោះនឹងបណ្តាលឲ្យមាត់អ្នកទៅជាក្លាយ។ ការក្លាយជារឿងទូទៅនៅពេលមានស្នាមមាត់ប្រេះ ប្រសិនបើវាកើតឡើងញឹកញាប់ពេកសូមកុំស្ទាក់ស្ទើរក្នុងការទៅជួបគ្រូពេទ្យ។

២. បបូរមាត់ស្ងួតនិងបែកស្រកា

ភាពស្ងួតនៅលើមាត់បង្ហាញប្រាប់ថារាងកាយពុំមានសំណើមគ្រប់គ្រាន់។ វាក៏អាចកើតឡើងដោយសារភាពតានតឹងពេកឬអាកាសធាតុ បើដូចនេះ អ្នកគូរតែទទួលទានទឹកឲ្យច្រើន។ ប៉ុន្តែពេលខ្លះបើវាបែកស្រកាវាអាចមកពីប្រតិកម្មនឹងអ្វីមួយ ឧទាហរណ៍ដូចជារមាស់អីជាដើម។

៣. បបូរមាត់មានដុំពក

ការមានដុំពកលើបបូរមាត់ជាការឈឺចាប់ឬពិបាកបរិភោគ ប៉ុន្តែភាគច្រើននៅពេលដែលវាគ្មានគ្រោះថ្នាក់ហើយអាចបាត់ទៅវិញដោយគ្មានការព្យាបាលណាមួយឡើយ។ ជួនកាល វាអាចជាការរងរបួស ឧទាហរណ៍បន្ទាប់ពីចាក់ថ្នាំអាស៊ីត hyaluronic ពេលខ្លះប្រតិកម្មទៅនឹងអាហារក៏អាចបណ្តាលឱ្យមានលក្ខខណ្ឌទាំងនេះដែរ។

៤. បបូរមាត់មាន red ring

នៅពេលមានred ringនៅជុំវិញបបូរមាត់មានន័យថាវាបណ្តាលមកពីមានការរលាកស្បែក។ ពេលអ្នកប៉ះមាត់ច្រើនដងវាបណ្តេញប្រេងធម្មជាតិចេញពីស្បែកជុំវិញបបូរមាត់ហើយធ្វើឱ្យវាឡើងក្រហមនិងរមាស់។ ដើម្បីដោះស្រាយបញ្ហានេះអ្នកគួរតែផ្តល់សំណើមឲ្យបានច្រើនដល់មាត់។

៥. បបូរមាត់លើមានស្នាមជ្រួញ

ប្រសិនបើអ្នកចាប់ផ្តើមកត់សំគាល់ស្នាមជ្រួញច្រើននៅលើបបូរមាត់ខាងលើវាអាចមានហេតុផលខាងរាងកាយនិងអារម្មណ៍ផងដែរ។ អ្នកគួរយកចិត្តទុកដាក់លើទម្លាប់អាក្រក់របស់អ្នក ដូចជាការប្រើទុយោបឺតច្រើនឬជក់បារីច្រើនពេកដោយសារតែស្ត្រេសជាដើម។

៦. បបូរមាត់ស្លេកឬប្រែពណ៌

បបូរមាត់ពណ៌ខៀវអាចបង្ហាញពីការខ្សោយអុកស៊ីសែនមិនល្អនៅក្នុងឈាម ហើយអ្នកក៏អាចមានអាការដូចគ្នានៅលើម្រាមដៃនិងម្រាមជើងដែរ។ បបូរមាត់ពណ៌សឬស្លេកអាចបង្ហាញពីភាពស្លេកស្លាំងដែលពិតជាត្រូវការការយកចិត្តទុកដាក់ខាងវេជ្ជសាស្ត្រ។ អ្នកក៏អាចមានជាតិស្ករក្នុងឈាមទាប បញ្ហាឈាមរត់ឬកង្វះវីតាមីនដែរ។

៧. បបូរមាត់ហើម

ការហើមអាចជាសញ្ញាមួយនៃប្រតិកម្មអាលែហ្សី។ ប្រសិនបើអ្នកកត់សម្គាល់ឃើញថាបបូរមាត់របស់អ្នកកាន់តែធំរាល់ពេលដែលអ្នកប្រើគ្រឿងសំអាងជាក់លាក់ណាមូយ ត្រូវចៀសវាងប្រើវាទៀត។ ប្រសិនបើបបូរមាត់របស់អ្នកកាន់តែធំទៅៗ ក្នុងរយៈពេលខ្លីសូមទូរស័ព្ទទាក់ទងទៅគ្រូពេទ្យ។

៨. បបូរមាត់មានស្នាមអុជខ្មៅ

វាអាចមានហេតុផលផ្សេងៗគ្នាសម្រាប់ចំណុចខ្មៅនៅលើបបូរមាត់ហើយអ្នកមិនគួរព្រងើយកន្តើយនឹងវាឡើយ។ ជម្រើសល្អបំផុតគឺធ្វើរោគវិនិច្ឆ័យពួកគេដោយទៅជួបគ្រូពេទ្យ។ hyperpigmentation គឺជាជម្ងឺទូទៅមួយដែលអាចបណ្តាលឱ្យមានស្នាមពណ៌ត្នោត។ អ្នកអាចកត់សម្គាល់វាមិនត្រឹមតែលើបបូរមាត់របស់អ្នកប៉ុណ្ណោះទេ ប៉ុន្តែថែមទាំងនៅលើថ្ពាល់ ច្រមុះ និងថ្ងាសទៀតផង។ ស្នាមអុជខ្មៅដោយសារកម្តៅក៏អាចជាហេតុផលផងដែរ ក្នុងករណីនេះអ្នកដឹងថាមានវាច្រើនជាងអ្នកបានឃើញពួកគេទៅទៀត។ ពេលខ្លះរាងកាយរបស់អ្នកអាចស្រូបយកជាតិដែកច្រើនពីអាហារដែលអ្នកញ៉ាំ។