ចៀសបានចៀសទៅ! កុំហូបម្ហបទាំងនេះជាអាហារពេលព្រឹក បើមិនចង់ចូលពេទ្យទាំងក្មេង

2019-09-20 05:35:00
ចំនួនមតិ 0 | ចំនួនចែករំលែក 0

បើអ្នកស្រលាញ់សុខភាព សូមចៀសឲ្យឆ្ងាយពីអាហារបីប្រភេទនេះ។ កុំញ៉ាំអាហារទាំងបីនេះសម្រាប់ពេលព្រឹកអី ព្រោះមិនល្អដល់សុខភាពទេ។

១. អាហារសម្បូរជាតិខ្លាញ់

នំដូណាត់ បឺហ្គឺ នំបំពងកញ្ចប់ ឆៃយ៉ ដែលប្រភេទនំទាំងនេះច្រើនតែមនុស្សទូទៅនិយមហូបជាអាហារពេលព្រឹក ព្រោះមានរសជាតិឆ្ងាញ់។ តាមពិត អ្នកមិនគួរបរិភោគអាហារទាំងនេះឡើយ។ ដោយសារអាហារទាំងនេះប្រើម្សៅហើយវាបឺតជាតិខ្លាញ់ខ្លាំង។ ប្រសិនបើពេលចម្អិន គេប្រើប្រេងដែលសល់ច្រើនដង នោះកាន់តែហានិភ័យឆាប់ឡើងគីឡូ និងកើនសារជាតិកាបូនអ៊ីដ្រូកាបូនបង្កគ្រោះថ្នាក់ដល់សុខភាពមនុស្ស។ ញ៉ាំអាហារទាំងនេះនៅពេលព្រឹករយៈ ពេលយូរថ្ងៃ បណ្ដាលឲ្យមានបញ្ហាមេតាបូលីសឹម ប៉ះពាល់ថ្លើម កើតជំងឺសរសៃឈាមបេះដូង និងងាយធាត់ផងដែរ។

២. អាហារសល់ពីយប់

ដើម្បីសន្សំលុយនិងចំណេញពេលវេលា មនុស្សជាច្រើនមានទម្លាប់រក្សាអាហារសល់ពីយប់ទុកកម្ដៅធ្វើជាអាហារពេលព្រឹក។ នេះធ្វើឲ្យប៉ះពាល់សុខភាពយ៉ាងខ្លាំង។ ពិសេស បើជាអាហារសល់មានបន្លែបៃតងទៀត នឹងកើនឡើងកម្រិតនីត្រាត។ ការកម្ដៅច្រើនដង នឹងធ្វើឲ្យអាហារផ្ទុកសារធាតុគ្រោះថ្នាក់ងាយកើតមហារីកបំផុត។ ត្រី អាហារសមុទ្រជាដើម បើកម្ដៅច្រើនដងនឹងបង្កើនសារធាតុពុល អាចធ្វើឲ្យហូបហើយក្អួតផងដែរ។

៣. មី

អ្នករវល់ជាច្រើន ចូលចិត្តយកមី សម្រាប់អាហារពេលព្រឹកណាស់ ទោះជាដឹងថាមីមិនល្អចំពោះសុខភាពក៏ដោយ។ គ្រឿងផ្សំក្នុងមីមិនថាកញ្ចប់ ឬកំប៉ុងត្រូវបានគេរកឃើញថា មានជាតិអំបិលខ្ពស់ ដែលកាន់តែញ៉ាំកាន់តែប៉ះពាល់បំផុតលើផ្នែកតម្រងនោម រួមទាំងងាយកើតគ្រួសតម្រងនោមទៀតផង។ ម្យ៉ាងទៀត មីកញ្ចប់ផ្ទុកច្រើននូវសារជាតិផូស្វាត វាក៏ធ្វើឲ្យឆាប់ពុកឆ្អឹងគួរឲ្យខ្លាច។ បរិភោគកាន់តែច្រើន នឹងបង្កឲ្យមានបញ្ហាក្រពះ ពិបាករំលាយអាហារ ឆាប់ចាស់ និងស្ទះសសៃឈាមបេះដូង៕

ចុចអាន៖ មនុស្ស៤ប្រភេទ មិនគួរបរិភោគមីកញ្ចប់ឬកំប៉ុងឡើយ

ប្រភព៖ Phunutoday ប្រែសម្រួល៖ លឹម សុនា