ម៉ាក់ៗគួរដឹង! ៣ ទីតាំងមានសុវត្ថិភាពបំផុតសម្រាប់កូនក្នុងផ្ទៃ

2019-09-23 09:45:00
ចំនួនមតិ 0 | ចំនួនចែករំលែក 0

ទីតាំងគេងរបស់ស្រ្តីមានផ្ទៃពោះ ពិតជាមានទំនាក់ទំនងទៅនឹងសុខុមាលភាពរបស់គភ៌។ ដោយសារតែរាងកាយប្រែប្រួលរាល់ថ្ងៃក្នុងអំឡុងពេលនេះ ទើបបានជាទីតាំងគេងមួយចំនួន មិនអាចមានសុវត្ថិភាពដូចមុនទៀតទេ។ ហេតុនេះហើយ គួរដឹងពីរបៀបគេង ដែលពុំអាចបង្កហានិភ័យដល់កូនក្នុងផ្ទៃ។

១. គេងផ្កាប់

ប្រសិនបើអ្នកមានទម្លាប់គេងបែបនេះតាំងពីដើមមក អ្នកក៏អាចធ្វើបន្តទៀតដែរពេលមានផ្ទៃពោះ ប៉ុន្តែសម្រាប់តែខែដំបូងដែលពោះមិនទាន់សូវធំតែប៉ុណ្ណោះ។ នៅពេលដែលគភ៌លូតលាស់ធំ ពោះនឹងខ្ទាត ហើយការគេងផ្កាប់បែបនេះ លែងជាជម្រើសដ៏ល្អហើយក៏គ្មានផាសុកភាពសម្រាប់អ្នកដែរ។

២. គេងផ្អៀងទៅខាងឆ្វេង

ថ្វីត្បិតតែទីតាំងទាំងពីរសុទ្ធតែមានសុវត្ថិភាពចំពោះកូនក្នុងផ្ទៃ ប៉ុន្តែយល់ល្អគួរគេងផ្អៀងមកខាងឆ្វេង ព្រោះវាមានអត្ថប្រយោជន៍ធំៗដូចជា៖ ជួយជំរុញចលនាឈាមនិងជីវជាតិល្អៗទៅកាន់គភ៌ កាត់បន្ថយហានិភ័យនៃការស្លាប់នៅក្នុងពោះ ជួយឲ្យក្រលៀនជៀសផុតពីសំណល់និងសារធាតុរាវដែលមិនល្អ។

៣. ការតមម្រង់ដងខ្លួន

នេះមិនមែនជាទីតាំងនៃការគេងទេ ប៉ុន្តែអ្នកអាចអនុវត្តដើម្បីបានប្រយោជន៍សម្រាប់ខ្លួនឯងនិងកូនក្នុងផ្ទៃ។ ការដាក់ដៃនិងជង្គង់ដូចក្នុងរូបភាពបង្ហាញខាងលើ អាចកាត់បន្ថយការឈឺខ្នងនិងបន្ធូរសន្លាក់បានទៀតផង។ ចំណែកឯទារកវិញ ក៏បានផ្លាស់ប្តូរទៅកាន់ទីតាំងត្រឹមត្រូវ ដែលបង្កភាពងាយស្រួលនៅពេលសម្រាល។

អាចប្រើខ្នើយកើយឬកម្រាលហាត់យូហ្គាដើម្បីធ្វើជាទ្រនាប់ជង្គង់ ហើយត្រូវដាក់កែងដៃបញ្ឈរឡើង ប៉ុន្តែហាមកន្ធែកស្មា។ បន្ទាប់ពីធ្វើបានមួយស្របក់ហើយ ត្រូវងើបមកវិញសន្សឹមៗយឺតៗ។
ខាងក្រោមនេះគឺជាទីតាំង ដែលអ្នកអាចសម្រាកនិងគេងឲ្យស្រួលខ្លួននិងមានសុវត្ថិភាពក្នុងអំឡុងពេលមានផ្ទៃពោះ។

ដាក់ខ្នើយនៅពីក្រោយខ្នងរបស់អ្នក ដើម្បីការពារមិនឲ្យគេងផ្ងារខ្នងទៅវិញ ថែមទាំងមានផាសុកភាពទៀតផង។
អ្នកម្តាយជាច្រើនបានដាក់ខ្នើយកើយនៅចន្លោះជើងទាំងពីរ នៅពេលគេងផ្អៀង ព្រោះការធ្វើបែបនេះ អាចជួយទ្រទ្រង់ផ្នែក ត្រគាក ឆ្អឹងត្រគាកនិងឆ្អឹងខ្នង។
ប្រសិនបើអ្នកមានអារម្មណ៍ថាឆ្អល់ក្តៅចុងដង្ហើមនៅពេលយប់ អាចដាក់ខ្នើយកើយបន្ថែមមួយជាន់ទៀត នោះអ្នកនឹងមានអារម្មណ៍ថាធូរស្រាល។
សូម្បីតែពេលគេងសម្រាកនៅពេលថ្ងៃ ក៏ត្រូវយកទុកដាក់មិនខុសពីពេលយប់នោះទេ។

**ចំណាំ

ការគេងផ្ងារ គឺគ្មានសុវត្ថិភាពពេញលេញទេសម្រាប់គភ៌ ដោយសារតែទម្ងន់របស់គភ៌ និងស្បូន បានដាក់សម្ពាធទៅលើសរីរាង្គខាងក្នុង ជាហេតុបណ្តាលឲ្យឈាមពិបាកធ្វើដំណើរទៅកាន់សុក៕

ចុចអានបន្ត៖ អាហារ ៥ ប្រភេទ អ្នកម្តាយគួរឈប់ញ៉ាំ ក្នុងអំឡុងពេលបំបៅដោះកូន

ប្រភព៖ Brightside ប្រែសម្រួល៖ ដេត ឈុនអ៉ី