ចង់បានបបូរមាត់ពណ៌ផ្កាឈូកតាមធម្មជាតិ ដោយវិធីងាយៗ

2019-09-11 03:05:00
ចំនួនមតិ 0 | ចំនួនចែករំលែក 0

ចង់បានបបូរមាត់ពណ៌ផ្កាឈូក អត់មានអីលំបាកទៀតទេសម្រាប់នារី។ មិនចាំបាច់ទៅទិញផលិតផលថ្លៃៗ មកលាបលើបបូរមាត់ឡើយ។ អ្នកអាចសាកល្បងតាមបែបធម្មជាតិទាំងនេះ ដើម្បីបានបបូរមាត់ពណ៌ផ្កាឈូកស្រស់ពីខាងក្នុងតែម្ដង។

១. ទឹកដោះគោ

អាស៊ីតឡាក់ទិចនៅក្នុងទឹកដោះគោមានប្រសិទ្ធភាពជួយស្បែកឲ្យភ្លឺថ្លា និងបបូរមាត់ឡើងពណ៌ផ្កាឈូកស្រស់ ។

២. ផ្លែប័រ

ផ្លែឈើនេះផ្ទុកនូវជីវជាតិសំខាន់ជួយកោសិកាលើបបូរមាត់ឲ្យស្រស់ល្អ។ ជាពិសេស Nutri ក្នុងផ្លែប័រក៏ជួយកាត់បន្ថយស្នាមជ្រួញ និងជំនួយដល់បបូរមាត់ថែមទៀត។ អ្នកអាចយកផ្លែប័រទុំមកលាបលើបបូរមាត់ ដោយទុកចោលពី១៥ -២០ នាទី ហើយលាងចេញជាមួយទឹកក្ដៅឧណ្ហៗ នោះនឹងជួយបបូរមាត់ឡើងពណ៌ស្រស់ យ៉ាងទាក់ទាញ។

៣. ក្រូចឆ្មា

ក្រូចឆ្មាផ្ទុកអាស៊ីតម្យ៉ាងដែលជួយជម្រុះកោសិកាងាប់ៗនៅលើបបូរមាត់យ៉ាងមានប្រសិទ្ធភាព។ អ្នកអាចយកទឹកឃ្មុំ ទឹកដោះគោជូ និងទឹកក្រូចឆ្មាលាយគ្នាឲ្យសព្វហើយលាបលើបបូរមាត់ ទុកចោល១ម៉ោង។ បន្ទាប់មក លាងដោយទឹកក្តៅឧណ្ហៗ នឹងជួយឲ្យបបូរមាត់ទន់ ព្រមទាំងផ្កាឈូកព្រឿងៗបែបធម្មជាតិ។

៤. ត្រសក់

បើអ្នកទៅផ្សា កុំភ្លេចឆៀងចូលទិញត្រសក់មកផង ព្រោះវាមានមុខងារអាចលុបបំបាត់ស្នាមខ្មៅលើបបូរមាត់បាន។ ញ៉ាំត្រសក់ឲ្យច្រើន ក៏ជួយបបូរមាត់ស្រស់ ភ្លឺរលោងបានដែរ។ មួយវិញទៀត អាចយកត្រសក់ទៅកិនយកទឹក រួចលាបលើបបូរមាត់ នឹងរក្សាឲ្យបបូរមាត់មើលទៅស្រស់ថ្លានិងទន់រលោង។

៥. ប្រេងដូង

អាស៊ីតខ្លាញ់ព្រមទាំងលក្ខណៈពិសេសអាចប្រឆាំងអុកស៊ីតកម្មបានខ្ពស់នៅក្នុងប្រេងដូង ពិតជាមានប្រសិទ្ធភាពលើផ្នែកសម្រស់ជាច្រើន។ ក្នុងនោះក៏ជួយព្យាបាលព្រមទាំងថែបបូរមាត់ឲ្យមើលទៅមានជីវិតជីវ៉ា។ រាល់យប់មុនចូលគេង អ្នកអាចលាបប្រេងដូងបន្តិចលើបបូរមាត់ នោះនឹងជួយឲ្យបបូរមាត់ប្រែជាពណ៌ផ្កាឈូកយ៉ាងឆាប់រហ័ស។

លើសពីនេះ អ្នកត្រូវទទួលទានអាហារដែលផ្ទុកវីតាមីន B ដោយសារកង្វះវីតាមីន B ជាមូលហេតុធ្វើឲ្យបបូរមាត់ខ្មៅ ដូច្នេះដើម្បីថែបបូរមាត់ឲ្យស្រស់ស្អាតគួរតែទទួលទានអាហារសម្បូរវីតាមីន B ឲ្យបានច្រើន(រួមទាំង B1, B2, B3, B5, B6, B9)។ អាហារទាំងនោះដូចជា ផ្លែវ៉ាល់ណាត់ ស្វាយចន្ទី ផ្លែអាល់ម៉ុន ផ្លែប័រ សណ្ដែកដី ផ្លែទទឹម ល្ហុងជាដើម ដែលជួយឲ្យបបូរមាត់អ្នកពណ៌ផ្កាឈូកពីខាងក្នុងតែម្ដង។

ចុចអាន៖ អស់បារម្ភបញ្ហាជើងមិនស្អាត អត់ស្រឡូនទៀតទៅ បើបញ្ឈប់ទម្លាប់ទាំងនេះបាន

ប្រភព៖ kenhphunu ប្រែសម្រួល៖ លឹម សុនា