ជនលួចលុយ២០ម៉ឺនដុល្លារ រហស្សនាមឧក្រិដ្ឋជនស្អាតបំផុតនៅចិន សន្យាកែខ្លួនពេលចេញពីគុក

2019-09-09 03:15:00
ចំនួនមតិ 0 | ចំនួនចែករំលែក 0

ឧក្រិដ្ឋជនស្រីចិនវ័យ ១៩ឆ្នាំ បានឲ្យដឹងថាខ្លួនពិតជាស្ដាយក្រោយខ្លាំងណាស់ក្រោយកំហុសទាំងឡាយ ហើយបានសន្យាថានឹងរកផ្លូវថ្មីដើម្បីជួយសម្រួលអម្រែកម្ដាយខ្លួនក្រោយចេញពីគុក។

នារីឈ្មោះ Qingchen Jingjing បានល្បីផ្ទុះនៅលើបណ្ដាញសង្គមក្រោយពេលត្រូវគេបង្ហោះរូបតាមរកជនសង្ស័យលួចលុយនៅក្នុងក្លឹបរាត្រីនៅទីក្រុង Mian Yang ខេត្ត Sichuan ប្រទេសចិន។ នៅលើបណ្ដាញសង្គម Jingjing ត្រូវបានគេដាក់រហស្សនាមថាជាឧក្រិដ្ឋជនដែលមានសម្រស់ស្អាតបំផុតនៅប្រទេសចិន។ ក្រោយរយៈពេល១២ថ្ងៃ នារីវ័យ១៩ឆ្នាំក៏ត្រូវបានចាប់ខ្លួន ព្រមទាំងជនសង្ស័យ៣នាក់ទៀត។ តាមនោះដែរ ស្រីស្អាតរូបនេះ បានចូលជាបក្សពួកលួចនេះតាមរយៈសង្សាររបស់ខ្លួន បន្ទាប់មកក៏ក្លាយជាអ្នកជំនាញលួចតែម្ដង។ ដោយចំនួនទឹកប្រាក់សុទ្ធរបស់ក្រុមនេះបានកើនឡើងដល់ជាង២០ម៉ឺនដុល្លារ ដោយដើរលួចនៅគ្រប់ក្លឹបក្នុងខេត្ត Sichuan។

មកដល់ដើមខែកញ្ញានេះ Jingjing បានចូលរួមក្នុងការកាត់ក្ដីនៃទោសរបស់ខ្លួន ដោយត្រូវជាប់គុក១៤ខែ។ នារីកើតឆ្នាំ២០០០ បានបង្ហាញពីភាពសោកស្ដាយយ៉ាងខ្លាំងពីទង្វើរបស់ខ្លួន ហើយសន្យាថាខ្លួននឹងរកវិធីថ្មីដើម្បីជួយចិញ្ចឹមម្ដាយ ក្រោយពេលខ្លួនចេញពីគុកវិញ៕

ចុចអាន៖ បង្ហាញមុខពេលតែមួយ ចៀវៃត្រូវគេថាស្លៀកពាក់មិនឡូយដូច Yang Mi និង Angelababy ដាច់

ប្រភព៖ Kenh14 ប្រែសម្រួល៖ Caramel