បងប្អូនប្រុសស្រីមួយគូដែលស្អាតជាងគេនៅកូរ៉េ ពេលធំឡើងរឹតតែស្អាតលើសដើម

2019-09-09 03:05:00
ចំនួនមតិ 0 | ចំនួនចែករំលែក 0

ទោះបីជាអាយុនៅក្មេងក៏ដោយ ប៉ុន្តែបងប្អូនស្រីប្រុស Luden ត្រូវបានគេសន្និដ្ឋានថាជាម៉ូដែលវ័យក្មេងមានឥទ្ធិពលខ្លាំងក្នុងវិស័យសម្លៀកបំពាក់ ដ្បិតគ្រប់អ្វីដែលគេផ្សព្វផ្សាយសុទ្ធតែលក់ដាច់ខ្លាំង ដោយសារតែរូបសម្បត្តិស្អាតឥតខ្ចោះរបស់ខ្លួន។

និយាយពីបងប្អូនម៉ូដែលវ័យក្មេងដែលមានឈ្មោះល្បីជាងគេនៅកូរ៉េ ប្រហែលជាគ្មានអ្នកណាអាចវ៉ាមុខបានជាមួយបងប្អូនត្រកូល Luden ឡើយ។ បងស្រីឈ្មោះ Lauren Hanna កើតឆ្នាំ២០០៨បានមានឈ្មោះបោះសំឡេងក្នុងវិស័យម៉ូដែលតាំងពីយូរ។ ក្រោយមកប្អូនប្រុសឈ្មោះ Cooper Jian Luden ក៏ល្បីឈ្មោះតាមក្រោយ នៅពេលក្លាយជាម៉ូដែលវ័យក្មេងបំផុតរបស់កូរ៉េ។

គួរបញ្ជាក់ផងដែរថា រូបសម្បត្តិដ៏លេចធ្លោរបស់អ្នកទាំង២គឺបានមកពីការកាត់ពីរសាសន៍រវាងឪពុកជាជនជាតិកាណាដា និងម្ដាយជាជនជាតិកូរ៉េ។ កាលពីវ័យក្មេង បងប្អូនមួយគូនេះ ត្រូវបានគេវាយតម្លៃថាជាក្មេងដែលស្អាតជាងគេនៅក្នុងប្រទេសកូរ៉េ ហើយត្រូវបានម៉ាកផលិតផលជាច្រើន អញ្ជើញជាអ្នកតំណាងរបស់ពួកគេ។ ទោះបីជាឥលូវធំជាងមុនហើយក៏ដោយ តែបងប្អូនស្រីប្រុសមួយគូនេះ នៅតែមានប្រជាប្រិយភាពខ្ពស់មិនធម្មតា ហើយសម្រស់ថែមទាំងស្អាតជាងមុនទៀតផង ព្រោះទម្រង់មុខនៅពេលនេះគឺរឹតតែច្បាស់ជាងមុន៕