មានរឿង ១២យ៉ាង ដែលអ្នកត្រូវត្រៀមចិត្ត ពេលទើបចូលធ្វើការដំបូងៗ

2019-08-30 04:45:00
ចំនួនមតិ 0 | ចំនួនចែករំលែក 0

ប្រសិនបើអ្នកធ្លាប់ធ្វើការហើយ អ្នកប្រាកដជាដឹងរឿងទាំងនេះ ប៉ុន្តែសម្រាប់អ្នកមិនទាន់ចូលធ្វើការវិញ គួរតែត្រៀមប្រឈមនឹងរឿងទាំងនេះឲ្យហើយទៅ។ វាជារឿងធម្មតា ហើយអ្នកក៏មិនបាច់បារម្ភច្រើនពេកដែរ។

១. ប្រើរបស់សល់ពីគេ

ធម្មតាទេ បើអ្នកចូលជំនួសតំណែងគេ មានន័យថាអ្នកត្រូវប្រើរបស់ដែលសល់ពីគេ។ ដូច្នេះ វាអាចពិបាកខ្លះ ហើយអ្នកនឹងត្រូវការសួរនាំគេច្រើន ពីរបស់ប្រើប្រាស់ទាំងនោះ។

២. អ្នកត្រូវដើរទស្សនកិច្ចក្នុងក្រុមហ៊ុន

អ្នកនឹងដូចជាភ្ញៀវពិសេសម្នាក់ ដែលត្រូវបានតំណាង HR ណែនាំឲ្យស្គាល់ពីគ្រប់កន្លែង នៅក្នុងក្រុមហ៊ុន។

៣. អ្នកត្រូវបានណែនាំឲ្យស្គាល់បុគ្គលិកផ្សេងទៀត

អ្នកនឹងត្រូវទៅជំរាបសួរ បុគ្គលិកគ្រប់គ្នា នៅក្នុងក្រុមហ៊ុន។

៤. ត្រូវធ្វើការ ដែលខ្លួនមិនទាន់ចេះ

ថ្វីត្បិតតែនៅក្នុងតារាងការងារ ធ្វើឲ្យអ្នកជឿជាក់ថាធ្វើបាន ប៉ុន្តែពេលខ្លះ អ្នកក៏ត្រូវតម្រូវឲ្យធ្វើអ្វី ដែលអ្នកមិនដែលធ្លាប់ពីមុនមកដែរ។

៥. អ្នកត្រូវសុំការណែនាំពីមិត្តរួមការងារ

ជួនកាលគេក៏ពេញចិត្តប្រាប់អ្នកដោយមិនធុញទ្រាន់ ប៉ុន្តែពេលខ្លះ គេក៏ហត់នឿយនឹងប្រាប់អ្នកដែរ ដោយសារគេក៏មានការងារដែលគេត្រូវធ្វើបន្តទៀត។

៦. ត្រូវធ្វើអ្វីដែលគេប្រាប់

អ្នកត្រូវបង្ហាញសមត្ថភាព នៅក្នុងអំឡុងពេលនេះ ដើម្បីបញ្ជាក់ឲ្យគេដឹងថា អ្នកនឹងមិនធ្វើឲ្យក្រុមហ៊ុនអស់សង្ឃឹម ក្នុងការសម្រេចជ្រើសរើសអ្នកនោះទេ។

៧. ត្រូវកត់ចំនាំ

ដំបូងៗ គឺថាគេនិយាយអីមក អ្នកក៏ត្រូវតែកត់ចំនាំដែរ ព្រោះថាអ្នកនឹងមានការក្រែងចិត្ត មិនហ៊ានទៅសួរគេរហូតនោះទេ។

៨. បង្កើតកំហុសដោយអចេតនា

ដោយសារតែថ្មីថ្មោង ដូច្នេះ អ្នកក៏មិនទាន់ជ្រួលជ្រាបទាំងស្រុង ពីវិធី របស់ក្រុមហ៊ុននោះដែរ។ ដូចនេះ អ្នកអាចធ្វើខុសដោយអចេតនាគ្រប់ពេល រហូតពេលខ្លះ មានអ្នកសើចចំអកឲ្យអ្នកទៀត។ ប៉ុន្តែ កុំទៅខ្វល់ ចាត់ទុកវាជាមេរៀនទៅចុះ។

៩. ខ្វះរបស់ប្រើប្រាស់

អ្នកនៅមិនទាន់មានអ្វីគ្រប់យ៉ាងប្រើនោះទេ។ ពេលខ្លះ អ្នកត្រូវខ្ចីគេភ្លាមៗ ឬ ក៏ត្រូវទ្រាំចាំទិញរបស់ថ្មីសិន។ អ្នកក៏ចាប់ផ្តើមអន់ចិត្ត នៅពេលដែលគេមានអ្វីប្រើគ្រប់គ្រាន់ជាងអ្នក។