មិនបាច់គិតច្រើន បើមានសញ្ញាទាំងនេះ មនោសញ្ចេតនារបស់អ្នកឈានដល់ចំណុចបញ្ចប់ហើយ
- 2019-08-29 03:35:00
- ចំនួនមតិ 0 | ចំនួនចែករំលែក 0
មិនបាច់គិតច្រើន បើមានសញ្ញាទាំងនេះ មនោសញ្ចេតនារបស់អ្នកឈានដល់ចំណុចបញ្ចប់ហើយ
តើមានអ្នកធ្លាប់សួរខ្លួនឯងទេថា ចំណងមនោសញ្ចេតនារបស់ខ្លួនដែលកំពុងមាននេះ ពិតជាត្រូវនឹងខ្លួនដែរឬអត់ ឬក៏យើងដើរផ្លូវខុសហើយ? អ្វីដែលមានចាបផ្ដើម គឺតែងមានបញ្ចប់ គ្រាន់តែយូរនិងឆាប់ប៉ុណ្ណោះ ហើយមុនពេលបញ្ចប់គឺតែងផ្ដល់សញ្ញាជានិច្ច។ បើមនោសញ្ចេតនារបស់អ្នកទាំង២ចាប់ផ្ដើមមានសញ្ញាទាំងនេះ គឺកំពុងតែតម្រង់ទៅផ្លូវទាល់ហើយ។
១. អ្នកឈប់និយាយពាក្យថាអរគុណ
វេជ្ជបណ្ឌិត Mark Brown នៃសកលវិទ្យល័យ Oxford បានឲ្យដឹងថានៅពេលមនុស្សកំពុងស្រលាញ់គ្នា ទោះសកម្មភាពតូចប៉ុណ្ណាក៏នឹងនិយាយពាក្យអរគុណទៅគ្នាដែរ។ នៅពេលកម្រិតនៃការពាក្យនេះកាន់តែធ្លាក់ចុះ មានន័យថា ស្នេហាអ្នកក៏ចាប់ផ្ដើមសាបរលាបដូចគ្នា។
២. អ្នកគេចវេសពីការជជែកពីផែនការច្បាស់លាស់
នៅពេលកំពុងស្រលាញ់គ្នា គូស្នេហ៍មួយណាក៏នឹងគិតដល់រឿងវែងឆ្ងាយ ដូចជាគ្រួសារ ឬធំដុំដូចជាផ្ទះសម្បែងជាដើម។ ប្រសិនបើ ភាគីណាមួយក្នុងចំណោមអ្នកទាំង២ចាប់ផ្ដើមគេចវេសពីការគិតនេះនោះគឺ អ្នកទាំង២មិនមានបំណងដើរជាមួយគ្នាលើផ្លូវយូរអង្វែងឡើយ។
៣. អ្នកចូលគេងម៉ោងខុសគ្នា
សម្រាប់គូស្នេហ៍ដែលរស់នៅជាមួយគ្នា នៅពេលកំពុងពេញស្រលាញ់ ប្រាកដជានឹងចូលដំណេកនៅពេលជាមួយគ្នាហើយ។ ផ្ទុយមកវិញ នៅពេលចាប់ផ្ដើមរង្គោះរង្គើ នឹងគេចមុខគ្នា មិនថាពេលគេង ឬមិនទាន់គេងឡើយ។ តែពេលចូលគេងនឹងចូលពេលខុសគ្នា ដើម្បីគេចការនិយាយគ្នាមុនចូលគេង ព្រោះអស់អ្វីនិយាយនឹងគ្នាហើយ។
៤. អ្នកលែងហៅគេដោយរហស្សនាមដាក់ឲ្យគ្នា
យោងតាមអ្នកចិត្តវិទូជាច្រើន ដាក់ឈ្មោះឲ្យគ្នាគឺបង្ហាញពីមនោសញ្ចេតនាជ្រាលជ្រៅបំផុត ព្រោះមានតែអ្នកទាំង២ប៉ុណ្ណោះ ទើបដឹងពីឈ្មោះនេះ។ តែបើអ្នកចាប់ផ្ដើមរឹងមាត់ ហើយលែងហៅគ្នាដោយឈ្មោះទាំងនេះហើយ គឺមនោសញ្ចេតនានេះកំពុងដើរទៅដល់ផ្លូវទាល់ហើយ៕
ចុចអាន៖ នារីតែងលួចសម្លឹងមើលមិនដាក់ភ្នែកប៉ុន្មានចំណុចនេះ លើរាងកាយបុរស