នារីតែងលួចសម្លឹងមើលមិនដាក់ភ្នែកប៉ុន្មានចំណុចនេះ លើរាងកាយបុរស
- 2019-08-28 10:40:00
- ចំនួនមតិ 0 | ចំនួនចែករំលែក 0
នារីតែងលួចសម្លឹងមើលមិនដាក់ភ្នែកប៉ុន្មានចំណុចនេះ លើរាងកាយបុរស
មិនមែនតែមនុស្សប្រុសទេតែងលួចសម្លឹងលើរាងកាយនារី សូម្បីនារីក៏ដូចគ្នា។ ខាងក្រោមនេះជាចំណុចទាំង៧ ដែលនារីតែងលួចសម្លឹងមិនដាក់ភ្នែក ពេលជួបមនុស្សប្រុស៖
១. ភ្នែក
គេថា កែវភ្នែកជាបង្អួចបេះដូង ព្រោះបង្ហាញពីភាពក្លៀវក្លារបស់បុគ្គលម្នាក់នោះ។ ដោយសារតែបែបនេះហើយ ទើបនារីជាច្រើនលង់ស្នេហ៍មនុស្សប្រុសព្រោះកែវភ្នែករបស់គេ។ បើពេលគេញញឹមទៅ ចេញ Eye Smile ទៀត កាន់តែធ្វើឲ្យនារីមានអារម្មណ៍ជ្រួលច្របល់កាន់តែខ្លាំង។
២. បបូរមាត់
ប្រហែលជាមនុស្សប្រុសឆ្ងល់ហើយថា ម៉េចបានមនុស្សស្រីមកចាប់អារម្មណ៍ស្អីលើបបូរមាត់ទៅវិញ ព្រោះមនុស្សប្រុសអត់មានលាបក្រែមអីផង ។ ភាពទាក់ទាញគឺនាងមើលនៅពេលបុរសម្នាក់នោះនិយាយ ហើយកាន់តែគួរឲ្យក្នាញ់ទៀតនៅពេលគេសើច ដែលធ្វើឲ្យបបូរមាត់របស់គេកាន់តែស្រស់។
៣. ស្មា
ស្មាទូលាយរបស់មនុស្សប្រុស ជាចំណុចទាក់ទាញខ្លាំងក្នុងកែវភ្នែកមនុស្សស្រី ព្រោះនាងស្រមៃថាពេលនាងទន់ខ្សោយបំផុត នាងអាចផ្តេកលើស្មាដ៏រឹងមាំរបស់បុរសម្នាក់នោះបាន។
៤. ដៃ
បើនិយាយពីចំណុចឆក់យកបេះដូងនារី ឲ្យសម្លឹងមើលបុរសនោះគឺ ដៃ។ បើដៃបុរសកាន់តែមានសាច់ប៉ោងនិងមានសរសៃលេចលើប្រអប់ដៃទៀត នាងសង្ឃឹមថ្ងៃណាមួយបានកាន់ដៃបុរសម្នាក់នោះ ព្រោះនឹងធ្វើឲ្យនាងកក់ក្ដៅ។
៥. សាច់ដុំ
មនុស្សប្រុសមានសាច់ដុំ មើលទៅរឹងមាំប្រៀបដូចជាមេទ័ពម្នាក់យ៉ាងអង់អាច ដែលនារីជាច្រើនយល់ថា អាចការពារពួកគេបាន។ លើសពីនេះ ភាពទាក់ទាញមួយទៀតគឺអាចបង្ហាញថា បុរសនោះជាមនុស្សស្រលាញ់សុខភាព និងរាងកាយបានល្អ។ មិនមែនឲ្យតែសាច់ដុំធំៗ ក្នុងកែវភ្នែកមនុស្សស្រីសុទ្ធតែជាខ្ទើយសាច់ដុំទេណា។ បើមិនជឿ រវាងមនុស្សប្រុសស្គមដូចបង្គោលភ្លើងនិងបុរសមានសាច់ដុំ៦កង់ ដើរកាត់មុខនារី អ្នកនឹងដឹងច្បាស់ថា ម្នាក់ណាដែលស្រីៗសម្លឹងមុនគេ។
៦. សក់
បើសួរថា ចំណុចមួយណាទាក់ទាញចំណាប់អារម្មណ៍នារីពេលសម្លឹងមើលមនុស្សប្រុស នារីជាច្រើនប្រាកដជាឆ្លើយថាគឺ សក់។ សក់ដែលភ្លឺរលោង និងសិតមានសណ្ដាប់ធ្នាប់ ហើយបើគេឧស្សាហ៍យកដៃជ្រោងលេងទៀត កាន់តែបង្កើនមន្តស្នេហ៍សម្រាប់នារីទ្វេដង។
៧. មុខ
ចំណុចចុងក្រោយនេះមិនអាចបដិសេធបានទេ ព្រោះមុខជាផ្នែកសំខាន់ដំបូងដែលអ្នកណាក៏សម្លឹង។ ដោយសារតែមុខត្រូវគេចាត់ទុកថាជាការចាប់អារម្មណ៍ដំបូងដែលធ្វើឲ្យមនុស្សស្រីគិតដល់ និងចង់រាប់អាន។
៧ចំណុចនេះ ជាផ្នែកដែលនារីតែងលួចគយគន់លើរាងកាយបុរស។ ប៉ុន្តែរឿងសំខាន់បន្ទាប់ពីនារីចាប់អារម្មណ៍ខ្លាំងបំភ្លេចមិនបាន គឺអត្តចរិតរបស់មនុស្សប្រុស។ ដូច្នេះដឹងអាថ៍កំបាំងនេះហើយ បុរសទាំងឡាយកុំភ្លេចថែរក្សារាងកាយឲ្យស្រស់សង្ហា និងអាកប្បកិរិយាសមរម្យសក្ដិសមជាសុភាពបុរស៕
ចុចអាន៖ ៨ ចំណុចដែលមនុស្សប្រុសចាប់អារម្មណ៍លើរាងកាយនារី