មនុស្សស្រីចាស់ចិត្តចាស់គំនិត មិនផ្ដេកផ្ដួលជីវិតលើមនុស្សប្រុសឡើយ

2019-08-28 08:00:00
ចំនួនមតិ 0 | ចំនួនចែករំលែក 0

មានមនុស្សស្រីដែលមិនទាន់រៀបការមួយចំនួនបាននិយាយថា៖ «ជួបមនុស្សប្រុសល្អម្នាក់ ក្នុងមួយជីវិតនេះមិនបាច់ធំក៏បានដែរ» ឃ្លានេះមិនខុសទេ ប៉ុន្តែតើមនុស្សស្រីពិតជាចង់ធ្វើជាក្មេងស្រីដែលត្រូវឲ្យមនុស្សប្រុសការពារ មើលថែរហូតមែនទេ? ចុះហេតុអីមិនព្រមធ្វើជាមនុស្សស្រីដែលរឹងមាំអាចជួយជ្រោមជ្រែងមនុស្សមនុស្សប្រុសនោះវិញទៅ?

រូបតំណាង

មនុស្សស្រីដែលចាស់ចិត្តចាស់គំនិត មិនសំដៅទៅលើអាយុតិច ច្រើន ឬរៀបការហើយនោះទេ ព្រោះមានមនុស្សស្រីខ្លះអាយុជាងសាមសិបឆ្នាំទៅហើយ នៅតែមិនអាចរស់ដោយខ្លួនឯងបាន គឺចាំបាច់ដល់តែមានអ្នកនៅជាមួយ។

មនុស្សប្រុសស្រឡាញ់ណាស់មនុស្សស្រីដែលញ៉ិកញ៉ក់ដូចកូនក្មេង ព្រោះធ្វើឲ្យគេក្នាញ់ ចង់ថ្នាក់ថ្នម ប៉ុន្តែនោះមិនមែនមានន័យថាអ្នកត្រូវផ្ដេកផ្ដួលលើគេទាំងស្រុងនោះទេ ព្រោះមនុស្សប្រុសក៏ចង់បានប្រពន្ធរឹងមាំម្នាក់ធ្វើជាកម្លាំងចិត្តគេដូចគ្នា។

ត្រូវធ្វើជាមនុស្សស្រីម្នាក់ដែលមនុស្សប្រុសមិនអាចខ្វះបាន មិនមែនធ្វើជាមនុស្សស្រីម្នាក់ដែលមិនអាចខ្វះមនុស្សប្រុសបាននោះទេ។

បើអ្នកមានការងារធ្វើ ហើយប្ដីអ្នកក៏មានការងារធ្វើ នោះចំណូលគ្រួសារកើនឡើងទ្វេ ហើយអ្នកក៏មិនបាច់ពិបាកសុំលុយគេនៅពេលអ្នកចង់បានអីមួយដែរ។

ធ្លាប់គិតអត់ថា នៅពេលអ្នកចាយលុយអ្នកណា អ្នកត្រូវនៅក្រោមការគ្រប់គ្រងអ្នកនោះ។

តើអ្នកហ៊ានឈ្លោះគ្នាជាមួយប្ដីទេ បើឃើញប្ដីនៅក្រៅផ្ទះយប់ៗ បើរាល់ថ្ងៃអ្នកចាយលុយរបស់ប្ដីហ្នឹង?

តើអ្នកហ៊ានស្ដីថាឲ្យគេទេ នៅពេលគេធ្វើខុស បើអ្នកដែលឲ្យលុយអ្នកចាយជាគេហ្នឹង?

ឬមួយអ្នកត្រូវសម្ងំ អត់ទ្រាំ ដោយសារតែចង់រស់ក្នុងផ្ទះរបស់គេបន្ត?

រូបតំណាង

កុំធ្វើជាក្មេងស្រីដែលត្រូវគេចិញ្ចឹម គេផ្គត់ផ្គង់ តែត្រូវធ្វើជាមនុស្សស្រីដែលអាចរស់នៅដោយខ្លួនឯងបាន និងផ្គត់ផ្គង់គ្រួសារបានទោះគ្មានមនុស្សប្រុសក៏ដោយ។

ធ្វើជាមនុស្សស្រីដែលអាចមានចំណូលជួយគ្រួសារដូចគ្នា ដោយមិនឲ្យបន្ទុកនោះទៅលើមនុស្សប្រុសទាំងអស់។

ធ្វើជាមនុស្សស្រីដែលអាចចាយលុយទិញអ្វីដែលខ្លួនឯងស្រឡាញ់បាន ដោយមិនបាច់គ្រាន់តែកាបូបមួយត្រូវសុំគេដែរនោះ។

ធ្វើជាមនុស្សស្រីដែលមានសិទ្ធិស្មើគ្នាក្នុងការសម្រេចចិត្ត និងចាត់ចែងរឿងក្នុងគ្រួសារ មិនមែនងក់ក្បាលតាមតែប្ដីនិយាយនោះទេ។

ធ្វើជាមនុស្សស្រីដែលអាចផ្គត់ផ្គង់គ្រួសារ ឪពុកម្ដាយខ្លួនបាន ដោយមិនបាច់សុំលុយអ្នកណាទៅឲ្យគាត់។

ធ្វើជាមនុស្សស្រីម្នាក់ដែលត្រូវបាន មនុស្សប្រុសគោរពឲ្យតម្លៃ មិនមែនហុចលុយឲ្យអ្នកហើយ ដើរចេញពីផ្ទះ ឬមាត់តូចមាត់ធំដាក់អ្នកឡើយ។

ពេលដែលអ្នកក្លាយជាមនុស្សស្រីបែបនោះ មនុស្សប្រុសពិតជាពិបាកនឹងធ្វើបាបអ្នកណាស់ ហើយជំនួសមកវិញមានតែក្ដីស្រឡាញ់ ការចង់ក្បែរ និងការគោរព។

មនុស្សស្រីចាស់ទុំពេញលេញម្នាក់នឹងមិនធ្វើជាក្មេងស្រីដែលឲ្យគេមើលថែនោះទេ ព្រោះនាងអាចមើលថែខ្លួនឯងបាន ហើយក៏អាចមើលថែមនុស្សប្រុសបានវិញដូចគ្នា។

រូបតំណាង

មនុស្សប្រុសណាក៏ចង់បានមនុស្សស្រីបែបនោះដែរ ព្រោះគេជឿថាបើគេបានមនុស្សស្រីចាស់ទុំម្នាក់មកធ្វើជាប្រពន្ធ គេគឺជាមនុស្សដែលមានសំណាងបំផុត៕

ចុចអាន៖

កូនស្រីបើចង់រស់នៅក្នុងជីវិតដ៏ស្រស់ស្អាតបំផុតនោះ គួរអប់រំខ្លួនឲ្យមាន ២ចំណុចនេះ

ចំណុចទាក់ទាញខុសគ្នារវាងនារីដែលមានចរិតចាស់ទុំ និងនារីដែលមានចរិតកូនក្មេង

អត្ថបទ៖ ផេង ផលធិតា

ពាក្យទាក់ទង

ទំនាក់ទំនង និង ស្នេហា

ភ្ជាប់ទំនាក់ទំនងជាមួយ Kanha

អត្ថបទពេញនិយម

ឈ្មោះកូនប្រុសស្រីពីរោះៗមានន័យល្អដែលពេញនិយមបំផុតប្រចាំប្រទេសនីមួយៗ

ដុំពក ឬកូនកណ្តុរនៅទីតាំង៤នេះ គឺមិនប្រក្រតីហើយ ព្រោះជាសញ្ញាព្រមាននៃជំងឺមហារីក

ទាយប្រភេទត្បូង ប្រចាំខែកំណើត ទាក់ទងនិស្ស័យផ្ទាល់ខ្លួន ដែលនាំសំណាងឱ្យអ្នកពាក់ក់

មានអ្វីកើតឡើងចំពោះរាងកាយរបស់អ្នកនៅពេលអ្នកញ៉ាំស៊ុតឆ្អិនជារៀងរាល់ថ្ងៃ?

នេះគឺជាមូលហេតុធំ ធ្វើឲ្យមុនចេះតែកើតមាននៅលើចង្ការបស់អ្នក

កុំនិយមដាក់ឈ្មោះកូនជាភាសាបរទេសពេក មកមើលឈ្មោះខ្មែរ ពិរោះៗ ហើយមានអត្ថន័យល្អៗទៀត

ល្បែងប្រជាប្រិយទាំង១២ សម្រាប់លេងកម្សាន្តជួបជុំគ្នានាក្នុងថ្ងៃចូលឆ្នាំប្រពៃណីដឹងតែសប្បាយផ្តាំចាស់

អត្ថបទថ្មី

អ្នកមានបញ្ហាសុខភាពមួយចំនួន មិនគួរទទួលទានតែបៃតង ដើម្បីកុំឱ្យប៉ះពាល់សុខភាព

តើអ្នកជំងឺទឹកនោមផ្អែមត្រូវធ្វើអ្វីខ្លះដើម្បីគ្រប់គ្រងជាតិស្ករក្នុងឈាម?

ក្តៅក្នុង កើតឡើងដោយសារអ្វី? តើត្រូវព្យាបាល និងការពារយ៉ាងណា?

តើការទទួលទានអំបិលច្រើនលើបុរសអាចកាត់បន្ថយចំណង់ផ្លូវភេទបាន?

កំហុស ៨ យ៉ាងដែលឪពុកម្តាយធ្វើនាំឱ្យកូនៗបាត់ភាពរីករាយក្នុងវ័យកុមារភាព