កំហុសឆ្គងដែលស្រីៗតែងធ្វើពេលងូតទឹក រាល់ថ្ងៃដោយមិនដឹងខ្លួន
- 2019-08-26 09:05:00
- ចំនួនមតិ 0 | ចំនួនចែករំលែក 0
កំហុសឆ្គងដែលស្រីៗតែងធ្វើពេលងូតទឹក រាល់ថ្ងៃដោយមិនដឹងខ្លួន
ការងូតទឹកចាត់ទុកជាដំណាក់កាលដ៏សំខាន់មួយសម្រាប់សុខភាពនិងសម្រស់ ដែលអ្នកមិនគួរមើលរំលង។ ពេលខ្លះស្រីៗគ្នាយើង បានបំផ្លាញស្បែកដោយមិនដឹងខ្លួន ក្នុងខណៈពេលកំពុងងូតទឹកនេះឯង។ ដើម្បីការពារនិងបញ្ចៀសពីបញ្ហាទាំងឡាយ មានទម្លាប់មួយចំនួនដែលអ្នកមិនគួររំលងដាច់ខាត។
១. ងូតទឹកក្តៅយូរពេក
ដោយសារតែការងូតទឹកក្តៅ អាចជួយឲ្យសម្រួលដល់រាងកាយនិងធ្វើឲ្យអារម្មណ៍ស្រស់ស្រាយ ប៉ុន្តែបើអ្នកងូតលើសពី ៧នាទី វានឹងបណ្តាលឲ្យស្បែកស្ងួត រហូតដល់រោលរលាកក៏មាន។ បើចូលចិត្តងូតទឹកក្តៅ គួរកម្រិតក្នុងសីតុណ្ហភាពក្តៅល្មម និងមិនត្រូវងូតញឹកញាប់ពេក ហើយគួរលាបឡេផ្តល់សំណើមផង ដើម្បីការពារសុខភាពស្បែក។
២. កក់សក់រាល់ថ្ងៃ
មេឃក្តៅផង ហុយដី ផ្សែងធូលី បែកញើសផង ធ្វើឲ្យអ្នកនៅមិនសុខក្នុងខ្លួន ចង់តែកក់សក់រាល់ថ្ងៃ ព្រោះស្អុះស្អាប់ហើយបារម្ភខ្លាចធំក្លិនលើគេទៀត។ យ៉ាងណាមិញ ការធ្វើបែបនេះ ប្រៀបបានដូចជាអ្នក កំពុងដុះខាត់ស្បែកក្បាលមិនលោះពេល ជាហេតុធ្វើឲ្យស្បែកក្បាល ប្រែទៅជាស្ងួត កើតអង្គែជាដើម។ អ្នកអាចកក់រំលង១-២ថ្ងៃម្តង ទើបមិនបង្កបញ្ហា។
៣. ងូតទឹកលឿនពេក
មនុស្សស្រីមួយចំនួន ចូលចិត្តគេងស្ពឹកហើយភ្ញាក់ឡើងប្រញាប់ប្រញាល់ងូតទឹកតែមួយភ្លែតក៏ហើយបាត់ ទាំងពេលខ្លះនៅមានពពុះសាប៊ូជាប់ស្បែកនៅឡើយ។ ពពុះសាប៊ូទាំងនោះ សុទ្ធសឹងតែជាបណ្តុំនៃបាក់តេរី ដែលអាចបណ្តាលឲ្យស្បែករោល រមាស់ និងកើតមុនដោយសារ ជាតិកខ្វក់បានទុំជាប់លើរន្ធញើស។ គួរចេះប្រុងប្រយ័ត្ននិងងូតទឹកឲ្យបានត្រឹមត្រូវស្អាតល្អ។
៤. ប្រើស្រ្កាប់ខាត់ស្បែករាល់ថ្ងៃ
ឡេឬសាប៊ុសម្រាប់ស្ក្រាប់ មានតួនាទីដើម្បីដុសខាត់ជម្រុះកោសិកាចាស់ៗចេញពីស្បែកពិតមែន ប៉ុន្តែបើអ្នកប្រើរាល់ថ្ងៃពេក ក៏មិនល្អដែរ។ វានឹងបណ្តាលឲ្យស្បែកកាន់តែឡើងប្រេង ធ្វើឲ្យបាក់តេរីនិងសារធាតុពុលផ្សេងៗងាយនឹងសម្រុកចូល។
៥. ប្រើសាប៊ូដុសខ្លួនមានពពុះច្រើន
មនុស្សជាច្រើនគិតថា សាប៊ូដុសខ្លួនដែលមានពពុះច្រើន អាចជួយសម្អាតជាតិកខ្វក់នៅលើស្បែកបានស្អាតល្អ តាមការពិតសាប៊ូប្រភេទនេះ ក៏មានផ្ទុកសារធាតុគីមីច្រើនណាស់ដែរ។ ហើយវានឹងចូលទៅបំផ្លាញសំណើមលលើស្បែក ធ្វើឲ្យស្បែកកាន់តែស្ងួតទៅៗ។ គួរជ្រើសរើសសាប៊ូដុសខ្លួនណា ដែលស្រាលស្រទន់ល្មម មិនបែកពពុះស្គុលខ្លាំងពេក។
៦. ប្រើកន្សែងជូតយូរថ្ងៃ
ស្រីៗដែលតែងប្រើកន្សែងជូតជាប្រចាំ ហើយខ្ជិលបោកគក់នោះ គួរប្រយ័ត្នប្រយែងផង។ រាល់ពេលដែលអ្នកជូតមុខឬដងខ្លួនម្តងៗ កោសិកាងាប់ៗនៅលើស្បែក រួមទាំងបាក់តេរីផ្សេងៗតែងមកតោងស្អិតជាប់នឹងកន្សែង។ ហេតុនេះហើយ បើមិនចង់ឲ្យបាក់តេរីទាំងនោះមកទុំជាប់ជាមួយស្បែករបស់អ្នកម្តងទៀត គួរយកទៅបោកគក់បន្ទាប់ប្រើបានពី ២-៣ដង៕
ចុចអានបន្ត៖ តើអ្វីជាកូឡេស្តេរ៉ុល? តើវាមានគ្រោះថ្នាក់យ៉ាងណាចំពោះសុខភាពអ្នក?