ជីវិតមានសុភមង្គលជាប្រចាំ បើអាចធ្វើរឿង ៧ យ៉ាងនេះបាន
- 2019-08-08 02:20:00
- ចំនួនមតិ 0 | ចំនួនចែករំលែក 0
ជីវិតមានសុភមង្គលជាប្រចាំ បើអាចធ្វើរឿង ៧ យ៉ាងនេះបាន
ទោះជាថ្ងៃរវល់យ៉ាងណា ម្នាក់ៗមិនអាចបំភ្លេចពីអ្វីដែលនាំឲ្យមានសុភមង្គលបានឡើយ បើមិនដូចនោះទេជីវិតនឹងជួបតែបញ្ហា។ ដូច្នេះព្យាយាមធ្វើអ្វីដែលអ្នកចង់បាន ទើបរស់នៅដោយភាពរលូនទៅបាន។ ប្រសិនបើដឹងពីរបៀបកែតម្រូវ និងគិតអំពីសុភមង្គលដែលកើតឡើងរាល់ថ្ងៃនេះ ជីវិតអ្នកនឹងរីករាយជាប្រចាំ៖
១.រីករាយនឹងអ្វីដែលខ្លួនកំពុងមាន
ការពេញចិត្តអ្វីដែលមានក្នុងជីវិត គឺជាសុភមង្គលដ៏ល្អបំផុតរបស់មនុស្សម្នាក់ៗ។ រៀនច្នៃអ្វីដែលខ្លួនឯងមានស្រាប់ ឲ្យចេញជាប្រយោជន៍ផ្សេងៗ ដែលមនុស្សទូទៅមិនមាន នោះហើយជាក្ដីសុខពិតប្រាកដ។
**២.បង្រៀនខ្លួនឯងឲ្យយល់ពីពាក្យថាគ្រប់គ្រាន់**
មនុស្សដែលមិនស្គាល់ពាក្យថាគ្រប់គ្រាន់ គឺតែងតែមិនមានការស្ងប់ចិត្ត។ ដូចនេះត្រូវប្រាប់ខ្លួនឯងថា ការលោភលន់មិនអាចជួយអ្វីឲ្យប្រសើរបានឡើយ មានតែធ្វើឲ្យផ្លូវចិត្តច្របូកច្របល់ឡើង។
៣.ចាកចេញពីបណ្ដាញសង្គម
មនុស្សញៀននឹងប្រព័ន្ធផ្សព្វផ្សាយសង្គមខ្លាំង ក៏គ្មានក្ដីសុខដែរ ព្រោះបានទទួលព័ត៌មានច្រើនពេក ទាំងល្អ អាក្រក់ ពិត មិនពិត ធ្វើឲ្យមានអារម្មណ៍ថាអស់កម្លាំង។ សម្រាកពីវាមួយរយៈអ្នកនឹងរកឃើញថា ខ្លួនឯងមានពេលវេលាច្រើន ហើយអាចផ្ដោតលើការងារបានល្អ ជាងអង្គុយអូសចុះអូសឡើងមើលវា។
៤.សាកល្បងដើរជំនួសការជិះយានយន្ត
ការដើរយឺតៗមិនឆ្ងាយពេកដូចជាដើរទៅផ្សារ ឬម៉ាតនៅក្បែរខ្លួន ទៅទទួលទានអាហារថ្ងៃត្រង់ អាចជួយអ្នកឲ្យសម្លឹងមើល និងកត់សម្គាល់ពីបរិយាកាសជុំវិញខ្លួនបានប្រសើរជាងពេលជិះយានយន្ត។
៥.យកអសារមនុស្សមានបញ្ហា
ការជួយដល់មនុស្សដែលជួបប្រទះនឹងបញ្ហាដោយមិនចាំបាច់គិតពីសគុណ អ្នកនឹងទទួលបានអារម្មណ៍ស្រស់ស្រាយដូចបានធ្វើបុណ្យធំ ៧ វត្ត។
៦.កត់ត្រាអ្វីដែលល្អៗ
ជារៀងរាល់ថ្ងៃ បើអ្នកបានកត់ត្រារឿងរ៉ាវដែលជួបប្រទះ អ្នកនឹងភ្ញាក់ផ្អើលចំពោះវា ព្រោះជួយរំលឹកនូវការចងចាំដ៏ល្អ។
៧.ស្រមៃរឿងដែលសប្បាយៗ
អ្នកសាកគិតដល់រឿងមួយចំនួនដែលកន្លងមួយ តែវាពិតជាអនុស្សាវរីយល្អបំផុតជីវិត គួរតែគិតទៅ ព្រោះវាជួយឲ្យអារម្មណ៍អ្នកបានស្រាយពីកង្វល់ ជាជាងយកពេលមកគិតរឿងឈឺក្បាល និងគ្មានប្រយោជន៍៕
ចុចអាន៖សញ្ញាបង្ហាញថាអ្នកមានជំងឺគិតច្រើនជ្រុល ល្មមដល់ពេលបន្ធូរចេញខ្លះហើយ