វិធីលត់ដំចិត្ត ឲ្យចេះស្កប់ស្កល់ មិនច្រណែនពេលឃើញអ្នកដទៃល្អជាង
- 2019-07-31 09:30:00
- ចំនួនមតិ 0 | ចំនួនចែករំលែក 0
វិធីលត់ដំចិត្ត ឲ្យចេះស្កប់ស្កល់ មិនច្រណែនពេលឃើញអ្នកដទៃល្អជាង
ងាកមើលទៅមនុស្សជុំវិញខ្លួន ឃើញសុទ្ធតែអ្នកដែលល្អជាងខ្ញុំ គេមានលុយទិញរបស់ទំនើបប្រើ មានប្រាក់ខែខ្ពស់ មានជំនួញកាន់ក្នុងដៃទាំងវ័យក្មេង ឯខ្ញុំវិញហាក់បីដូចជាអន់ដល់ហើយ។
ពេលខ្លះខ្ញុំព្យាយាមមិនចង់គិតប្រៀបធៀបបែបនេះឡើយ ប៉ុន្តែមានកូនចិត្តមួយ ចេះតែលួចច្រណែនតូចចិត្តមិនស្កប់ស្កល់ ពេលឃើញជីវិតអ្នកដទៃ នៅលើចំណុចខ្ពស់ជាងខ្លួន។ យូរៗទៅ វាកាន់តែធ្វើឲ្យខួរក្បាល ច្របូកច្របល់ស្មុគស្មាញ ហើយកាន់តែមិនពេញចិត្តនូវអ្វីដែលកំពុងមានសព្វថ្ងៃ ទោះបីជាគ្រប់គ្រាន់ល្មមហើយក៏ដោយ។
តាមការសិក្សាអស់រយៈពេលជាច្រើនឆ្នាំរបស់ចិត្តវិទូ ដើម្បីរកដំណោះស្រាយចំពោះបញ្ហាមួយនេះគឺសាមញ្ញបំផុត។ ដំបូងបង្អស់ អ្នកត្រូវតែដកឫសគល់នៃភាពច្រណែន ដែលដក់ជាប់ក្នុងខួរក្បាលមកជាយូរ ដោយឈប់គិតពីអ្វីដែលធ្វើឲ្យអ្នកមិនសប្បាយចិត្ត បំបាត់ភាពលោភលន់ ខឹង និងការឈ្លក់វង្វេងហួសប្រមាណ។ បើចេះតែបណ្តោយ ចិត្តច្រណែននឹងកាន់តែចាក់ឫសជ្រៅទៅៗ ធ្វើឲ្យអ្នកមិនអាចបន្តដំណើរបានវែងឆ្ងាយ ដោយសាររវល់តែខ្វល់ខ្វាយពីរឿងគេខ្លាំងពេក។
បើមាននរណាធ្វើអ្វីមួយឲ្យអ្នកឈឺចាប់ ត្រូវបង្វិលខួរក្បាល ទៅគិតរឿងផ្សេង ដែលមិនប៉ះពាល់ដល់អារម្មណ៍របស់អ្នក។ កុំគិតច្រើន នាំឲ្យខ្លួនឯង រឹតតែហ្មងសៅលើសដើម។ គ្រប់យ៉ាងស្ថិតនៅលើចិត្តគំនិតរបស់អ្នក។ ពេលអ្នកអាចគ្រប់គ្រងវា ឲ្យល្អត្រឹមត្រូវ ក្តីសុខ ភាពស្កប់ស្កល់ សុភមង្គល នឹងកើតឡើងឯងៗ ដោយពុំចាំបាច់ ហត់ទាំងកាយហត់ទាំងចិត្ត ស្ទើរអស់ខ្យល់ម្តងៗ។
ព្យាយាមបង្រៀនបេះដូង ឲ្យចេះទទួលស្គាល់នូវការខិតខំប្រឹងប្រែង ដោយសមត្ថភាពផ្ទាល់ខ្លួន ហើយកុំពូកែប្រៀបធៀប ជាមួយនឹងអ្នកផ្សេងដែលល្អលើសលប់ជាងខ្លួនខ្លាំងពេក ព្រោះវានាំឲ្យចិត្តវិលវល់។ អ្នកដើរផ្លូវរបស់អ្នក គេដើរផ្លូវរបស់គេ ហើយចំណុចល្អក៏មានខុសៗគ្នាដែរ៕
ចុចអានបន្ត៖ ខ្ញុំស្ងប់ស្ងាត់មិននិយាយ មិនមែនមានន័យថាល្ងង់នោះទេ តែជាការផ្ដល់តម្លៃឲ្យអ្នក