គេតែងថាយើងផ្លាស់ប្ដូរហើយ តែមិនដែលឃើញពីណាសួរយើងឆ្លងកាត់អ្វីសោះ

2019-07-27 01:00:00
ចំនួនមតិ 0 | ចំនួនចែករំលែក 0

វាពិតជាងាយស្រួលខ្លាំងណាស់នៅពេលយើងវាយតម្លៃអ្នកណាម្នាក់ រីឯរកពេលស្ដាប់គេ យល់ពីគេ បើកចិត្តចំពោះគេវិញ គឺកម្រខ្លាំងណាស់។ សួរថា លើលោកនេះ មានមនុស្សប៉ុន្មាននាក់ដែលយល់ពីយើងពិតប្រាកដ?

អ្នកមានដែលប្រទះទេថា យូរៗជួបមិត្តចាស់ ឬអ្នកធ្លាប់ស្គាល់គ្នាចាស់ឡើងវិញ គេតែងតែនិយាយថា អត្តចរិតយើងនៅពេលនេះ គឺផ្លាស់ប្ដូរពីមុនហើយ គឺលែងដូចមុនហើយ។ គ្រាន់តែចង់និយាយថា គេគ្រាន់តែក្រលេកមើលយើង២ ៣វិនាទី គេក៏ធ្លោយសម្ដីទាំងនោះចេញមកដោយមិនបានគិតអ្វីច្រើន?

តែអ្នកមានដឹងទេថា សម្រាប់មនុស្សម្នាក់ ដើម្បីផ្លាស់ប្ដូរពីចរិតមួយ ទៅចរិតមួយទៀត គឺតម្រូវឲ្យឆ្លងកាត់បទពិសោធន៍ល្វីងជូរចត់មិនតិចឡើយ។ ខណៈអ្នកខ្លះរឹងមាំជាងមុន ចេះឆ្មើងជាងមុន ក៏មកពីឆ្លងកាត់ការបែកបាក់មនោសញ្ចេតនា ឬឆ្លងកាត់វិបត្តិគ្រួសារ ឬក៏អាចមកពីធ្លាប់ត្រូវគេមើលងាយក៏ថាបាន។

ហើយក៏មួយចំនួនទៀត គេផ្លាស់ប្ដូរដោយសារតែគេចង់ឲ្យខ្លួនក្លាយជាមនុស្សដែលប្រសើរជាងមុនក៏ថាបាន។ ឧទាហរណ៍ដូចជា ពីមុនយើងជាមនុស្សអៀនប្រៀន តែពេលនេះ គ្រាន់តែយើងក្លាហានជាងមុន គេក៏វាយតម្លៃយើង។

រូបតំណាង

មនុស្សមួយចំនួនគឺមាត់ឆៅមិនសូវថាអីទេ ដែលថាឲ្យយើងផ្លាស់ប្ដូរហើយ តែមានមួយចំនួនទៀត គឺតួឈ្នានីសចំតែម្ដង នៅពេលដែលឃើញយើងផ្លាស់ប្ដូរ។ គឺសុទ្ធតែថាយើងហ្នឹងប្រែហើយ លែងដូចមុនហើយ ទាំងមិនដឹងដើមទងនៃសាច់រឿងរបស់គេសោះ។ និយាយឲ្យចំទៅ មនុស្សដែលយល់ពីយើងពិតប្រាកដគឺតិច តែអ្នកដែលប្រញាប់វាយតម្លៃគេ គឺរាប់មិនអស់សោះ៕

ចុចអាន៖ អាយុ២៨ឆ្នាំ មានលុយសន្សំតែ៥០០ដុល្លារ និងភាពរសាត់អណ្ដែតរបស់យុវវ័យបច្ចុប្បន្ន

ប្រភព៖ Guu ប្រែសម្រួល៖ Caramel