៥ ចំណុចគួរដឹង ពេលចង់ solo trip

2019-07-26 08:30:00
ចំនួនមតិ 0 | ចំនួនចែករំលែក 0

ដើរលេងម្នាក់ឯងគួរតែដឹង ៥ ចំណុចនេះ ចៀសវាងស្តាយក្រោយពេលមកវិញ។ ពេលដើរលេងម្តងៗ ធម្មតាអ្នកតែងតែមានផែនការច្បាស់លាស់ដើម្បីមានភាពងាយស្រួល។ យ៉ាងណាសម្រាប់អ្នកចូលចិត្តដើរលេងម្នាក់ឯង គួរតែរៀបចំខ្លួនឲ្យបានហ្មត់ចត់ពេល Solo Trip។ ថ្ងៃនេះកញ្ញាសូមណែនាំពីវិធីទាំង ៥ ពេលអ្នកដើរលេងម្នាក់ឯង៖

ចំណុចទី ១៖ រៀបចំគោលដៅ

សួរខ្លួនឯងឲ្យបានច្បាស់ថាចង់ទៅទីកន្លែងណាជាងគេ ដើរលេងក្នុងប្រទេស ខេត្តណា តំបន់ណា។ តើចង់ទៅ ទស្សនាប្រាសាទ លេងសមុទ្រ ទស្សនាទីក្រុង ឫក៏បែបផ្សងព្រេងដូចជា ឡើងភ្នំជាដើម។

ចំណុចទី ២៖ លៃលករឿងថវិកា

ត្រូវដឹងថាអ្នកចង់ទៅកម្សាន្តរយៈពេលប៉ុន្មានថ្ងៃ តម្លៃសណ្ឋាគារ ការធ្វើដំណើរ ការញុំាផ្សេងៗ និងការទិញរបស់កំបុិកំប៉ុកនានា។

ចំណុចទី ៣៖ ត្រៀមសម្លៀកបំពាក់

គួរតែដឹងថាសម្លៀកបំពាក់ប្រភេទណាដែលស័ក្ដិសមទៅនឹងកន្លែងអ្នកទៅ។ ឧទាហរណ៍ ទៅលេងភ្នំ គួរស្លៀកពាក់ជិតៗបន្តិច។ ដាក់សម្លៀកបំពាក់ឲ្យច្រើនចៀសវាង ការខ្វះពិបាករក។

ចំណុចទី ៤៖ រៀបចំគ្រឿង Make Up

សំខាន់ណាស់រឿងតុបតែងមុខ និងខ្លូនប្រាណនេះ អ្នកគួរតែមានផលិតផលការពារស្បែកមុខនិងខ្លួន ដូចជា ឡេការពារកម្តៅថ្ងៃ គ្រីមការពារសម្រាប់មុខ និងផលិតផលផ្សេងទៀតសម្រាប់ផ្តល់ឲ្យស្បែកមានសំណើមជាដើម។

ចំណុចទី ៥៖ មានទូរសព្ទឫកាម៉េរាថតរូប

បើអ្នកទៅដើរលេងដោយមិនមានទូរសព្ទឫកាមេ៉រាសម្រាប់ថតយករូបភាពស្អាតៗនោះ សួរថាទៅដើរលេងមានន័យអី។ ទៅដើរលេងម្នាក់ឯងអ្នកគួរតែត្រៀមឆ្នាំងសាកបញ្ចូលថ្ម ដង selfie ថ្មកាម៉េរា ក៏ដូចជា memory ចៀសវាងអស់ពេលត្រូវការផ្តិតយកទេសភាពស្អាតៗ។

កុំឲ្យ solo trip អ្នកទៅជាឥតន័យ អនុវត្តតាមវិធីខាងលើមិនខកបំណងឡើយ។

រូបភាព៖ fernynop pinterest

ចុចអានបន្ត៖ ទៅស្រុកគេតិចច្រឡំធ្វើរឿងទាំងនេះ ដឹងតែខ្មាសគេខ្លាំង

អត្ថបទ៖ សុវណ្ណ ស្រីពីន