ភេសជ្ជៈ ១១ ប្រភេទ ជួយបន្ថយភាពចាស់យ៉ាងមានប្រសិទ្ធភាព

2019-07-25 03:45:00
ចំនួនមតិ 0 | ចំនួនចែករំលែក 0

ភាពចាស់ គឺជារឿងដែលមនុស្សគ្រប់គ្នាចៀសមិនបាន គ្មាននរណាម្នាក់នៅក្មេងជារៀងរហូតឡើយ។ មានវិធីមួយចំនួនដែលជួយកាត់បន្ថយភាពចាស់របស់អ្នកបានតាមរយៈការទទួលទានភេសជ្ជៈទាំង ១១ មុខរួមមាន៖

១. កាហ្វេ

កាហ្វេជួយការពារប្រយុទ្ធប្រឆាំងនឹងការហើមរលាក និងហានិភ័យទាបនៃមហារីកស្បែក។ យោងតាមការសិក្សារបស់ European Journal of Cancer Prevention បានរកឃើញថា អ្នកដែលញុំាកាហ្វេមួយពែងជារៀងរាល់ថ្ងៃ ជួយកាត់បន្ថយហានិភ័យនៃការវិវត្តទៅជាជំងឺមហារីកស្បែកមេឡាម៉ាណូម៉ាបានប្រហែល 10% ។

២. ទឹកផ្លែឈើជូរ Greek

រក្សាកម្រិតស្ករនៅក្នុងឈាមបានល្អនិងជួយឲ្យស្បែកទន់ភ្លឺចែងចាំង។ បន្ថែមផ្លែឈើដូចជាផ្លែចេកនិងផ្លែប៊ឺរីជាមួយទឹកដោះ Greek ដើម្បីធ្វើឱ្យមានស្បែកទន់រលោង។

៣. ស្រា

កាត់បន្ថយការហើមរលាកនិងកាត់បន្ថយការរវើរវាយនិងជំងឺ Alzeimer ។ ទទួលទានស្រាជាមធ្យមដូចជា ស្រ្តីមួយកែវក្នុងមួយថ្ងៃ ឯបុរសពីរកែវក្នុងមួយថ្ងៃអាចការពារការរវើរវាយនិងជំងឺ Alzeimerបាន។

៤. ទឹក

ប្រឆាំងភាពជ្រីវជ្រួញ បន្សាបជាតិពុល និងរក្សាសរីរាង្គឲ្យមានសុខភាពល្អ។ នៅក្នុងខ្លួនមនុស្សពេញវ័យមានជាតិទឹកប្រមាណ ៦៥% ដូចេ្នះការពាររាងកាយអ្នកពីការខ្សោះជាតិទឹកដើម្បីឲ្យរាងកាយធ្វើតួនាទីបានល្អ។

៥. តែ

ការពារភាពជ្រីវជ្រួញនិងកាត់បន្ថយហានិភ័យនៃជំងឺបេះដូង។ តែបៃតងសម្បូរការប្រឆាំងនឹងភាពចាស់ សារធាតុប្រឆាំងអុកស៊ីតកម្មប្រឆាំងនឹងភាពចាស់ដែលជួយការពារស្នាមជ្រួញពីការលេចឡើង ដោយបង្កើនការផ្លាស់ប្តូរកោសិកាថ្មី។

៦. ទឹកមើមឆៃថាវស្វាយ

កាត់បន្ថយការរវើរវាយ ប្រឆាំងភាពជ្រីវជ្រួញ និងបន្សាបជាតិពុល។ សារធាតុប្រឆាំងនឹងអុកសុីតកម្មនៅក្នុងមើមឆៃថាវអាចការពាររាងកាយពីរ៉ាឌីកាល់ក៏ដូចជាប្រយុទ្ធប្រឆាំងភាពជ្រីវជ្រួញ។

៧. ទឹកដោះគោអាល់ម៉ុនលាយចេកនិងផ្លែប័រ

ផ្តល់ឲ្យស្បែកមានពន្លឺនិងជួយឲ្យសក់ ក្រចករឹងមាំ។ ទឹកដោះគោអាល់ម៉ុនមានវីតាមីន A, D, និង E ដែលអាចរក្សាស្បែករបស់អ្នកអោយមានសុខភាពល្អនិងមើលទៅក្មេង។ វាក៏សំបូរជាតិកាល់ស្យូមនិងប្រូតេអ៊ីនផងដែរ ដែលជួយរក្សា ក្រចក និងសក់ឱ្យរឹងមាំនិងទន់។

៨. ទឹកក្រូចថ្លុងកិនស្រស់

រក្សាស្បែកស្រស់និងមានពន្លឺ ព្យាបាលស្បែកឲ្យមានសម្បុរថេរ និងកាត់បន្ថយភាពជ្រីវជ្រួញ។ រាងកាយរបស់អ្នកត្រូវការវីតាមីនសុីដើម្បីផលិតខូឡាជេនធ្វើឲ្យស្បែករឹងមាំ ដូច្នេះញុំាទឹកក្រូចថ្លុងស្រស់មួយកែវនឹងធ្វើឲ្យក្មេងជាងវ័យ។

៩. ទឹកដូង

ជួយសម្រួលដល់មេតាប៉ូលីស ជួយឲ្យកោសិកាលូតលាស់ និងប្រឆាំងការកើតជំងឺមហារីក។ ទឹកដូងសម្បូរទៅដោយជាតិរ៉ែនិងអេឡិចត្រូលីត ដែលមានសារសំខាន់ក្នុងការរំលាយអាហារឲ្យមានសុខភាពល្អអាសុីតអាមីណូ លីពីត និងកាបូននីដ្រាត សម្រាប់ចែកចាយសារធាតុចិញ្ចឹមពេលទទួលបានពីអាហារ។ ទឹកដូងផងដែរក៏មានអ័រម៉ូនរុក្ខជាតិដែលត្រូវបានគេហៅថា cytokinin ដែលជំរុញការលូតលាស់របស់កោសិកា។

១០. ទឹកប្រទាលកន្ទុយក្រពើ

បង្កើនភាពទន់រលោងដល់ស្បែក និងជម្រុញឲ្យកោសិកាកើតថ្មី។ វាសម្បូរទៅដោយអាស៊ីដអាមីណូនិងសារធាតុចិញ្ចឹមដែលជួយបង្កើនការផលិត collagen នៅក្នុងខ្លួន។ សារធាតុប្រឆាំងអុកស៊ីតកម្មដែលមានវត្តមាននៅក្នុងទឹកក៏ជួយជម្រុញដល់ស្បែកខណៈ ជួយថែរក្សាភាពទន់របស់ស្បែក។

១១. ទឹកដោះគោ

បង្កើនសាច់ដុំឲ្យគ្មានខ្លាញ់ បង្កើនសាច់ដុំឲ្យរឹងមាំ ជួយព្យាបាលរបួស និងរក្សាកម្រិតស្ករនៅក្នុងឈាម។ ទឹកដោះគោក៏មានប្រូតេអ៊ីន whey ដែលជាប្រភពដ៏ប្រសើរនៃ leucine ។

ចុចអានបន្ត៖ សញ្ញាទាំង ៧ នៅលើដៃ បង្ហាញពីសុខភាពអ្នក

រឿង ១០ យ៉ាងនឹងកើតឡើងលើរាងកាយ បើអ្នកមិនទទួលទានសាច់

ប្រភព៖ Brightside ប្រែសម្រួល៖ សុវណ្ណ ស្រីពីន