ច្រឡំដៃដាក់របស់ទាំងនេះនៅក្បាលដំណេក ប្រយ័ត្នយកគ្រោះដាក់ខ្លួន
- 2019-07-17 02:30:00
- ចំនួនមតិ 0 | ចំនួនចែករំលែក 0
ច្រឡំដៃដាក់របស់ទាំងនេះនៅក្បាលដំណេក ប្រយ័ត្នយកគ្រោះដាក់ខ្លួន
យោងតាមទាំងក្បួនហុងស៊ុយក៏ដូចវិទ្យាសាស្ត្រ វត្ថុខាងក្រោមនេះសុទ្ធតែធ្វើឲ្យប៉ះពាល់ដល់សុខភាពរបស់មនុស្ស ក៏ដូចជាលាភសំណាងរបស់ពួក ខុសពីអ្វីដែលពួកគេបានគិតទុក។
១. ផើងដើមឈើ
ដើមឈើអាចបន្សុទ្ធខ្យល់នៅក្នុងបន្ទប់បានយ៉ាងល្អនៅពេលថ្ងៃ តែនៅពេលយប់ វានឹងបញ្ចេញឧស្ម័នកាបូនិក ស្រូបយកអុកស៊ីសែនវិញ។ ប្រសិនបើអ្នកដាក់នៅក្បាលដំណេក នឹងធ្វើឲ្យអ្នកពិបាកដកដង្ហើម គេមិនលក់។ ហើយដីក្នុងផើងផ្កាក៏សម្បូរទៅមេរោគដូចគ្នា។
២. កញ្ចក់
អ្នកដែលមិនគួរដាក់កញ្ចក់នៅក្បាលដំណេកឡើយ ជាពិសេសគឺសម្រាប់មនុស្សចាស់ និងមនុស្សព្រលឹងតិច។ ព្រោះគេជឿជាក់ថា នៅពេលយើងគេងលក់ ព្រលឹងយើងនឹងហោះចេញក្រៅ បើឃើញខ្លួនឯងនោះ នឹងធ្វើឲ្យភ្ញាក់។
៣. កន្ត្រៃ កាំបិត
ចាស់បុរាណជឿថា ដាក់របស់ស្រួចនៅជិតខ្លួនដូចជា កន្ត្រៃ ឬកាំបិតគឺអាចបង្ការ ខ្មោច ព្រាយ បិសាចបាន តែផ្ទុយមកវិញ របស់ទាំងនេះ អាចបង្ករគ្រោះថ្នាក់ដល់អ្នកវិញ ប្រសិនបើមិនប្រុងប្រយ័ត្នទេនោះ។ បន្ថែមពីនេះ ក្បួនហុងស៊ុយជឿជាក់ បើដាក់លើក្បាលដំណេក របស់ទាំងនេះនឹងនាំចង្រៃដល់ការងាររបស់អ្នក។
៤. រូបមនុសុ្សដែលស្លាប់ហើយ
ទោះបីជាអ្នកនៅនឹកសាច់ញាតិច្រើនយ៉ាងណាក៏ដោយ ក៏មិនគួរដាក់រូបអ្នកដែលស្លាប់ហើយនៅក្បាលដំណេកដែរ ត្បិតបើរូបនេះមិនដាក់នៅកន្លែងសក្ករៈ ឬទីខ្ពស់ទេ គឺអាប់រាសីដល់ម្ចាស់ផ្ទះហើយ៕
ចុចអាន៖ កុំឆ្ងល់ថាហេតុអ្វីនៅតែក្រទោះប្រឹងរកក៏ដោយ បើដាក់ធុងសំរាមនៅកន្លែងនេះ