ហេតុផល ១០យ៉ាងមនុស្សស្រីចាប់អារម្មណ៍ខ្លាំងនឹងមនុស្សប្រុសមិនសូវចេះនិយាយ

2019-07-22 01:00:00
ចំនួនមតិ 0 | ចំនួនចែករំលែក 0

ប្រសិនបើមនុស្សប្រុសបានអានពីរឿងរ៉ាវនេះ ឱកាសយ៉ាងច្រើនមនុស្សស្រីពេញចិត្តខ្លាំងចំពោះអ្នក។ ដូច្នេះហើយ កុំមានអារម្មណ៍មិនល្អ បើទោះបីជាយើងមិនមែនជាមនុស្សបានសម្ដីដូចគេ ។ខាងក្រោមនេះ ជាហេតុផលមនុស្សស្រីស្រលាញ់មនុស្សប្រុសមានលក្ខណៈបែបនេះ ៖

១.មានសុវត្ថិភាព

នាងមានអារម្មណ៍ថាអ្នកមានសុវត្ថិភាព ព្រោះមនុស្សប្រុសមិនសូវមាត់ក គឺមិនមានលក្ខណៈ ប្រថុយអ្វីឡើយ ហើយនាងក៏មិនសូវបារម្ភពីអ្វីដែលអ្នកចង់បង្ហាញរឿងអ្វីមួយទៅអ្នកដទៃដែរ។ បើមនុស្សប្រុសពូកែសម្ដីវិញ គេតែងខ្វល់នឹងការឆ្លើយតបរបស់អ្នកផ្សេង ក៏ដូចជាពូកែយកចិត្តទុកដាក់ស្ដាប់រឿងអ្នកដទៃផងដែរ។ នេះមានន័យថា ជានិច្ចកាលពួកគេធ្វើអ្វីមួយដើម្បីឲ្យខ្លួនឯងមានភាពលេចធ្លោ និង ទទួលបានចំណាប់អារម្មណ៍ពីអ្នកផ្សេង។ មនុស្សស្រីជាច្រើនត្រូវការមនុស្សប្រុសដែលមានសុវត្ថិភាពដើម្បីឲ្យប្រាកដថានាងមានទំនុកចិត្តនៅពេលជ្រើសយកអ្នក។

២.មានភាពស្មោះត្រង់

មនុស្សប្រុសប្រភេទនេះ មានភាពស្មោះនូវអ្វីដែលគេបានធ្វើ អ្វីដែលគេគិត អ្វីដែលគេមានអារម្មណ៍ និងអ្វីដែលគេផ្ដល់យោបល់ទៅអ្នកដទៃ។

៣.ជាអ្នកស្ដាប់ដ៏ពូកែ

មនុស្សប្រុសបែបនេះ ជាអ្នកស្តាប់ដ៏ពូកែម្នាក់ដោយគេមិនគ្រាន់តែស្ដាប់នូវអ្វីដែលអ្នកបាននិយាយនោះទេ គេគិតនិងយកអារម្មណ៍ខ្លូនឯងផ្ចង់នូវអ្វីដែលអ្នកបានរៀបរាប់ដោយផ្ដល់តម្លៃនិងយោបល់ដ៏ប្រពៃសម្រាប់អ្នកទៀតផង។

៤.មានភាពម៉ឹងម៉ាត់

គេតែងតែទោរទន់ទៅរកការគិតបែបម៉ត់ចត់ពីជីវិតចំពោះទទួលខុសត្រូវ ការរៀបចំផែនការអនាគត និងការបង្កើតគ្រួសារជាដើម។ ដូច្នេះចំពោះស្រ្តី អ្នកពិតជាពិបាកបើចាប់ផ្ដើមដំណើរជីវិតជាមួយមនុស្សមិនភាពច្បាស់លាស់នឹងជីវិតក្នុងការធ្វើកិច្ចការអ្វីមួយនោះ។

៥.ការប្រាស្រ័យទាក់ទង

គេប្រហែលជាអាចខ្វល់នឹងមនុស្សដែលគស្រលាញ់ខ្លាំង ប៉ុន្តែគេមានភាពជឿជាក់ក្នុងការបង្ហាញពីភាពស្មោះត្រង់របស់គេទៅកាន់អ្នកដែលគេស្រលាញ់ ហើយគេផ្ដល់តម្លៃយ៉ាងខ្លាំងដល់ការនិយាយស្ដី ។

៦.ចេះភ្ញាក់ខ្លួន

គេជាមនុស្សតែងតែមានការដឹងខ្លូនជានិច្ច ព្រោះគេតែងចំណាយពេលយ៉ាងយូរក្នុងការគិតអ្វីមួយ ពីរបៀបធ្វើយ៉ាងណាឲ្យចំណុចនោះមានភាពល្អប្រសើរឡើង និងធ្វើយ៉ាងណាដើម្បីបានទៅដល់គោលដៅអ្វីដែលខ្លូនចង់បាន។

៧.ជាអ្នកសង្កេត

គេជាមនុស្សពូកែកត់ចំណាំរឿងរ៉ាងកំប៉ិចកំប៉ុករបស់មនុស្សស្រី ដូចជានាងចូលចិត្តធ្វើអ្វី ចូលចិត្តអ្វី និងមិនចូលចិត្តអ្វីមួយ ហើយនេះជាអ្វីដែលមនុស្សស្រីភាគច្រើនស្រលាញ់។

៨.ឆាប់រីករាយ

គេឆាប់នឹងមានភាពរីករាយដោយគេមិនត្រូវការធ្វើអ្វីឲ្យហួសប្រមាណដើម្បីឲ្យគេសប្បាយចិត្តឡើយ។

៩ មានភក្ដីភាព

មនុស្សប្រុសមិនសូវចេះនិយាយស្ដីអាចទុកចិត្តបានជាងមនុស្សពូកែសម្ដីខ្លះ ព្រោះគេដឹងពីសារសំខាន់នៃរឿងណាដែលគួរទុកវាជាការសម្ងាត់សម្រាប់ដៃគូរគេ។ ខុសពីអ្នកបានសម្ដីជាធម្មតាចូលចិត្តយករឿងរ៉ាវជាច្រើនទៅប្រាប់អ្នកដទៃ។

១០.ចង់មានទំនាក់ទំនងពិតប្រាកដ

គេស្រលាញ់អ្នកដោយសារតែគេមានអារម្មណ៍ថាអ្នកជាស្នេហ៍ពិតគេ មិនមែនព្រោះតែគេឯកាឬដោយសារគេនៅតែឯងយូរពេក ឬមិត្តភក្តិគេមានសង្សាអស់ទៅហើយនោះទេ ទើបគេចង់មានសង្សារដែរនោះទេ។ គេរួចរាល់ជាស្រេចក្នុងការចាប់ផ្ដើមស្នេហ៍នឹងអ្នក ព្រោះគេស្រលាញ់អ្នកដោយអារម្មណ៍ទាំងនោះផុសចេញពីបេះដូងរបស់គេយ៉ាងពិតប្រាកដ។

ចុចអាន៖ រៀបការប្រៀបដូចលេងហ្គេមដែរ បើមិនវាងវៃនឹងត្រូវចាញ់

ប្រភព៖ powerofpositivity ប្រែសម្រួល៖ ង៉ាន់ សុគុន