រៀបការប្រៀបដូចលេងហ្គេមដែរ បើមិនវាងវៃនឹងត្រូវចាញ់

2019-07-16 05:00:00
ចំនួនមតិ 0 | ចំនួនចែករំលែក 0

មនុស្សស្រីយកប្ដី គឺជាល្បែងមួយដៃលធំបំផុតនៅក្នុងជីវិតរបស់ខ្លួន អ្នកកាន់បៀរល្អ មិនប្រាកដថាឈ្នះឡើយ ព្រោះអ្នកពូកែលេងទើបជាអ្នកក្ដាប់ទាំងអស់។

តាមការពិតទៅ យកប្ដីបានស្រណុកចិត្ត ឬអត់គឺអាស្រ័យលើខ្លួនឯងច្រើនណាស់។ តាមជាក់ស្ដែង មនុស្សស្រីមិនតិចឡើយ ដែលតែងច្រណែននឹងជីវិតរបស់នារីដទៃ។ តែពួកគេមិនបានដឹងឡើយថា ទម្រាំទទួលបានជីវិតគូដែលមានសុភមង្គល គេត្រូវចំណាយញើសឈាមច្រើនប៉ុណ្ណា មិនមែនបានមកដោយងាយៗឡើយ។

គេថាមនុស្សប្រុសចំណាយកម្លាំង មនុស្សស្រីចំណាយគំនិត។ មនុស្សដែលមិនរឹងពេក ចេះថ្នមទៅតាមប្ដី ប្រាកដជារក្សាបានសុភមង្គលនៃគ្រួសារ។ ប៉ុន្តែ នារីសម័យថ្មី ទោះជាចេះទ្រេតទៅតាមប្ដី ក៏ត្រូវមានគោលជំហរច្បាស់របស់ខ្លួនដូចគ្នា។ មិនត្រឹមតែត្រូវចេះរក្សាសុភមង្គលនោះទេ មនុស្សស្រីថែមទាំងត្រូវសង់របងដើម្បីការពារសុភមង្គលរបស់ខ្លួនទៀតផង ព្រោះសម័យនេះទៅហើយ បើគ្រាន់តែចេះថែរក្សា គឺមិនគង់ឡើយ។

ដូចគេប្រៀបធៀបថា យកប្ដីប្រៀបដូចជាលេងហ្គេម បើមិនចេះលេង ក៏គង់តែចាញ់។ ដូចគ្នានឹងយកបានប្ដីល្អយ៉ាងណា បើមិនចេះទុកដាក់ ក៏រលាយបាត់ទៅដូចគ្នា។ អ្វីដែលបុរសតែងហាមខ្លួនមិនបាននោះគឺ មានស្រីខាងក្រៅ ដូចនេះមនុស្សស្រីត្រូវរឹងមាំ និងវ័យឆ្លាតដើម្បីរក្សាបុរសរបស់ខ្លួនឲ្យបាន។

រាល់មង្គលការទាំងអស់សុទ្ធតែវង់ល្បែងដែលមិនអាចឃើញមុនបាន។ រាល់ការចុះបៀរសុទ្ធតែត្រូវគិតឲ្យបានច្បាស់ មុនទម្លាក់។ មុនឈានចូលវង់បៀរឬមុនយកប្ដី ត្រូវបំប៉នតិចនិកឲ្យហើយ មុនចូលប្រកួត បើមិនចង់ឲ្យគេដើរខ្សែលើយើងទេ៕

ចុចអាន៖ សូមអានអត្ថបទនេះសិន មុនសម្រេចចិត្តទម្លាក់ឬយកកូនចេញ

ប្រភព៖ Guu ប្រែសម្រួល៖ Caramel