របស់៣យ៉ាងមិនល្អ ដែលតែងដាក់មុខផ្ទះទាំងមិនដឹងថាបាត់លាភអស់

2019-07-10 04:00:00
ចំនួនមតិ 0 | ចំនួនចែករំលែក 0

មុខផ្ទះដែលមានទ្វារធំនាំផ្លូវចូលមកផ្ទះគឺជាទីតាំងដែលសំខាន់បំផុតសម្រាប់ផ្ទះទាំងមូល តែគ្រួសារមិនបានចាប់អារម្មណ៍ពីរឿងនេះឡើយ ដោយធ្វេសប្រហែសនាំឲ្យស៊យដល់សមាជិក។

ទ្វារធំនៅមុខនៅមុខផ្ទះ គឺជាច្រកតែមួយគត់ និងសំខាន់បំផុតដែលបើកដើម្បីទទួលគ្រប់លាភជ័យចូលក្នុងគេហដ្ឋានរបស់លោកនេះ បើយោងតាមក្បួនហុងស៊ុយ។ ទីតាំងមួយនេះក៏ប្រកាន់បំផុត សម្រាប់របស់មិនល្អ ឬមិនមានក្លិនមិនសមគួរ យ៉ាងណាក្ដី គ្រួសារមួយចំនួនមិនដឹងពីរឿងនេះក៏ឧស្សាហ៍ដាក់របស់ទាំង៣នេះមុខផ្ទះ នាំឲ្យអាប់រាសីទាំងអស់គ្នា។

១. សំរាម ឬធុងសំរាម

មុខផ្ទះ ឬផ្លូវធំចូលផ្ទះ គឺជាផ្លូវដង្ហើមរបស់ផ្ទះមួយទាំងមូល បរិយាកាសនៅទីនេះគឺសំខាន់ខ្លាំងណាស់។ របស់ដែលមានក្លិនមិនល្អដូចធុងសំរាម ឬសំរាមគ្រប់ប្រភេទគឺមិនត្រូវដាក់នៅទីនេះជាដាច់ខាត។ តាមហុងស៊ុយ សំរាមនឹងនាំមករឿងមិនល្អ ដូចនេះត្រូវទុកកន្លែងណាដែលផុតៗមើលមិនឃើញ និងមិនត្រូវទុកក្នុងផ្ទះយូរឡើយ។

២. កំរាលជូតជើងកខ្វក់

គ្រួសារជាច្រើនមានទម្លាប់ក្រាលកំរាលជូតជើងនៅផ្លូវដើរចូលផ្ទះ។ យ៉ាងណាក្ដី កំរាលនេះគឺឆាប់កខ្វក់ខ្លាំងណាស់ត្បិតត្រូវស្បែកជើងជាន់ជាប្រចាំ។ បើអ្នកចង់ដាក់កំរាលនៅមុខផ្ទះ ត្រូវសំអាតវាជាប្រចាំ មិនអាចទុកឲ្យគគ្រិចបានឡើយ។

៣. ដើមឈើធំ ស្លឹកធំៗ

ដើមឈើមួយចំនួនអាចទាញយកលាភសំណាង ក៏ដូចជាដេញភាពចង្រៃចេញពីផ្ទះបាន យ៉ាងណាក្ដី មិនមែនកន្លែងណាក៏អាចដាំដើមទាំងនេះបាននោះឡើយ។ ខណៈមនុស្សជាច្រើនគិតថា ដើមឈើធំនៅមុខផ្ទះល្អ ព្រោះអាចផ្ដល់ម្លប់តែនេះគឺមិនត្រឹមត្រូវទាំងស្រុងឡើយ។ តាមក្បួនហុងស៊ុយ ដើមឈើដែលធំពេក បាំងអស់ពន្លឺ ក៏ដូចជាខ្យល់ចូលផ្ទះ សល់តែភាពងងឹតនោះ នឹងធ្វើឲ្យផ្ទះមានដង្ហើមអាក្រក់។ ដូចនេះបើមុខផ្ទះមានដើមឈើធំៗ ឬឧស្សហា៍កាត់មែកចេញខ្លះឲ្យផ្ទះបានស្រឡះ។