អាយុច្រើនប៉ុនណាគ្មានបញ្ហា! អ្នកនៅតែក្មេងនិងសុខភាពល្អបើមានទម្លាប់ទាំងនេះ

2019-07-02 05:00:00
ចំនួនមតិ 0 | ចំនួនចែករំលែក 0

ចង់បានសម្រស់ក្មេង មិនជ្រេតាមអាយុមិនចាំបាច់ត្រូវតែចំណាយលើគ្រឿងសម្អាងថ្លៃៗឡើយ។ តិចនិកខាងក្រោម នឹងជួយអ្នកនៅតែមានសុខភាពល្អ ព្រមទាំងសម្រស់ក្មេងមិនចាស់ ទោះអាយុច្រើនក៏ដោយ។

១. ញ៉ាំអាហារពេលព្រឹក

ញ៉ាំអាហារពេលព្រឹកដែលចម្អិននៅផ្ទះរាល់ថ្ងៃ នឹងជួយអ្នកមានសុខភាពល្អជាងទិញអាហារពីខាងក្រៅ។ អាហារពេលព្រឹកមានអត្ថប្រយោជន៍ផ្ដល់ថាមពលដល់រាងកាយឲ្យបំពេញកិច្ចការសម្រាប់គោលដៅជីវិតបានល្អប្រសើរ។ ដើម្បីបានសុខភាពល្អ អ្នកគួរញ៉ាំស្ពៃស្ពីណាត់ជាមួយស៊ុត ឬបន្លែសាឡាដក៏បាន។

២. បរិភោគអាហារមានប្រតេអ៊ីនឲ្យបានគ្រប់គ្រាន់

ក្រៅពីមិនរំលងអាហារបីពេល នារីចង់បានស្បែកស្អាតអមតៈគួរតែកុំតមអាហារ តែត្រូវញ៉ាំឲ្យបានច្រើនតាមដែលអាចធ្វើបាន។ បរិភោគអាហារមានជាតិប្រូតេអ៊ីនឲ្យច្រើន ហើយតាមសម្រួល ចៀសវាងប្រញេប្រញាប់។ មួយវិញទៀត អាហារសំបូរជាតិខ្លាញ់មិនគួរបរិភោគឡើយ។

៣. មានសកម្មភាពច្រើន

បើមានជម្រើសរវាងជណ្ដើរជើងនិងជណ្ដើរយន្ត នារីៗគួរជ្រើសយកជណ្ដើរជើងល្អជាង ព្រោះអាចបញ្ចេញញើសបាន។ ទន្ទឹមនឹងនេះ នៅពេលព្រឹកនិងល្ងាច បើមានពេលគួរដើរឲ្យបានច្រើនដើម្បីរាងកាយបញ្ចេញជាតិពុលនិងសុខភាពល្អ។ ក្រៅពីនេះ អ្នកគួរឆ្លៀតហែលទឹក លេងកីឡា ហាត់យូហ្គាជាដើម ដើម្បីកាត់បន្ថយជំងឺផ្សេងៗ។

៤. ឆាប់ចូលគេង

កុំនៅចុចទូរស័ព្ទដល់យប់ជ្រៅ ឬតាមដានរឿងភាគដាច់យប់ បើអ្នកចង់បានសម្រស់ក្មេងជានិរន្ត។ ដំណេកជារឿងសំខាន់សម្រាប់សម្រស់ ហើយមិនត្រូវចូលគេងទាំងកំហឹងនោះទេ ត្រូវគេងដោយមានសន្តិភាពផ្លូវចិត្តទើបសម្រស់អ្នកក្មេងមិនប្រែប្រួល។

៥. កុំផឹកភេសជ្ជៈមានជាតិកាហ្វេអ៊ីនច្រើន

ជំនួសឲ្យភេសជ្ជៈទាំងនេះ ស្រីៗគួរផឹកទឹកឲ្យបានច្រើនពេញមួយថ្ងៃ ។ កុំផឹកកាហ្វេ ឬតែ ព្រោះភេសជ្ជៈទាំងនេះផ្ដល់ទុក្ខទោសច្រើនដល់រាងកាយ ។ ផឹកទឹកផ្លែឈើស្រស់ឬទឹកផ្លែឈើដើម្បីសម្រស់និងសុខភាពស្បែក។

៦. សើចឲ្យបានច្រើន

សើចអាចបំបាត់ស្រ្តេស និងជួយឲ្យរាងស្អាតទៀតផង។ ព្រោះបើអ្នកស្រ្តេស អាចធ្វើឲ្យធាត់និងបង្កើតទម្លាប់មិនល្អជាដើម។ នៅពេលធុញថប់ វាបញ្ចេញសារជាតិគ្លុយកូសនិងការផ្លាស់ប្ដូរចូលទៅអាំងស៊ុយលីន ដែលធ្វើឲ្យឆាប់ធាត់។

៧. ធ្វើឲ្យជីវិតមានតុល្យភាព

ក្រៅពីគិតគូលើរបបអាហារ ប្រឹងប្រែងធ្វើការ នារីស្រលាញ់សុខភាពនិងសម្រស់ត្រូវចេះរៀបចំជីវិតឲ្យរីករាយ ដើរលំហែរ មិនងប់ងុលនឹងរឿងអត់ប្រយោជន៍ ទើបអ្នកអាចថែទាំសម្រស់បានក្មេងជារៀងរហូតបាន។

៨. មានប្រាស្រ័យទាក់ទងជាមួយសង្គមខាងក្រៅច្រើន

តាមការសិក្សា ទំនាក់ទំនងជួយបង្កើនឲ្យខួរក្បាលមិនស្ពឹកស្រពន់ និងជួយឲ្យចងចាំបានល្អ។ មួយទៀត ជួយអ្នកកាន់តែឆ្លាត ហើយបើអ្នកឧស្សាហ៍មានប្រាស្រ័យទាក់ទងមនុស្សនៅជុំវិញកាន់តែញឹកញាប់ ធ្វើឲ្យអារម្មណ៍អ្នកកាន់តែសុខស្រួល។

៩. ចេះអត់ឱន

មិនយកទោសពៃចំពោះកំហុសតិចតួច នឹងជួយឲ្យអ្នកមានជីវិតរីករាយ ហើយអ្នកដទៃក៏ចូលចិត្តអ្នកខ្លាំងដែរ។ ធ្វើជាមនុស្សមិនប្រកាន់ច្រើន មិនឆាប់ខឹង និងចេះសម្របខ្លួនតាមកាលៈទេសៈ ជាភាពស្រស់ស្អាតមួយរបស់នារីៗ៕

ចុចអាន៖ គ្រាន់តែធ្វើរឿងតូចៗ៥យ៉ាងនេះ អ្នកនឹងប្រែស្រស់ស្អាតដោយមិនបាច់ពឹងលើ Make Up

ប្រភព៖ kenhphunu ប្រែសម្រួល៖ លឹម សុនា