រៀនសង្កេតចរិតមនុស្សប្រុសតាមរយៈស្ទីលកាត់សក់ ៨ ម៉ូដ
- 2019-06-20 08:30:00
- ចំនួនមតិ 0 | ចំនួនចែករំលែក 0
រៀនសង្កេតចរិតមនុស្សប្រុសតាមរយៈស្ទីលកាត់សក់ ៨ ម៉ូដ
ស្ទីលកាត់សក់ពិតជាសំខាន់ខ្លាំងណាស់ ក្នុងការឆ្លុះបញ្ចាំងពីគំនិតរបស់មនុស្សម្នាក់ៗ។ វាក៏អាចបង្ហាញពីបុគ្គលិកលក្ខណៈមួយចំនួន នៃម៉ូដសក់ដែលគាត់បានជ្រើសរើស។ ខាងក្រោមនេះ គ្រាន់តែជាវិធីសង្កេតខ្លះៗចំពោះរូបរាងខាងក្រៅប៉ុណ្ណោះ ការពិតយ៉ាងណានោះ អាស្រ័យទៅលើការវិនិច្ឆ័យរៀងៗខ្លួន។
១. សក់វែង
មនុស្សប្រុសដែលទុកសក់វែង មានគំនិតច្នៃប្រឌិតច្រើន មានការស្រមើស្រមៃខ្ពស់ និងមានលក្ខណៈពិសេសអស្ចារ្យគួរឲ្យកត់សម្គាល់។ គាត់ជាមនុស្សដែលចូលចិត្ត មានគំនិតខុសប្លែកពីអ្នកដទៃ ហើយក៏ស្រលាញ់សក់របស់ខ្លួនខ្លាំងណាស់ដែរ។
២. ឈូសសក់ផ្នែកកៀនទាំងសក់ខាង
ម៉ូដសក់ប្រភេទនេះ ភាគច្រើនជាមនុស្សប្រុសដែលមានមោទកភាពចំពោះខ្លួនឯង ហើយក៏ពូកែប្រចណ្ឌណាស់ដែរ។ មនុស្សប្រុសសឹងតែពាក់កណ្តាលហើយដែលនិយមស្ទីលបែបនេះ។ គាត់តែងតែពង្រាយមន្តស្នេហ៍ ព្រោះចង់បានចំណាប់អារម្មណ៍។ យ៉ាងណាមិញ គាត់ជាមនុស្សដែលស្រស់ស្រាយ និងមានទឹកចិត្តល្អផងដែរ។
៣. គ្មានសក់ (កោរត្រងោល)
ជាមនុស្សដែលមានភាពវៃឆ្លាត និងអាចសម្លឹងមើលឃើញអ្វីដែលនៅឆ្ងាយ។ ត្បិតតែគ្មានសក់ពិតមែន ប៉ុន្តែតែងតែសម្រេចចិត្តត្រូវ។ ស្រីៗមិនតិចទេ ដែលលង់នឹងស្នាមញញឹមរបស់គាត់។ អ្នកដែលស្រលាញ់ស្ទីលមួយនេះ ភាគច្រើនជាមនុស្សប្រុស មិនត្រេកត្រអាលជាមួយរបស់ថ្មី ថែមទាំងមានចិត្តស្មោះត្រង់ខ្លាំងណាស់។
៤. សក់ពុះចំកណ្តាល
ម៉ូដសក់នេះវិញ ភាគច្រើនបុរសដែលមានចិត្តតស៊ូ ព្យាយាម មិនបោះបង់ចោលក្តីសុបិន គឺចូលចិត្តបំផុត។ ជាពិសេសអ្នកខ្លះ មានសក់ពុះចំពាក់កណ្តាល ឬទៅមួយចំហៀងទៀត តាំងពីកំណើតតែម្តង។ វាជាស្ទីលដែលមិនពិបាកក្នុងការចាប់ម៉ូដ ហើយប្រុសៗក៏មានអារម្មណ៍ថាមិនសាំញ៉ាំដែរ។
៥. សក់បះជ្រោងឡើងលើ
ស្ទីលមួយនេះដែរ ស័ក្តិសមជាមួយនឹងមនុស្សប្រុសចូលចិត្តរវើរវាយ និងមានអារម្មណ៍រំភើបជាប់ខ្លួន។ ម៉ូដសក់ដែលលេចធ្លោ មានប្រជាប្រិយភាព ត្រូវបានជ្រើសរើស ដោយមនុស្សប្រុសដែលមានភាពកំប្លុកកំប្លែងនិងចង់បានការចាប់អារម្មណ៍ពីមនុស្សជុំវិញខ្លួន។
៦. សក់ពុះដឺមីវែកមកចំហៀង
ភាពរ៉ូមែនទិកតែងតែមាននៅជាប់ខ្លួនមនុស្សប្រុសដែលលេងស្ទីលសក់ប្រភេទនេះ។ គាត់អាចគ្រប់គ្រងចាត់ចែងជីវិតផ្ទាល់ខ្លួនបានយ៉ាងល្អ ហើយក៏មានមន្តស្នេហ៍អាចឆក់បេះដូងនារីៗផងដែរ។
៧. ឈូសឲ្យសក់មើលទៅឃើញស្តើងៗ
គាត់ជាបុរសដែលមានទំនុកចិត្តខ្ពស់ និងមានសាច់ដុំរឹងមាំ។ ពេលខ្លះចូលចិត្តពាក់យឺត ឬទុកពុកមាត់។ គាត់ក៏ជាមនុស្សស្រលាញ់និងពេលវេលាទៀតផង។
៨. ទុកសក់ចងខាងលើ
ជាមនុស្សប្រុសដែលជឿជាក់លើខ្លួនឯង និងមិនខ្លាចនឹងស្តាប់ពាក្យរិះគន់ពីអ្នកដទៃ។ គាត់អាចពូកែខាងផ្នែកសិល្បៈ មានភាពច្នៃប្រឌិត និងមានអត្តចរិតមួយ ដែលមើលទៅគួរឲ្យចាប់អារម្មណ៍ជាងអ្នកដទៃផ្សេងទៀត៕
ចុចអានបន្ត៖ បើមិនចង់ឲ្យកូនចេះនិយាយកុហក ម្តាយឪពុកគួរដឹងរឿង ៩ យ៉ាងនេះ