តាមពិតទើបខ្ញុំដឹងថាមនុស្សគួរស្រលាញ់មិនមែនអ្នកទេ គឺខ្ញុំគួរស្រលាញ់ខ្លួនឯង

  • 2019-06-11 12:30:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

​នៅ​ថ្ងៃ​ដែល​អ្នក​មិន​បាន​តប​ស្នង​ក្ដី​ស្រលាញ់​មក​ខ្ញុំ​វិញ ​ទើប​ខ្ញុំ​ដឹង​ថា ​តាម​ពិត​មនុស្ស​ដែល​ខ្ញុំ​គួរ​ស្រលាញ់​ពិត​ប្រាកដ​មិន​មែន​អ្នក​ទេ ​​ប៉ុន្តែ​​ម្នាក់​នោះ​គឺ​ខ្ញុំ​ខ្លួន​​​ឯង។

​ខ្ញុំ​​ទទួល​ស្គាល់​ថា ​ដំបូង​​ខ្ញុំ​ពិត​ជា​ស្រលាញ់​អ្នក​ខ្លាំង​ណាស់ ហើយ​ថែម​ទាំង​​ធ្លាប់​ស្រមៃ​ថា​ពួក​យើង​អាច​កាន់​ដៃ​គ្នា​សាង​គ្រួសារ​ទៀត​ផង។ ​លើស​​ពី​នេះ ​ពេល​អ្នក​ចេញ​ទៅ​ណា​ឆ្ងាយ ខ្ញុំ​បារម្ភ ខ្ញុំ​ខ្លាច​អ្នក​​ពិបាក​ ខ្លាច​គ្មាន​អ្នក​ណា​មើល​ថែ​។ អារម្មណ៍​របស់​ខ្ញុំ​មិន​ដែល​ចាក​ចោល​អ្នក​ឡើយ ​គឺ​នៅ​ជាប់​ជា​និច្ច នឹក​គិត​រហូត។ ​អ្វី​ក៏​ដោយ​ឲ្យ​តែ​ទាក់​ទង​នឹង​អ្នក ខ្ញុំ​មិន​​រុញ​រា​​ មិន​ដែល​និយាយ​ No ​ទេ ខ្ញុំ​ចង់​ធ្វើ​គ្រប់​យ៉ាង​​ដើម្បី​អ្នក ព្រោះ​អ្នក​ម្នាក់​គត់។ គ្រាន់​តែ​ឃើញ​អ្នក​​ញញឹម ​បេះ​ដូង​ខ្ញុំ​រីក​ធំ​ឡើង​ៗ ពេញ​ចិត្ត​ហើយ​ចង់​អង្គុយ​មើល​អ្នក​គ្រប់​នាទី។

​ប៉ុន្តែ​កាន់​តែ​ធ្វើ​ល្អ​ដាក់​អ្នក ​ខ្ញុំ​កាន់​តែ​ឈឺ​ចាប់ ។ ​ខ្ញុំ​មិន​ដែល​ស្គាល់​អ្វី​​ហៅ​ថា ​ក្តី​ស្រលាញ់​ពិត​ចេញ​ពី​អ្នក​ទេ ព្រោះ​អ្នក​គ្មាន​ថ្ងៃ​ឲ្យ​វា​​​មក​ខ្ញុំ។ កាន់​តែ​ចូល​ជិត​អ្នក ខ្ញុំ​កាន់​តែ​ស្រក់​ទឹក​ភ្នែក​ច្រើន​ឡើង​ៗ​ដោយ​មិន​ដឹង​ខ្លួន ហើយ​មាន​ពេល​ខ្លះ ខ្ញុំ​មិន​ដឹង​ថា តើ​ខ្ញុំ​ជា​នរណា​ឲ្យ​ប្រាកដ។ ​ប្រឹង​រត់​តាម​ស្នេហា​ដែល​​មាន​តែ​ទុក្ខសោក ខ្ញុំ​មិន​ខុស​ពី​មនុស្ស​ឆ្កួត ​ដែល​ចូល​ហាង​លក់​ភ្លៅ​មាន់​តែ​ចង់​​ញ៉ាំ​​សាច់​ទា​នោះ​ទេ។ ក្តី​ស្រលាញ់​ដែល​ខ្ញុំ​មាន​ចំពោះ​អ្នក គឺ​មាន​តែ​ម្ខាង​ហើយ​​កាន់​តែ​អស់​ចិត្ត​ទៀត​នោះ ​គឺ​តាំង​ពី​ទាក់​ទង​គ្នា​មក ​អ្នក​អាច​​តប​ស្នង​ខ្ញុំ​មក​វិញ​ត្រឹម​ការ​ឈឺ​ចាប់​ប៉ុណ្ណោះ ​ព្រោះ​អ្នក​អាច​ធ្វើ​វា​បាន​ត្រឹម​ប៉ុណ្ណឹង ហើយ​ខ្ញុំ​​កុហក​ខ្លួន​ឯង​រហូត​មក​ថា ​ថ្ងៃ​ណាមួយ​អ្នក​នឹង​កែ​ប្រែ​ អ្នក​នឹង​ឲ្យ​ក្តី​ស្រលាញ់​មក​ខ្ញុំ​ដែរ។

​ពេល​នេះ​ ខ្ញុំ​លែង​ចង់​សួរ​អ្នក​ទៀត​ហើយ​ថា ​អ្នក​ស្រលាញ់​ខ្ញុំ​ដែរ​អត់? ​ព្រោះ​តាម​ពិត មិន​មែន​អ្នក​ទេ​ដែល​ខ្ញុំ​ត្រូវ​ស្រលាញ់។ មនុស្ស​ដែល​ខ្ញុំ​គួរ​ស្រលាញ់ ​គឺ​ខ្ញុំ​ខ្លួន​ឯង ខ្ញុំ​​មិន​ដែល​បាន​តប​ស្នង​ការ​យក​ចិត្ត​ទុក​ដាក់ ការ​មើល​ថែ និង​អាណិត​អាសូរ​ចំពោះ​ខ្លួន​ឯង​យូរ​ណាស់​មក​ហើយ។ ​ដល់​ពេល​ដែល​ខ្ញុំ​គួរ​ស្រលាញ់​ខ្លួន​​ឯង​ឲ្យ​ច្រើន​ៗ ដល់​ពេល​ដែល​ខ្ញុំ​​ត្រូវ​​​គិត​ពី​ខ្លួន​ឯង និង​ធ្វើ​ឲ្យ​ជីវិត​នេះ​ឈប់​នឹក​បុរស​​ម្នាក់​នោះ​ទៀត​ហើយ។

​​​​​កុំ​ភ្លេ​ច​ស្រលាញ់​ខ្លួន​ឯង​វិញ ​កុំ​បណ្ដោយ​ឲ្យ​អ្នក​រង​ទុក្ខ​សោក​ព្រោះ​មនុស្ស​ម្នាក់​ដែល​គេ​មិន​ខ្វល់​ពី​អ្នក​ទៀត ព្រោះ​​ថ្ងៃ​ក្រោយ​អ្នក​នឹង​ស្ដាយ​ដែល​ស្រលាញ់​មនុស្ស​មិន​គួរ​ស្រលាញ់ ៕

​ចុចអាន៖ ​៦ វិធី​​ជួយ​អ្នក​ក្នុង​ការ​កាត់ចិត្ត​ពី​មនុស្ស​ដែល​អ្នក​កំពុង​ស្រឡាញ់​ខ្លាំង

​នៅ​ថ្ងៃ​ដែល​អ្នក​មិន​បាន​តប​ស្នង​ក្ដី​ស្រលាញ់​មក​ខ្ញុំ​វិញ ​ទើប​ខ្ញុំ​ដឹង​ថា ​តាម​ពិត​មនុស្ស​ដែល​ខ្ញុំ​គួរ​ស្រលាញ់​ពិត​ប្រាកដ​មិន​មែន​អ្នក​ទេ ​​ប៉ុន្តែ​​ម្នាក់​នោះ​គឺ​ខ្ញុំ​ខ្លួន​​​ឯង។

​ខ្ញុំ​​ទទួល​ស្គាល់​ថា ​ដំបូង​​ខ្ញុំ​ពិត​ជា​ស្រលាញ់​អ្នក​ខ្លាំង​ណាស់ ហើយ​ថែម​ទាំង​​ធ្លាប់​ស្រមៃ​ថា​ពួក​យើង​អាច​កាន់​ដៃ​គ្នា​សាង​គ្រួសារ​ទៀត​ផង។ ​លើស​​ពី​នេះ ​ពេល​អ្នក​ចេញ​ទៅ​ណា​ឆ្ងាយ ខ្ញុំ​បារម្ភ ខ្ញុំ​ខ្លាច​អ្នក​​ពិបាក​ ខ្លាច​គ្មាន​អ្នក​ណា​មើល​ថែ​។ អារម្មណ៍​របស់​ខ្ញុំ​មិន​ដែល​ចាក​ចោល​អ្នក​ឡើយ ​គឺ​នៅ​ជាប់​ជា​និច្ច នឹក​គិត​រហូត។ ​អ្វី​ក៏​ដោយ​ឲ្យ​តែ​ទាក់​ទង​នឹង​អ្នក ខ្ញុំ​មិន​​រុញ​រា​​ មិន​ដែល​និយាយ​ No ​ទេ ខ្ញុំ​ចង់​ធ្វើ​គ្រប់​យ៉ាង​​ដើម្បី​អ្នក ព្រោះ​អ្នក​ម្នាក់​គត់។ គ្រាន់​តែ​ឃើញ​អ្នក​​ញញឹម ​បេះ​ដូង​ខ្ញុំ​រីក​ធំ​ឡើង​ៗ ពេញ​ចិត្ត​ហើយ​ចង់​អង្គុយ​មើល​អ្នក​គ្រប់​នាទី។

​ប៉ុន្តែ​កាន់​តែ​ធ្វើ​ល្អ​ដាក់​អ្នក ​ខ្ញុំ​កាន់​តែ​ឈឺ​ចាប់ ។ ​ខ្ញុំ​មិន​ដែល​ស្គាល់​អ្វី​​ហៅ​ថា ​ក្តី​ស្រលាញ់​ពិត​ចេញ​ពី​អ្នក​ទេ ព្រោះ​អ្នក​គ្មាន​ថ្ងៃ​ឲ្យ​វា​​​មក​ខ្ញុំ។ កាន់​តែ​ចូល​ជិត​អ្នក ខ្ញុំ​កាន់​តែ​ស្រក់​ទឹក​ភ្នែក​ច្រើន​ឡើង​ៗ​ដោយ​មិន​ដឹង​ខ្លួន ហើយ​មាន​ពេល​ខ្លះ ខ្ញុំ​មិន​ដឹង​ថា តើ​ខ្ញុំ​ជា​នរណា​ឲ្យ​ប្រាកដ។ ​ប្រឹង​រត់​តាម​ស្នេហា​ដែល​​មាន​តែ​ទុក្ខសោក ខ្ញុំ​មិន​ខុស​ពី​មនុស្ស​ឆ្កួត ​ដែល​ចូល​ហាង​លក់​ភ្លៅ​មាន់​តែ​ចង់​​ញ៉ាំ​​សាច់​ទា​នោះ​ទេ។ ក្តី​ស្រលាញ់​ដែល​ខ្ញុំ​មាន​ចំពោះ​អ្នក គឺ​មាន​តែ​ម្ខាង​ហើយ​​កាន់​តែ​អស់​ចិត្ត​ទៀត​នោះ ​គឺ​តាំង​ពី​ទាក់​ទង​គ្នា​មក ​អ្នក​អាច​​តប​ស្នង​ខ្ញុំ​មក​វិញ​ត្រឹម​ការ​ឈឺ​ចាប់​ប៉ុណ្ណោះ ​ព្រោះ​អ្នក​អាច​ធ្វើ​វា​បាន​ត្រឹម​ប៉ុណ្ណឹង ហើយ​ខ្ញុំ​​កុហក​ខ្លួន​ឯង​រហូត​មក​ថា ​ថ្ងៃ​ណាមួយ​អ្នក​នឹង​កែ​ប្រែ​ អ្នក​នឹង​ឲ្យ​ក្តី​ស្រលាញ់​មក​ខ្ញុំ​ដែរ។

​ពេល​នេះ​ ខ្ញុំ​លែង​ចង់​សួរ​អ្នក​ទៀត​ហើយ​ថា ​អ្នក​ស្រលាញ់​ខ្ញុំ​ដែរ​អត់? ​ព្រោះ​តាម​ពិត មិន​មែន​អ្នក​ទេ​ដែល​ខ្ញុំ​ត្រូវ​ស្រលាញ់។ មនុស្ស​ដែល​ខ្ញុំ​គួរ​ស្រលាញ់ ​គឺ​ខ្ញុំ​ខ្លួន​ឯង ខ្ញុំ​​មិន​ដែល​បាន​តប​ស្នង​ការ​យក​ចិត្ត​ទុក​ដាក់ ការ​មើល​ថែ និង​អាណិត​អាសូរ​ចំពោះ​ខ្លួន​ឯង​យូរ​ណាស់​មក​ហើយ។ ​ដល់​ពេល​ដែល​ខ្ញុំ​គួរ​ស្រលាញ់​ខ្លួន​​ឯង​ឲ្យ​ច្រើន​ៗ ដល់​ពេល​ដែល​ខ្ញុំ​​ត្រូវ​​​គិត​ពី​ខ្លួន​ឯង និង​ធ្វើ​ឲ្យ​ជីវិត​នេះ​ឈប់​នឹក​បុរស​​ម្នាក់​នោះ​ទៀត​ហើយ។

​​​​​កុំ​ភ្លេ​ច​ស្រលាញ់​ខ្លួន​ឯង​វិញ ​កុំ​បណ្ដោយ​ឲ្យ​អ្នក​រង​ទុក្ខ​សោក​ព្រោះ​មនុស្ស​ម្នាក់​ដែល​គេ​មិន​ខ្វល់​ពី​អ្នក​ទៀត ព្រោះ​​ថ្ងៃ​ក្រោយ​អ្នក​នឹង​ស្ដាយ​ដែល​ស្រលាញ់​មនុស្ស​មិន​គួរ​ស្រលាញ់ ៕

​ចុចអាន៖ ​៦ វិធី​​ជួយ​អ្នក​ក្នុង​ការ​កាត់ចិត្ត​ពី​មនុស្ស​ដែល​អ្នក​កំពុង​ស្រឡាញ់​ខ្លាំង

អត្ថបទ៖ លឹម សុនា

អត្ថបទពេញនិយម