ជំងឺស្នេហាទាំង ៤ នេះហើយដែលព្យាបាទគូស្នេហ៍ឲ្យបែកគ្នាដោយអចេតនា

2019-06-07 04:30:00
ចំនួនមតិ 0 | ចំនួនចែករំលែក 0

នៅពេលដែលមនុស្សពីរនាក់ស្រលាញ់គ្នាខ្លាំងពេក ហើយព្យាយាមសង្កេតគ្នាគ្រប់ពេល និងតែងតែមើលឃើញកំហុសរវាងគ្នា មិនយូរទេកំហុសនោះនឹងរីករាលដាលទៅជាធំ ហើយធ្វើឲ្យទំនាក់ទំនងមួយនេះមានភាពប្រេះស្រាំ។ ដូច្នេះបើមិនចង់ឲ្យស្នេហាឈានដល់ការបែកបាក់ទាំងដែលនៅស្រលាញ់គ្នាខ្លាំងទេ អ្នកគួរតែប្រុងប្រយ័ត្នចំពោះបញ្ហាទាំង ៤ ខាងក្រោមនេះ៖

ជនទីបី

សត្រូវដែលអាចបំផ្លាញបេះដូង និងរូបភាពដែលក្នុងកែវភ្នែករបស់អ្នកបានយ៉ាងងាយនោះគឺជនទីបី។ ទះដៃមួយចំហៀងក៏មិនឮដែរ អ៊ីចឹងហើយ មិនថាមនុស្សរបស់យើងជាអ្នកព្យាយាមទាក់ទងគេ ឬ គេដែលជាអ្នកព្យាយាមទាក់ទងមនុស្សរបស់យើងទេ មិនយូរទេរឿងនេះនឹងកើតឡើង។ ស្នេហាដែលអ្នកខំថែមកយ៉ាងលំបាកនោះនឹងរលាយបាត់ភ្លាមៗមិនខាន។

គ្មានពេលឲ្យគ្នា

មនុស្សជាច្រើនព្យាយាមយោគយល់មនុស្សដែលគេស្រលាញ់នៅពេលដែលគេគ្មានពេលគ្រប់គ្រាន់។ ប៉ុន្តែដឹងថាពេលខ្លះវាក្លាយទៅជាការបញ្ហាដែលអាចធ្វើទំនាក់ទំនងត្រូវប្រេះឆា ។

និយាយសម្ដីដោយមិនបានគិត

ការប្រើពាក្យសម្ដីជារឿងសំខាន់ណាស់សម្រាប់ជីវិតគូ។ ដោយសារតែមនុស្សមួយចំនួននិយាយពាក្យតែមួយម៉ាត់ទេទៅកាន់ដៃគូ តែអាចផ្លាស់ប្ដូរទំនាក់ទំនងមួយលែងឲ្យដូចមុនជារៀងរហូត។ ពេលដែលរស់នៅជាមួយគ្នា អ្នកទាំងពីរត្រូវដឹងពីអំពើល្អរបស់គ្នាទៅវិញទៅមក បើមិនដូច្នេះទេស្នេហាដ៏ស្រស់ស្អាតនឹងអាចបញ្ចប់ដោយសារវត្តមានមនុស្សផ្សេងមិនខាន។

ប្រើសម្តីនិងអារម្មណ៍ខ្លាំងៗពេក

រឿងមួយដែលអាចប៉ះពាល់ដល់អារម្មណ៍ និងចិត្តរបស់មនុស្សបំផុតនោះគឺនិយាយពាក្យថា ចាកចេញ ជាមួយនឹងអារម្មណ៍ដែលមួម៉ៅទៅជាមួយគ្នា។ ដោយសារតែជាញឹកញាប់គេមិនធ្លាប់ប្រើអារម្មណ៍បែបហ្នឹង ហើយអ្នកស្ដាប់មិនអាចបំភ្លេចគ្រានោះបាន ទើបធ្វើឲ្យភាគីម្ខាងទៀតមានអារម្មណ៍ថាមនុស្សដែលគេស្រលាញ់មិនដូចមុន។ ត្រូវចាំថាទោះបីអ្នកជាគូស្នេហ៍នឹងគ្នាក៏ត្រូវគោរពគ្នាទៅវិញទៅមកដែរ៕

ចុចអាន៖ រឿងពិតនឹកស្មានមិនដល់ដែលមនុស្សស្រីហ៊ានធ្វើពេលលួចក្បត់សង្សារ

ប្រភព៖ pentahugs ប្រែសម្រួល៖ ឃួន សុលីកា