រស់នៅដោយប្រាជ្ញាដើរទាន់សម័យកាលទំនើប តាមគន្លឹះងាយៗ ៥យ៉ាង

2019-06-06 07:30:00
ចំនួនមតិ 0 | ចំនួនចែករំលែក 0

រស់នៅក្នុងសង្គមដ៏ទំនើបមួយ ជីវិតពោរពេញដោយការប្រកួតប្រជែងគ្រប់បែបយ៉ាង។ ក្នុងនាមជាមនុស្សស្រីមួយរូប ត្រូវតែប្រើប្រាជ្ញា ចេះបត់បែនឲ្យទាន់នឹងស្ថានការណ៍។ គ្រប់ទង្វើត្រូវតែប្រុងប្រយ័ត្ន វៃឆ្លាត ហើយកុំគន្លឹះសំខាន់ៗ ៥យ៉ាង ដើម្បីជួយខ្លួនឯង ឲ្យដើរទាន់សម័យកាលដ៏ទំនើបមួយនេះ។

១. ចេះចាប់ពីពីរភាសា

ចេះតែភាសាដើមកំណើត មិនទាន់គ្រប់គ្រាន់នៅឡើយទេ។ សព្វថ្ងៃនេះ ពិភពលោកកំពុងតែផ្សារភ្ជាប់គ្នាយ៉ាងស្អិតល្មួត។ បើអ្នកចេះចាប់ពីរភាសាឲ្យបានច្បាស់លាស់ នោះឱកាសល្អៗនឹងមិនខ្វះទេ។ ទាំងការងារឬទាំងការប្រកបរបររកស៊ីផ្សេងៗ អ្នកនឹងទទួលបានគុណសម្បត្តិលើសពីអ្នកដទៃ។ ជាពិសេសពេលទៅណាមកណា អ្នកក៏អាចធ្វើការប្រាស្រ័យទាក់ទងជាមួយជនជាតិនានា ស្គាល់អ្វីថ្មីៗ និងគ្មានភាពភ័យខ្លាចអ្វីទាំងអស់។

២. យកសៀវភៅធ្វើជាមិត្តភ័ក្តិ

សៀវភៅអាចក្លាយជាមិត្តភ័ក្តិដែលគួរឲ្យទុកចិត្តបំផុត ថែមទាំងបង្កប់ដោយអត្ថន័យនិងគំនិតល្អៗជាច្រើនរាប់មិនអស់ ដើម្បីជួយដល់អ្នក។ ការអានក៏អាចធ្វើឲ្យអ្នកមានចំណេះដឹងទូលំទូលាយ ជាងអ្នកមិនចូលចិត្តអានទាល់តែសោះ។

៣. មានអត្តចរិតល្អ

មនុស្សដែលឆ្លាត តែងតែមានសុទិដ្ឋិនិយមនៅក្នុងខ្លួន។ នាងមានអត្តចរិតល្អ គិតគូច្បាស់លាស់មុនហាស្តី មិនជឿពាក្យអ្នកដទៃញុះញង់ផ្តេសផ្តាស ព្រមទាំងដឹងថាអ្វីគូរ អ្វីមិនគួរធ្វើផងដែរ។

៤. ធ្វើដំណើរកម្សាន្ត

ការដើរលេងនៅកន្លែងផ្សេងៗ ទាំងក្នុងស្រុកនិងក្រៅស្រុក អាចធ្វើឲ្យអ្នកជួបមនុស្សថ្មីៗ ជួបទិដ្ឋភាពប្លែកភ្នែក លើសពីអ្វីដែលធ្លាប់បានឭទៅទៀត។ ជាពិសេស វាក៏អាចធ្វើឲ្យអ្នកក្លាហាន រឹងមាំជាងមុនទៀតផង។

៥. រៀនអ្វីថ្មីៗបន្ថែម

ចំណេះដឹង គ្មានទីបញ្ចប់ឡើយ។ ទោះបីរៀនខ្ពស់ដល់កម្រិតណា ក៏គួរតែចេះដាក់ខ្លួន ហើយកុំធ្វើជាឆ្លាតដឹងគ្រប់រឿងខ្លាំងពេក។ កាលណាអ្នកកាន់តែបន្ទាបខ្លួន អ្នកនឹងអាចដឹងលើសពីអ្វីដែលរំពឹងទុកទៅទៀត។ ដាច់ខាត កុំបណ្ដោយឲ្យពេលវេលាកន្លងផុតទទេៗ ចាប់យកឱកាសរៀនអ្វីដែលថ្មីៗសម្រាប់ជីវិតខ្លួនឯង៕