មនុស្សស្រីសូមកុំទទួលយកសុភមង្គលដោយការលះបង់ឲ្យសោះ
- 2019-06-03 02:30:00
- ចំនួនមតិ 0 | ចំនួនចែករំលែក 0
មនុស្សស្រីសូមកុំទទួលយកសុភមង្គលដោយការលះបង់ឲ្យសោះ
ក្នុងចំណោមពាក្យដែលតែងត្រូវយកបរិយាយមនុស្សស្រីគឺពាក្យ លះបង់។ គេប្រើពាក្យនេះដើម្បីលើកតម្កើងមនុស្សស្រី ដូចអ្វីមួយដែលខ្ពង់ខ្ពស់ណាស់ ទាំងមិនដឹងថាមនុស្សស្រីចង់ទទួលពាក្យនេះឬអត់។
កើតមកជាមនុស្សស្រី ដើម្បីឲ្យគេលើកតម្កើង និងកត់សម្គាល់ មនុស្សស្រីត្រូវហត់នឿយ ដល់ថ្នាក់ពេលខ្លះភ្លេចខ្លួនឯង។ ខ្លួនឯងឈឺមិនហ៊ានប្រាប់អ្នកណាគេទេ តែបើប្ដី កូន ឬអ្នកផ្ទះឈឺវិញ គឺលែងគិតពីខ្លួនឯងហើយ។ ស្រីៗគ្នាយើងមានដែលសួរទេថា ហេតុអ្វីតែងតែជាស្រីៗដែលជាអ្នកលះបង់ ដោយមិនមែនបញ្ច្រាសមកវិញ?
មនុស្សស្រីជាច្រើនត្រូវគេលួងលោមដោយពាក្យផ្អែមល្ហែមដើម្បីធ្វើការលះបង់ចំពោះគេ ហើយដោះដូរមកវិញដោយគ្មានបានអ្វីទៅវិញ។ មនុស្សជាច្រើន តែងបន្លប់ចិត្តកូនស្រីថា ដើម្បីដោះដូរបានសុភមង្គលគ្រួសារ មនុស្សស្រីត្រូវចេះធ្វើការពលី។
តែសូមបញ្ជាក់ឡើងវិញថា គ្រួសារមានសុភមង្គល សង្គមជឿនលឿនគឺមិនត្រូវកសាងលើការពលីរបស់អ្នកណាមួយនោះឡើយ។ មានតែការកសាងរួមគ្នាប៉ុណ្ណោះទើបអចិន្ត្រៃយ៍។
ស្រលាញ់គ្នា គឺដើម្បីបានធូរស្រាលក្នុងខ្លួន កុំដោយសារតែគេជាស្រី ហើយយកប្រៀប និងគាបសង្កត់លើគេអី។ មនុស្សស្រីទន់ខ្សោយរួចទៅហើយ តែដើម្បីសុភមង្គលរបស់ខ្លួនគឺត្រូវខកចិត្តមិនតិចទេ ដូចនេះសូមផ្ដល់ក្ដីសុខផ្លូវចិត្តឲ្យនាងផង បើសម្រេចចិត្តដើរចូលជីវិតនាង៕
ចុចអាំន៖ ចង់ស្រលាញ់ គ្នាដល់ឆ្អឹង ក៏ស្រីៗមិនត្រូវធ្វើរឿងទាំងនេះដែរ