ល្អបំផុតគឺនៅពេលមនុស្សស្រីស្រលាញ់ អាក្រក់បំផុតគឺនៅពេលមនុស្សស្រីអស់ចិត្ត

2019-05-29 02:38:00
ចំនួនមតិ 0 | ចំនួនចែករំលែក 0

នៅពេលនៅស្រលាញ់ ចង់មនុស្សប្រុសខុសប៉ុន្មានដង មនុស្សស្រីក៏អាចលើកលែងបានទាំងអស់ ដោយសារនាងស្រលាញ់ នៅចង់រក្សាមនោសញ្ចេតនាមួយនេះ។

ពេលមនុស្សស្រីស្រលាញ់ មនុស្សប្រុសប្រៀបដូចជាស្ដេចមួយអង្គក្នុងបេះដូងនាង។ ពីមនុស្សម្នាក់ដែលចិត្តត្រជាក់បំផុត នាងក៏ប្រែជាមនុស្សកក់ក្ដៅ។ ពីមនុស្សអាត្មានិយមដល់ថ្នាក់ណា ក៏នាងប្រែជាមនុស្សចែករំលែក ដើម្បីមនុស្សដែលខ្លួនស្រលាញ់។ មនុស្សស្រីគឺអ៊ីចឹង ឲ្យតែស្រលាញ់ គឺនាងលែងខ្វល់ថាត្រូវ ឬខុសហើយ គឺឲ្យតែមនុស្សខ្លួនស្រលាញ់សប្បាយគឺនាងអាចធ្វើបានទាំងអស់។

តែផ្ទុយមកវិញ នៅពេលមនុស្សស្រីត្រូវគេធ្វើឲ្យឆ្អែតចិត្ត លែងស្រលាញ់ហើយ មនុស្សស្រីនឹងក្លាយជាតួចិត្តអាក្រក់ ដូចនៅក្នុងរឿងភាគដែរ ហើយក្លាយជាមនុស្សចិត្តដាច់បំផុត។

ខ្ញុំធ្លាប់អង្គុយក្បែរមនុស្សប្រុសកំពុងអង្គុយយំឡើងអស់ទឹកភ្នែកម្នាក់ ព្យាយាមអូសទាញស្នេហាដែលបានស្លាប់ហើយរវាងយើងទាំង២។ អ្វីដែលធ្វើឲ្យខ្ញុំចងចាំបំផុតនោះគឺ រូបភាពដែលគេព្យាយាមផ្សះផ្សារមនោសញ្ចេតនារបស់ខ្ញុំឡើងវិញ ហើយឲ្យខ្ញុំទៅស្រលាញ់គេដូចដើម ដោយគាត់សន្យាថា គាត់អាចធ្វើអ្វីគ្រប់យ៉ាង ក៏ដូចជាកែប្រែទាំងស្រុង។ គួរឲ្យសោកស្ដាយ នៅកាលៈទេសៈនោះ នៅក្នុងចិត្តខ្ញុំនៅតែពាក្យ "អស់ស្រលាញ់" ធ្វើឲ្យគ្មានឱកាសមួយណាទៀតទាំងអស់។

មនុស្សប្រុសម្នាក់នោះ មិនដែលគិតថាថាគេនឹងធ្លាក់ចូលកាលៈទេសៈបែបនេះឡើយ។ ព្រោះក្ដីស្រលាញ់ដែលខ្ញុំមានចំពោះគេគឺធំខ្លាំងពេក ដើម្បីគេ ខ្ញុំអាចធ្វើបានគ្រប់យ៉ាង។ គាត់ធ្វើឲ្យខ្ញុំទឹកភ្នែកច្រើនដងរាប់មិនអស់ តែគេមិនខ្វល់ ព្រោះដឹងច្បាស់ថាខ្ញុំស្រលាញ់គេដល់កម្រិតណា។ តែដូចគេថាមិនខុស ភាពអត់ធ្មត់តែងមានកំណត់។ ទោះស្រលាញ់គេខ្លាំងយ៉ាងណាក៏ខ្ញុំមិនអាចទ្រាំនឹងកំហុសច្រំដែលៗរហូតដែរ។ ក្រោយដឹងថា គេលួចក្បត់ខ្ញុំជាលើកទី៣ ទឹកភ្នែកខ្ញុំបានស្ងួតអស់ ហើយក៏លែងខ្ចីជីកឫសជីកគល់គេដូចសព្វមួយដង។ ថ្ងៃដែលខ្ញុំប្រគល់កាដូអនុស្សាវរីយ៍ឲ្យគេវិញ គេដឹងថាខ្ញុំនឹងមិនវិលវិញជារៀងរហូត ព្រោះគេដឹងថាខ្ញុំស្រលាញ់កាដូដែលគេជូនឲ្យនោះខ្លាំងណាស់។ ខណៈគេនៅយំមិនបាត់ក្នុងបន្ទប់ដែលយើងធ្លាប់នៅរួមគ្នានោះ ខ្ញុំបានដើរចេញដោយមិននិយាយមួយម៉ាត់។

ទង្វើធ្វើដើម្បីឲ្យគេដឹងថា នៅពេលគេក្បត់ខ្ញុំ គេចិត្តដាច់យ៉ាងណា ពេលនេះខ្ញុំនឹងចិត្តដាច់ដាក់គេវិញ។ បើប្រុសៗ ចង់ដឹងថា មនុស្សស្រីពេលអស់ស្រលាញ់យ៉ាងណា សាកធ្វើឲ្យនាងអស់ចិត្តទៅ នឹងស្គាល់រសជាតិហើយ៕

ចុចអានបន្ត៖ ទង្វើ ៥ យ៉ាងរបស់ភរិយា ដែលនាំឲ្យស្វាមីស្រលាញ់ដកចិត្តមិនរួច

ប្រភព៖ Guu ប្រែសម្រួល៖ Caramel