៣ វិធីបដិសេធមនោសញ្ចេតនាមនុស្សម្នាក់ កុំឲ្យគេឈឺចាប់ និងអាម៉ាស

2019-05-24 02:05:00
ចំនួនមតិ 0 | ចំនួនចែករំលែក 0

អ្នកណាក៏ចង់ទទួលបានក្ដីស្រលាញ់ពីមនុស្សដែលយើងមានចិត្តលើដែរ តែផ្ទុយមកវិញ ក្នុងករណីដែលទទួលបានមនោសញ្ចេតនាពីអ្នកដែលយើងមិនស្រលាញ់វិញនោះ តើគួរធ្វើដូចម្ដេច? ខាងក្រោមនេះ គឺ៣វិធីបដិសេធសេចក្ដីស្រលាញ់របស់គេ ដោយមិនបំបាក់មុខ ក៏ដូចជាមិនធ្វើឲ្យគេឈឺចាប់។

១. បដិសេធតាមផ្ញើសារ

ក្នុងករណីទទួលបានការសារភាពតាមរយៈការផ្ញើសារ នោះបដិសេធវិញដោយការផ្ញើសារគឺជាជម្រើសដ៏ល្អបំផុត។ មិនត្រឹមតែប៉ុណ្ណោះ នៅពេលត្រូវគេសារភាពផ្ទាល់ តែមិនទាន់ឆ្លើយតបវិញបាននៅពេលនោះ នោះការតបវិញដោយផ្ញើសារក៏ប្រសើរដូចគ្នា។ ដោយសារតែត្រូវបដិសេធដោយមនុស្សយើងស្រលាញ់នៅនឹងមុខ តិចច្រើនអីក៏គួរឲ្យអាម៉ាស និងអន់ចិត្តដែរ ដូចនេះបដិសេធតាមសារ គឺទុកឲ្យគេមានពេលវេលានៅម្នាក់ឯងខ្លះ ដើម្បីសម្របខ្លួន មុនពេលប្រឈមមុខនឹងអ្នកម្ដងទៀត។

២. បដិសេធដោយការនិយាយកុហក

មិនមែនគ្រប់ពេលឲ្យតែនិយាយកុហកគឺអាក្រក់ឡើយ ជាពិសេសគឺនៅពេលកុហកដើម្បីឲ្យមនុស្សម្នាក់បានស្បើយចិត្ត។ នៅពេលទទួលបានមនោសញ្ចេតនាពីគេ តែមិនដឹងបដិសេធយ៉ាងម៉េច អ្នកអាចកុហកបានថា នាងមានសង្សាររួចហើយជាដើម ដើម្បីកុំឲ្យគេតាមស្រលាញ់ទៀត។ ឬក៏អាចខ្ចី មិត្តភ័ក្ដិម្នាក់មកធ្វើជាសង្សារ ដើម្បីឲ្យគេរឹតតែជឿ ហើយកាត់ចិត្តបានលឿន។

៣. ប្រាប់គេថាអ្នកមិនទាន់ធ្វើចិត្តបាន

មិនទាន់ទទួលយកបានមនោសញ្ចេតនារបស់នៅពេលនេះ មិនប្រាកដថា អ្នកមិនរំជួលចិត្តនៅពេលក្រោយនោះទេ។ ព្រោះគេថា ស្នេហ៍មិនឈ្នះស្និទ្ធិឡើយ។ ប្រសិនបើអ្នកទាំងពីរនៅក្បែរគ្នា ជារៀងរាល់ថ្ងៃ ហើយអ្នកមានអារម្មណ៍ជាមួយគេនោះ តិចច្រើនអីក៏អ្នកនឹងមានចិត្តលើគេដែរ។ ដូចនេះហើយ កុំច្រានចោលឱកាសរបស់ខ្លួនចោលឲ្យសោះ ដោយគ្រាន់តែអ្នកមិនទាន់រួចរាល់សម្រាប់ស្នេហាឡើយ ហើយសុំពេលបន្តិចសិន តែកុំបដិសេធដោយដាច់អហង្ការ៕

ចុចអាន៖ សញ្ញាគ្រោះថ្នាក់ បង្ហាញថាស្នេហារបស់អ្នក មិនអាចឋិតថេរបានយូរឡើយ

ប្រភព៖ Spiceee ប្រែសម្រួល៖ Caramel