យល់ពីខ្ញុំផងបានទេ ទោះបីមិនសូវខ្វល់ដូចមុនមិនបញ្ជាក់ថាអស់ចិត្តស្រលាញ់នោះទេ

2019-05-22 06:00:00
ចំនួនមតិ 0 | ចំនួនចែករំលែក 0

Dear my សង្សារ

គ្មានពេលទំនេរឲ្យ មិនសូវយកចិត្តទុកដាក់ដូចមុន មិនសូវបានតេទូរស័ព្ទនិយាយគ្នាយូរៗដូចមុន មិនបានន័យថា ខ្ញុំលែងស្រលាញ់អ្នកទៀតទេ។ អ្នកជាសង្សារ ជាមនុស្សប្រុសល្អក្នុងចិត្តខ្ញុំរហូត ហើយខ្ញុំក៏ចង់ឲ្យអ្នកម្នាក់ ដឹងនិងយល់ពីខ្ញុំច្បាស់ជាងគេ ហើយកុំយល់ច្រលំលើស្នេហារបស់ពួកយើង។

មានបញ្ហាជាច្រើនបានចូលមកក្នុងជីវិតខ្ញុំ ការងារផង ការសិក្សាផង ធ្វើឲ្យខ្ញុំកាន់តែធុញថប់។ ពេលទៅដល់ផ្ទះ ខ្ញុំសង្ឃឹមថាបានសម្រាកឲ្យពេញភ្នែក តែជួនកាល មានរឿងជាច្រើនត្រូវធ្វើបន្តទៀត។ សម្លេងទ្រហឹងអឹងកងពីផ្ទះអ្នកជិតខាង ស្រែកឡូឡា ធ្វើឲ្យខួរក្បាលខ្ញុំចង់ផ្ទុះទៅហើយ ចង់រកកន្លែងស្ងប់មួយ គ្រាន់តែសម្រាកបន្តិចឲ្យស្រួលខ្លួន ក៏ពិបាក។ ខ្ញុំគ្រាន់តែចង់មានពេលវេលាខ្លះ សម្រាប់ខ្លួនឯង នៅពេលខ្ញុំធុញថប់ផ្លូវចិត្តពេក នៅពេលខ្ញុំរងសម្ពាធការងារពេក ដែលអារម្មណ៍នេះ ពិបាកក្នុងខ្លួនណាស់។

ទោះគ្មានអ្នកណាយល់ពីខ្ញុំយ៉ាងណាក៏ខ្ញុំមិនខ្វល់ដែរ សំខាន់ខ្ញុំចង់ឲ្យបង ដែលជាសង្សាររបស់ខ្ញុំយល់ជាងគេ ច្បាស់ពីខ្ញុំជាងគេ ហើយកុំគិតថា ខ្ញុំប្រែប្រួលលើស្នេហារបស់ពួកយើង។ ខ្ញុំប្រហែលបដិសេធច្រើន ពេលអ្នកបបួលខ្ញុំចេញក្រៅទៅមើលកុន ញ៉ាំអីជាមួយគ្នា ហើយខ្ញុំតែងឆ្លើយថារវល់ពេលអ្នកបបួលខ្ញុំទៅដើរលេងជាមួយគ្នា ចេញក្រៅហាត់ប្រាណ ដើរលេងតាមមាត់ទន្លេមើលគេមើលឯង។ ពេលអ្នកឆាតមក ខ្ញុំមិនសូវតបលឿន ហើយនិយាយច្រើនជាមួយអ្នកដូចមុន ហើយទង្វើទាំងនេះ ធ្វើឲ្យអ្នកគិតថា ខ្ញុំប្រែប្រួលហើយ។

មានពេលខ្លះ ខ្ញុំពិតជាមិនដឹងថា អ្នកបានតេទូរស័ព្ទមកខ្ញុំទេ ខ្ញុំវីវក់នឹងការងារខ្លាំង រហូតពេលខ្លះសូម្បីទូរស័ព្ទញ័រស្ទើរពេញបន្ទប់ Office ក៏ខ្ញុំមិនដឹងទាល់តែសោះ។ ក្ដីស្រលាញ់ចំពោះអ្នកពីដើមយ៉ាងណា ខ្ញុំចង់ប្រាប់អ្នកណា មិនបានប្រែប្រួលសូម្បីបន្តិច ហើយមានតែស្រលាញ់ខ្លាំងជាងមុន។ សង្សារបណ្ដូលចិត្ត បើអ្នកពិតជាស្រលាញ់ខ្ញុំមែន សូមយល់ពីគ្នាទៅវិញទៅមក កុំអន់ចិត្តព្រោះរឿងតូចតាច កុំស្ដាប់អ្នកដទៃច្រើនពេក កុំគិតអីម្នាក់ឯង សង្ស័យអីសួរខ្ញុំផ្ទាល់មក ខ្ញុំនឹងប្រាប់អ្នកទាំងអស់។ ស្រលាញ់គ្នាយូរដល់ម្លឹង កុំបោះបង់ចោលគ្នា ព្រោះតែរឿងយល់ច្រលំ ហើយធ្វើឲ្យម្នាក់ៗកាន់តែគម្លាតពីគ្នាឆ្ងាយទៅ ដោយមិនដឹងខ្លួន។ ខ្ញុំសង្ឃឹមថា មានអ្នកម្នាក់ នឹងយល់ពីខ្ញុំច្បាស់ជាងគេ ចាំលើកទឹកចិត្ត និងមិនដែលចាកចោលខ្ញុំពេលខ្ញុំមានបញ្ហានោះឡើយ៕

ចុចអាន៖ វីដែលខ្ញុំត្រូវការគឺ មនុស្សប្រុសដែលចេះលើកទឹកចិត្ត មិនបោះបង់ពេលមានទុក្