ខោខូវប៊យ៤ម៉ូដ អាចប្រើបានគ្រប់ពេល គ្រប់កាលៈទេសៈ មិនខ្លាចហួសសម័យ
- 2019-05-03 06:00:00
- ចំនួនមតិ 0 | ចំនួនចែករំលែក 0
ខោខូវប៊យ៤ម៉ូដ អាចប្រើបានគ្រប់ពេល គ្រប់កាលៈទេសៈ មិនខ្លាចហួសសម័យ
ទោះបីជាពិភពសម្លៀកបំពាក់ផ្លាស់ប្ដូរលឿនដល់កំរិតណាក៏ដោយ ក៏ម៉ូដខោខូវប៊យខាងក្រោមនេះមិនហួសសម័យដែរ។
ខោខូវប៊យគឺជា ប្រភេទសម្លៀកបំពាក់ដែលមិនអាចខ្វះបាននៅក្នុងជីវភាពប្រចាំថ្ងៃ។ នៅក្នុងទូខោអាវរបស់ស្រីៗ មានយ៉ាងហោចណាស់ក៏ខោខូវប៊យមួយ ទៅពីរដែរ។ ទោះបីជាមានច្រើនម៉ូដក៏ដោយ តែមិនមែនម៉ូដណារបស់ខោខូវប៊យក៏អាចប្រើបានគ្រប់ពេលនោះទេ។ ដោយឡែកខាងក្រោមនេះ គឺជាខោខូវប៊យ៤ម៉ូដដែលអាចប្រើបានគ្រប់ពេលដោយមិនខ្លាចហួសសម័យឡើយ។
១. Skinny Jeans
ជាមួយនឹងម៉ូដទាន់សម័យ លើករាង ជួយឲ្យមើលទៅស្គម ឃើញជើងវែង។ ខោខូវប៊យរឹបរាងគឺជាអាវុធសម្ងាត់ដ៏មានប្រសិទ្ធភាពសម្រាប់នារីមានកម្ពស់មិនអំណោយផល ឬគីឡូច្រើន។ ការស្លៀកខោបែបនេះ នឹងធ្វើឲ្យអ្នកមើលទៅក្មេងជាងវ័យ ហើយក៏ងាយស្រួលគួបផ្សំនឹងសំលៀកបំពាក់ផ្សេងផងដែរ។
២. ខោខូវប៊យពណ៌ងងឹត
ខោខូវប៊យពណ៌ងងឹតដូចជាខ្មៅ ឬខៀវទឹកប៊ិច នឹងធ្វើឲ្យរាងរបស់អ្នកខ្ពស់ជាងមុន ព្រមទាំងធ្វើឲ្យទម្រង់ភ្លៅតូចជាងមុនផងដែរ។ គួបផ្សំនឹងស្បែកជើងកែងទៀត នឹងធ្វើឲ្យកាន់តែទាក់ទាញ។ ខោពណ៌ងងឹតបែបនេះ បើស្លៀកជាមួយអាវពណ៌ភ្លឺនឹងកាន់តែលើកសម្រស់មួយកំរិតទៀត។
៣. ខោខូវប៊យចង្កេះខ្ពស់
ក្នុងចំណោមខោខូវប៊យទាំងអស់ គឺមានតែខោខូវប៊យចង្កេះខ្ពស់នេះហើយ ដែលលើករាងមិត្តៗនារីខ្លាំងជាងគេ។ នេះគឺជាម៉ូដប្រពៃបំផុតសម្រាប់អ្នកដែលរាងរៅទ្រលុកទ្រលន់បន្តិច។
៤. ខោខូវប៊យជើងប៉ាត់
សម្រាប់អ្នកដែលមានកំភួនជើងធំ ខោខូវប៊យជើងប៉ាត់គឺជាជម្រើសមិនខុសឡើយ ត្បិតវានឹងជួយលាក់បាំងចំណុចផ្សេងៗបានយ៉ាងល្អ។ ចំពោះអ្នកដែលចង់បានរាងស្អាតដូចម៉ូដែលនោះ គឺងាយបំផុត ដោយគ្រាន់តែគួបផ្សំខោប្រភេទនេះជាមួយស្បែកជើងកែងចោទជាការស្រេច។ ធានាថារាល់ចំណាប់អារម្មណ៍នឹងផ្ដោតលើតែអ្នក៕