អត្ថប្រយោជន៍ដ៏អស្ចារ្យរបស់ផ្លែឪឡឹកក្នុងរដូវក្តៅ
- 2019-05-02 02:30:00
- ចំនួនមតិ 0 | ចំនួនចែករំលែក 0
អត្ថប្រយោជន៍ដ៏អស្ចារ្យរបស់ផ្លែឪឡឹកក្នុងរដូវក្តៅ
មិនត្រឹមតែជាប្រភេទផ្លែឈើបំបាត់ការស្រេកទឹកដ៏ល្អឥតខ្ចោះក្នុងខែក្ដៅនោះទេ ផ្លែឪឡឹកថែមទាំងមានគុណប្រយោជន៍ជាច្រើនទៀតដែលអ្នកមិនដឹង។
១. សម្បូរទៅដោយ lycopyne
ពណ៌ក្រហមដែលមាននៅក្នុងឪឡឹកគឺមកពីសារជាតិ lycopyne ដែលជាសារធាតុម្យ៉ាងប្រឆាំងនឹងភាពចាស់ និងជម្ងឺទឹកនោមផ្អែម។ ក្នុងចំណោមបន្លែ ផ្លែឈើគ្រប់ប្រភេទ ឪឡឹកគឺជាផ្លែដែលមានផ្ទុក lycopyne ច្រើនជាងគេបង្អស់។
២. ការពារអ្នកពីពន្លឺព្រះអាទិត្យ
សារជាតិ lycopyne នៅក្នុងឪឡឹកអាចជួយកាត់បន្ថយការរលាកស្បែកពីកម្ដៅព្រះអាទិត្យបានយ៉ាងល្អ ប្រសិនបើអ្នកទទួលទានឪឡឹកមុនចេញក្រៅមួយម៉ោង។ យ៉ាងណាក្ដី នេះមិនមានន័យថា អ្នកអាចចេញក្រៅដោយមិនប្រើពេលឡេការពារកម្ដៅថ្ងៃនោះឡើយ គឺត្រូវប្រើឡេ ដែលមាន SPF យ៉ាងតិច៣០។
៣. ការពារបេះដូង
ឪឡឹកក៏សម្បូរទៅដោយជាតិ amino axit citrulline ដែលជួយឲ្យឈាមដើរបានល្អ និងបន្ថយសម្ពាធឈាមផងដែរ។ សារធាតុនេះត្រូវបានគេវាយតម្លៃថា ជួយឲ្យអ្នកកើតជំងឺបេះដូងមានអារម្មណ៍ធូរស្រាលជាងមុន។
៤. ការពារសន្លាក់
ឪឡឹកមានផ្ទុកសារជាតិធម្មជាតិ beta-crytoxanthin ជួយបំបាត់អាការៈហើមសន្លាក់ និងរលាកសន្លាក់ដែលបង្ករឡើងដោយធ្វើចលនាច្រើនពេក។
៥. ការពារភ្នែក
គ្រាន់តែមួយចំណិតនៃឪឡឹក (ប្រមាណ៥០០មីលីលីត្រ) បានផ្គត់ផ្គង់ដល់ទៅ៣០%វីតាមីន A សម្រាប់រាងកាយពេញមួយថ្ងៃទៅហើយ។ ហើយវីតាមីនគឺជាជីវជាតិដែលបំប៉នភ្នែកដ៏ល្អបំផុត៕