៤ យ៉ាងត្រូវត្រៀម មុននឹងនាំសង្សារទៅជួបប៉ាម៉ាក់

2019-04-25 02:10:00
ចំនួនមតិ 0 | ចំនួនចែករំលែក 0

ជារឿងដែលមិនអាចប្រកែកបានទេនៅពេលដែលអ្នកជួបមនុស្សម្នាក់ដែលអាចទុកចិត្តបាន ហើយគិតថាអាចរស់នៅជាមួយគ្នាបាននៅថ្ងៃក្រោយ អ្នកត្រូវតែណែនាំគេឲ្យប៉ាម៉ាក់របស់អ្នកស្គាល់។ ប៉ុន្តែបញ្ហាត្រង់ថា តើប៉ាម៉ាក់របស់អ្នកពេញចិត្តដៃគូរបស់អ្នកទេ? វាអាចជួយអ្នកបាន ៥០ ភាគរយដែរ បើសិនជាអ្នកនិងដៃគូចេះត្រៀមរបស់ ៤ យ៉ាងនេះមុននឹងសម្រេចចិត្តទៅជួបលោកទាំងពីរ។

១. មានរបស់បន្តិចបន្តួចជាប់ដៃទៅជាមួយ

មុនពេលដែលទៅជួបលោកទាំងពីរ តាមយោបល់របស់អ្នកធ្លាប់មានបទពិសោធន៍អ្នកមិនគួរទៅដោយដៃទទេទេ។ គួរតែរកមើលរបស់របរតិចតួចដូចជារបស់ញ៉ាំជាដើម។ អ្នកនឹងមើលទៅឃើញគួរឲ្យស្រលាញ់។

២. រៀបចំការស្លៀកពាក់ឲ្យបានរៀបរយ

ការស្លៀកពាក់គឺជារឿងសំខាន់។ សម្រាប់ស្រីៗកុំស្លៀកពាក់លេចលើលេចក្រោម បើអ្នកចង់បានភ្លើងខៀវពីលោកទាំងពីរ។ បើចំពោះប្រុសៗត្រូវតែស្លៀកពាក់ឲ្យសមរម្យ។

៣. មានរបៀបត្រឹមត្រូវ

លើកដៃសំពះជាមុនសិន មិនថាអ្នកបានជួបនរណាទេ មុនពេលដែលចូលទៅដល់ក្នុងផ្ទះ។ ដោយសារតែវាជាការគួរសមបង្ហាញថាអ្នកជាមនុស្សមានរបៀប អត្តចរិតល្អ និងរួសរាយ ។

៤. ត្រូវប្រាកដចិត្តចំពោះគ្នាទៅវិញទៅមក

នេះជារឿងសំខាន់ជាងគេ អ្នកទាំងពីរត្រូវតែស្រលាញ់និងទុកចិត្តគ្នាទៅវិញទៅមកក្នុងស្នេហាមួយនេះ។ កុំលេងសើច កុំស្រលាញ់គ្នាត្រឹមពីរបីខែហើយក៏បែកគ្នាវិញ អ៊ីចឹងហើយបានជាពេលស្រលាញ់នរណាម្នាក់អ្នកគួរនៅមើលគ្នាយ៉ាងហោចណាស់ឲ្យបាន ៦ខែ ទៅ ១ឆ្នាំ មុនពេលសម្រេចចិត្តណែនាំគេឲ្យប៉ាម៉ាក់ស្គាល់ អ្នកក៏មិនចាំបាច់ព្រួយបារម្ភច្រើន៕

ចុចអាន៖

ប្រភព៖ jelly ប្រែសម្រួល៖ ឃួន សុលីកា