ចាំបាច់ត្រូវដឹង! វិធីសង្គ្រោះជីវិតខ្លួនឯងពេលជួបអាសន្នម្តងៗ
- 2019-04-23 04:40:00
- ចំនួនមតិ 0 | ចំនួនចែករំលែក 0
ចាំបាច់ត្រូវដឹង! វិធីសង្គ្រោះជីវិតខ្លួនឯងពេលជួបអាសន្នម្តងៗ
នៅក្នុងជីវិតប្រចាំថ្ងៃ ជួនកាលស្ថានភាពដែលយើងនឹកស្មានមិនដល់បានកើតឡើងធ្វើឲ្យយើងមិនអាចទទួលយកបាន។ ដើម្បីការពារជីវិតខ្លួនឯងបាន យើងត្រូវតែដឹងពីតិចនិកការពារខ្លួនសំខាន់ៗដូចរៀបរាប់ខាងក្រោមនេះ៖
១. ស្ករកៅស៊ូអាចបង្កើតជាភ្លើងបាន
គ្រាន់តែប្រើថ្មពិលជាមួយនឹងស្ករកៅស៊ូ អ្នកអាចបង្កាត់ភ្លើងបានបើសិនជាអ្នកកំពុងស្ថិតក្នុងស្ថានភាពគ្រោះថ្នាក់ណាមួយហើយត្រូវការភ្លើងជាបន្ទាន់។ ដំបូងកាត់ស្ករជាពីរចំពាក់កណ្ដាល និងកាត់ឲ្យចេញរាងស្ដើង ហើយតូច។ បន្ទាប់មកភ្ជាប់ស្ករមួយចំហៀងទៅនឹងប៉ូលអវិជ្ជមានរបស់ថ្ម (-) ហើយមួយចំហៀងទៀតភ្ជាប់ជាមួយនឹងប៉ូលវិជ្ជមាន (+) ហើយរង់ចាំមើល ត្រឹមរយៈពេលខ្លីប៉ុណ្ណោះអ្នកនឹងធុំក្លិនតិចៗ ហើយភ្លើងនឹងឆេះចេញមកភ្លាម។
២. ប្រើក្រណាត់ចម្រោះទឹក
បើសិនជាអ្នកមិនអាចស្វែងរកប្រភពទឹកស្អាតបានទេ អ្នកគ្រាន់តែរកដបដាក់ទឹកពីរ ហើយនឹងក្រណាត់ (អ្នកអាចហែកអាវយកមកប្រើសិនក៏បាន)។ បន្ទាប់មកអ្នកទម្លាក់ចុងម្ខាងនៃក្រណាត់ចូលក្នុងដបដែលដាក់ទឹកកខ្វក់ហើយចុងម្ខាងទៀតចូលក្នុងដបទឹកដែលទទេស្អាត។ បន្ទាប់ពីអស់រយៈពេល មួយម៉ោងក្រោយមកអ្នកនឹងទទួលបានទឹកស្អាតមួយចំនួនសម្រាប់ទទួលទានបាន។
៣. ប្រើថ្នាំដុសធ្មេញលាបពេលសត្វល្អិតខាំ
នៅពេលដែលអ្នកត្រូវបានខាំដោយសត្វល្អិត អ្នកអាចយកថ្នាំដុសធ្មេញបន្តិចទៅលាបនៅលើកន្លែងមានស្នាមបាន។ ដោយសារតែថ្នាំដុសធ្មេញមានសារធាតុផ្សំដែលជួយកាត់បន្ថយរលាក ការហើម និងក្រហម ហើយជាតិ menthol ក្នុងក្រែមក៏អាចជួយកាត់បន្ថយរមាស់បានដែរ។ ៤. ប្រើស្រោមអនាម័យធ្វើជាដបទឹក
ទោះបីជាអ្នកគ្រប់គ្នាគិតថាវាគួរឲ្យខ្ពើម តែស្រោមអនាម័យមានអនាម័យខ្ពស់ និងមានសមត្ថភាពផ្ទុកទឹករហូតបានដល់ ២ លីត្រ។ ដើម្បីធ្វើរបស់ស្តុកទឹក ដំបូងចាក់ទឹកចូលក្នុងស្រោមអនាម័យ ប្រើសំបកឈើគ្របវា ប្រើស្រោមជើងមួយច្រកវាពីក្រៅមួយជាន់ទៀត។
៥. ប្រើអាវទ្រនាប់ធ្វើជាម៉ាស់
ក្នុងករណីមានអគ្គិភ័យឆាបឆេះ អ្នកអាចនឹងប្រឈមនឹងបញ្ហានៃការដកដង្ហើមយ៉ាងធ្ងន់ធ្ងរ ដោយការស្រូបយកផ្សែងពុលនិងធូលី។ ប្រើប្រាស់អាវទ្រនាប់ធ្វើជាម៉ាស់បណ្ដោះអាសន្នសិនទៅ។ អាវទ្រនាប់ភាគច្រើនមានទំហំស័ក្ដិសមសម្រាប់គ្របពីលើច្រមុះនិងមាត់បានយ៉ាងល្អ ហើយអាចប្រើខ្សែរបស់វាចង់ជុំវិញក្បាលបានដោយមិនបាច់កាន់។ ៦. ដុតជីអង្កាមបណ្ដេញមូស
បើសិនជាអ្នកកំពុងមានមូស ឬសត្វល្អិតផ្សេងៗមករំខាន អ្នកគួរតែយកជីអង្កាមទៅដុត ប្រេងដ៏សំខាន់របស់រុក្ខជាតិនេះនឹងបណ្ដេញសត្វល្អិតទាំងនោះឲ្យចេញឆ្ងាយ។
៧. របៀបស្រាយចំណងដៃពីខ្សែជ័រ
ខ្សែជ័រប្រើសម្រាប់ធ្វើចំណងគឺភាគច្រើនពួកចាប់ជំរិតចូលចិត្តប្រើចងជនរងគ្រោះណាស់។ ប៉ុន្តែអ្នកអាចស្រាយចំណងនោះបានយ៉ាងងាយ ដាក់ដៃរបស់អ្នកឲ្យនៅទីតាំងដូចក្នុងរូប ដូច្នេះអ្នកអាចទុកគម្លាតបានធំ ហើយងាយស្រួលក្នុងការទាញដៃចេញពេលពួកគេមកចាប់៕
ចុចអាន៖ មិនមែនចេះតែប្រុសៗ! ពេលជិះឡាន ស្រីៗក៏គួរដឹងពីសញ្ញាប្រុងប្រយ័ត្នទាំងនេះ