ដកខ្លួនភ្លាម! សញ្ញាទាំង៥ បង្ហាញថាគេគ្រាន់តែចង់ញ៉ែអ្នកលេងប៉ុណ្ណោះ
- 2019-04-11 10:25:00
- ចំនួនមតិ 0 | ចំនួនចែករំលែក 0
ដកខ្លួនភ្លាម! សញ្ញាទាំង៥ បង្ហាញថាគេគ្រាន់តែចង់ញ៉ែអ្នកលេងប៉ុណ្ណោះ
បច្ចុប្បន្ននេះ រឿងមនុស្សម្នាក់ញ៉ែស្រីពីរ បីនាក់ ឬច្រើនជាងនេះក្នុងពេលតែមួយគ្មានអ្វីចម្លែកនោះទេ។ ដួចនេះ ស្រីៗត្រូវផ្ចង់អារម្មណ៍សង្កេតឲ្យច្បាស់ថាតើគ្រាន់តែលេងសើចជាមួយយើង ឬក៏កំពុងតាមស្រលាញ់ពិតប្រាកដ។ ខាងក្រោមនេះគឺជាសញ្ញានានាបញ្ជាក់ថា អ្នកគ្រាន់តែជាស្រីម្នាក់ក្នុងចំណោមស្រីច្រើននាក់ដែលគេញ៉ែលេងប៉ុណ្ណោះ។
១. យកចិត្តទុកដាក់ក្លែងក្លាយ
មនុស្សម្នាក់បើស្រលាញ់យើងមែន ទោះរវល់យ៉ាងណា ឬឆ្ងាយយ៉ាងណា បើសិនជាយើងត្រូវការគេ គេនឹងឆ្លៀតមកឲ្យទាល់តែបាន មិនមែននិយាយតែមាត់នោះទេ។ គេតែងថាគេយកចិត្តទុកដាក់នឹងយើង តែគេបានតែមាត់ មិនដែលធ្វើអ្វីឲ្យយើងឡើយ។
២. ឧស្សាហ៍ like និងដាក់រូបបេះដូងលើរូបរបស់ស្រីផ្សេង
តើអ្នកទាំង២បានស្គាល់គ្នាតាមរយៈការ like រូបរបស់គេមែនទេ? បើដូច្នេះមែននោះ សូមពិចារណាឲ្យច្បាស់ថា ហេតុការណ៍នេះកំពុងកើតឡើងចំពោះស្រីផ្សេងឬអត់? បើតាមធម្មតា អត្រានៃការកើតឡើងនេះគឺ៩០%ឯណោះ។
៣. ជៀសវាងនិយាយរឿងមនោសញ្ចេតនា
ជាក់ស្ដែង បើបុរសម្នាក់ស្រលាញ់ម្នាក់ពិតប្រាកដនោះ គេនឹងសប្បាយចិត្តខ្លាំងនៅពេលអ្នកនិយាយដល់មនោសញ្ចេតនារបស់អ្នកទាំង២។ តែសម្រាប់អ្នកដែលចង់លេងសើចវិញ ពេលអ្នកនិយាយដល់រឿងនេះ គេនឹងបង្វែងដានទៅនិយាយរឿងផ្សេងវិញ ព្រោះមិនចង់ជំពាក់ជំពិនជាមួយអ្នកទៅថ្ងៃក្រោយ។
៤. មិនសារភាព
នៅពេលគេសង្កេតឃើញថា អ្នកបានតបស្នងមនោសញ្ចេតនាគេមកវិញ ចំពោះអ្នកស្រលាញ់យើងមែនពិតនោះ គេនឹងមិនក្រែងនឹងការសារភាពដើម្បីបានក្លាយជាសង្សារពេញសិទ្ធិនោះទេ។ យ៉ាងណាក្ដី ចំពោះអ្នកដែលគ្រាន់តែចង់ញ៉ែលេង គ្មានថ្ងៃគេសារភាពនឹងអ្នកឡើយ។
៥. មិនបើកចំហ
មនុស្សប្រុសដែលស្រលាញ់យើងចេញពីចិត្ត គេប្រាកដជាបង្ហាញឲ្យអ្នកដទៃដឹងពីមនោសញ្ចេតនារបស់អ្នកទាំង២ឲ្យគេដឹងឮ ហើយក៏ដូចជាសញ្ញាបង្ហាញឲ្យប្រុសដទៃដឹងថាអ្នកមានម្ចាស់រួចហើយ។ ផ្ទុយមកវិញ សម្រាប់អ្នកលេងសើច គេនឹងប្រាប់ឲ្យអ្នកជួយលាក់រឿងរបស់អ្នកទាំង២ ដើម្បីគេងាយស្រួលញ៉ែស្រីផ្សេងទៀត៕
ចុចអានបន្ត៖