ទីតាំងនៃប្រជ្រុយអាចបង្ហាញពីអត្តចរិតផ្សេងៗគ្នារបស់មនុស្ស

2019-04-05 02:30:00
ចំនួនមតិ 0 | ចំនួនចែករំលែក 0

មនុស្សយើងភាគច្រើន បានដឹងហើយថា ទីតាំងប្រជ្រុយនៅលើរាងកាយ សុទ្ធតែមានអត្ថន័យនិងអាចបង្ហាញពីអត្តចរិតផ្សេងៗគ្នា។ ចង់ដឹងថាវាមានអត្ថន័យខុសគ្នាបែបណាខ្លះ សាកទៅពិនិត្យមើលទីតាំងនិមួយៗនៃប្រជ្រុយដែលអ្នកមាន។

១. នៅខាងលើថ្ងាស

អ្នកដែលមានប្រជ្រុយនៅត្រង់លើថ្ងាស គឺជាមនុស្សពូកែផ្នែកនយោបាយ។ ប្រសិនបើប្រជ្រុយនោះ មានពណ៌បែកក្រហមឬបៃតង អ្នកនឹងមានវាសនាធំទៅថ្ងៃមុខ និងទទួលបានភាពជោគជ័យក្នុងជីវិត។ យ៉ាងណាមិញ អ្នកក៏អាចនៅលីវជារៀងរហូតដែរ។

២. នៅលើចិញ្ចើម

នេះបញ្ជាក់ថា អ្នកជាមនុស្សដែលមានទ្រព្យច្រើននិងជោគជ័យធំ។ ម្យ៉ាងវិញទៀត អ្នកចូលចិត្តជួយអ្នកដទៃ តាំងពីដើមមកម្ល៉េះ។

៣. នៅបរិវេណថ្ពាល់

អ្នកជាប្រភេទមនុស្ស ដែលឆាប់ប្រួលប្រែអារម្មណ៍និងងាយនឹងមានប្រតិកម្ម។ ប្រសិនបើ ប្រជ្រុយនៅត្រង់បរិវេណថ្ពាល់ខាងឆ្វេង មានន័យថា អ្នកជាមនុស្សមិនសូវចេះមាត់ក។

៤. នៅលើចង្កា

អ្នកគឺជាមនុស្ស ដែលមានភាពស្រស់ស្អាតនិងពោរពេញដោយមន្តស្នេហ៍គួរឲ្យស្រលាញ់ខ្លាំងណាស់។ អ្នកចេះពីថ្លឹងថ្លែង និងគោលដៅច្បាស់លាស់ក្នុងជីវិត។

៥. នៅលើបបូរមាត់

អ្នកជាមនុស្សដែលចូលចិត្តគោរពខ្លួនឯងនិងអ្នកដទៃ។ ជាពិសេស ពេលអ្នកនឹងមានឱកាសច្រើន ក្នុងការមានកូនភ្លោះផងដែរ។

៦. នៅលើច្រមុះ

អ្នកដែលមានប្រជ្រុយនៅលើច្រមុះនេះ ជាមនុស្សប៉ិនប្រសប់ក្នុងការគិត វៃឆ្លាត និងឆាប់យល់លើកិច្ចការគ្រប់បែបយ៉ាង។ បើប្រជ្រុយស្ថិតនៅលើច្រមុះខាងស្តាំ អ្នកអាចរកលុយបានច្រើន ដោយមិនលំបាក ប៉ុន្តែបើស្ថិតនៅលើច្រមុះខាងឆ្វេង នោះវានឹងផ្ទុយគ្នា។

៧. នៅលើដើមដៃ

ប្រជ្រុយដែលស្ថិតត្រង់កន្លែងនេះ បង្ហាញថាអ្នកជាមនុស្ស ដែលមានភាពរឹងមាំខ្លាំង និងស្គាល់ពីខ្លួនឯងយ៉ាងច្បាស់។ ប៉ុន្តែបើប្រជ្រុយនៅលើដៃឆ្វេងវិញ អ្នកនឹងរងគ្រោះជួបភាពសោកសៅច្រើន៕

ចុចអានបន្ត៖

ប្រភព៖ blushybabe.com ប្រែសម្រួល៖ ដេត ឈុនអ៉ី