សាស្ត្រាចារ្យ​ John R. Watret ​ កំពុង​តែ​ធ្វើ​ដំណើរ​តាម​ជើង​ហោះ​ហើរ​ពី​រដ្ឋ​ Los Angeles ទៅ​​ Atlanta នៅ​ថ្ងៃ​ទី​ ១៦​ ខែ​មីនា​ នៅ​ពេល​គាត់​បាន​ដឹង​ថា​យន្ត​ហោះ​ដែល​គាត់​កំពុង​ជិះ​មាន​អ្នក​បើក​ជា​ម្ដាយ​ហើយ​និង​កូន​ស្រី​កំពុង​ប្រតិបត្តិការ​ការងារ​ជា​ក្រុម​តែ​មួយ​។ អ្នក​បើក​យន្តហោះ​ទាំង​ពីរ ម្ដាយ​ឈ្មោះ​ Wendy Rexon ជា​ពីឡុត (Pilot) ​ចំណែកកូន​ស្រី​ឈ្មោះ​ Kelly Rexon ជា​ជំនួយ​ការ​ប្រធាន​ក្រុម​ (First officer)។​

លោក Watret ជា​អធិការបតី​នៃ​គ្រប់​សាខា​​របស់​សាកលវិទ្យាល័យ​ Embry-Riddle Aeronautical ​នៅ​ជុំ​វិញ​ពិភព​លោក​បាន​សុំ​ចូល​ទៅ​ក្នុង​កាប៊ីន​យន្តហោះ​ ហើយ​ថត​រូប​ម្ដាយ​និង​កូន​ស្រី​ពីរ​នាក់​បង្ហោះ​ចូល​ក្នុង​គណនី​ Twitter របស់​គាត់​។​ គាត់​បាន​សរសេរ​ Caption នៅ​ពី​លើ​រូប​ភាព​ថា​ « ទើប​តែ​បាន​ហោះ​ហើរ​ពី Los Angeles ទៅ Atlanta តាម​រយៈ​ក្រុម​ហ៊ុន​អាកាសចរណ៍​ Delta ជា​មួយ​នឹង​អ្នក​បើក​យន្ត​ហោះ​ជា​ម្ដាយ​​និង​កូន​ស្រី​នឹង​គ្នា​។​ ពិត​ជា​អស្ចារ្យ​ខ្លាំង​ណាស់​ ​នេះ​គឺ​ជា​ការ​បំផុស​គំនិត​ដល់​ស្ត្រី​​គ្រប់​រូប​»។​

គ្រាន់​តែ​បង្ហោះ​បាន​១​យប់​ រូប​ភាព​នោះ​បាន​ល្បី​ពេញ​បណ្ដាញ​សង្គម​ Twitter ដែល​ទទួល​បាន​ការ​ like ច្រើន​ជាង​ ៤២០០០ ដង​ និង​មាន​អ្នក​ Tweet ឡើង​វិញ​ច្រើន​ជាង​ ១៦ ០០០ ដង​ហើយ​ថែម​ទាំង​មាន​ការ​ Comment កោត​សរសើរ​ម្ដាយ​និង​កូន​ស្រី​ពីរ​នាក់​នេះ​​យ៉ាង​​ច្រើន​។ មិន​តែ​ប៉ុណ្ណោះ​ គណនី Twitter ​ផ្លូវ​ការ​​របស់​ក្រុម​ហ៊ុន​អាកាសចរណ៍​​ Delta ដែល​ជា​ក្រុម​ហ៊ុន​របស់​ Wendy Rexon និង​ Kelly Rexon កំពុង​តែ​បម្រើ​ការងារ​​ក៏​បាន​ចូល​ comment លើ​រូប​ដែល Watret​ បាន​បង្ហោះ​ថា​ "Family flight crew goals" ៕​

ចុចអាន៖ ការងារ​ ៥​​ជំនាញ​​មាន​ប្រាក់​ចំណូល​ច្រើន​ តែប្រឈម​មុខ​ខ្ពស់​នឹង​ការ​បាត់បង់​​ស្នេហា​