វិធីធ្វើឲ្យមនុស្សគ្រប់គ្នាចូលចិត្តយើងភ្លាមតាំងពីជួបលើកដំបូង

2019-03-27 03:30:00
ចំនួនមតិ 0 | ចំនួនចែករំលែក 0

ដើម្បីក្លាយជាមនុស្សដែលពូកែខាងប្រាស្រ័យទាក់ទង អ្នកគួរចងចាំរឿងទាំងនេះ ដើម្បីការពារកុំឲ្យខ្លួនឯងអត់អំណោយទានក្នុងភ្នែកអ្នកដទៃពេលជួបគ្នាលើកដំបូង។

១. អាកប្បកិរិយា

ត្រូវចាប់អារម្មណ៍ពីវិធីដែលអ្នកឆ្លើយតបទៅវិញជាមួយនឹងអ្នកដទៃ និងត្រូវប្រើភាសាកាយវិការឲ្យបានសមរម្យ មិនលើសលប់ពេក។ អ្នកវិទ្យាសាស្ត្របានបង្ហាញថា ការប្រើកាយវិការត្រូវកាលៈទេសៈនឹងធ្វើឲ្យការសន្ទនារបស់អ្នកមានប្រសិទ្ធិភាពលើស៤ដង។ ស្នាមញញឹមដ៏ស្រស់មួយ នឹងធ្វើឲ្យភាគី មើលអ្នកក្នុងផ្លូវល្អមួយរំពេច។

២. គម្លាត

ក្នុងករណីពិសេសដូចជា សម្ភាសន៍ការងារ ក្រៅពីត្រូវអង្គុយឲ្យត្រង់ មានជំនឿចិត្តហើយនោះ អ្នកមិនគួរអង្គុយជិត ឬឆ្ងាយពីអ្នកសម្ភាសនន៍ខ្លួនពេកនោះឡើយ។ ប្រសិនបើគេឲ្យអ្នកជ្រើសកន្លែងខ្លួនឯង គួរជ្រើសយកទិតាំងដែលនៅទល់មុខអ្នកសម្ភាសន៍។ ចងចាំថា ត្រូវដាក់ជើងត្រង់ និងមិនគងទាក់ខ្លា។

៣. សម្លៀកបំពាក់

យើងគ្រប់គ្នាសុទ្ធតែដឹងវិធីទាក់ទាញចំណាប់អារម្មណ៍លឿនជាងគឺតាមរយៈសំលៀកបំពាក់។ យ៉ាងណាក្ដី ជួបគ្នាលើកដំបូង យើងមិនគួរស្លៀកឆើតឆាយហួសហេតុឡើយ និងគួរស្លៀករម្យទម ស្របតាមកាលៈទេសៈ និងទីកន្លែង។ ជៀសវាងខោអាវវាល និងរឹបខ្លាំងពេក។

៤. សក់ក្បាល

សក់ក្បាលអាចជាអាវុធមុខ២ ត្បិតវាអាចធ្វើឲ្យអ្នកស្អាតជាងមុន ហើយក៏អាចសម្លាប់អ្នក ដោយធ្វើឲ្យអ្នកមើលមិនយល់ផងដែរ។ សក់ក្បាលបះកញ្ជ្រើង សុទ្ធតែអង្គែរ និងខ្លាញ់ នឹងធ្វើឲ្យអ្នកដទៃវាយតម្លៃមិនល្អ។ ក្នុងជំនួបលើកដំបូង គួរកក់សក់ឲ្យស្អាត និងធ្វើម៉ូដសុវត្ថិភាពដែលយើងធ្លាប់ទទួលបានផលពីមុនមក ជៀសវាងម៉ូដថ្មី ដែលយើងមិនធ្លាប់ធ្វើ។

៥. ផាត់មុខ

ការផាត់មុខអាចធ្វើឲ្យអ្នកមានទំនុកចិត្តជាងមុន តែក៏អាចប្រែអ្នកក្លាយជាអ្នកលេងល្ខោនម្នាក់ដែរ។ ដោយសារតែជំនួបលើកដំបូង មិនទាន់ស្គាល់គ្នាច្បាស់ យើងគួរផាត់មុខតាមបែបធម្មជាតិ តែមិនស្លេកពេក។ ជៀសវាងផាត់ភ្នែកពណ៌ខៀវ លាបក្រែមពណ៌ក្រហមដិតខ្លាំង ព្រោះវានឹងធ្វើឲ្យគេគិតថាអ្នកជាមនុស្សកាច៕