ធ្វើរឿងទាំងនេះបាន ជីវិតជួបតែក្ដីសុខ ហើយមានតែអ្នកស្រលាញ់ចូលចិត្តច្រើនទៀត
- 2019-03-21 04:03:20
- ចំនួនមតិ 0 | ចំនួនចែករំលែក 0
ធ្វើរឿងទាំងនេះបាន ជីវិតជួបតែក្ដីសុខ ហើយមានតែអ្នកស្រលាញ់ចូលចិត្តច្រើនទៀត
ទំនាក់ទំនងរវាងមនុស្ស និងមនុស្សគឺជាសិល្បៈមួយ។ ទំនាក់ទំនងគ្នាតាមបែបគួរសម គឺជារបៀបមួយដែលអ្នកគិតថាវាស្រួលធ្វើ ប៉ុន្តែបើអ្នកមិនឆ្លាត អ្នកនឹងបាត់បង់ចំណាប់អារម្មណ៍ដ៏ស្រស់ស្អាតនៅក្នុងភ្នែករបស់អ្នកដទៃមិនខាន។
១. កុំជឿអ្វីដែលអ្នកបានឮ កុំចាយលុយទាំងអស់ដែលអ្នកមាន កុំដេកយូរពេកតាមចិត្តចង់ ព្រោះជីវិតគឺខ្លីខ្លាំងណាស់
២. នៅពេលសុំទោសនរណាម្នាក់ ត្រូវតែមើលភ្នែកគេឲ្យចំ
៣. នៅពេលគេសួរសំណួរដែលអ្នកមិនចង់ឆ្លើយ ត្រូវតែញញឹម ហើយសួរវិញថា «ហេតុអ្វីបានជាចង់ដឹងរឿងនោះ?»
៤. ចំណាយពេលអានសៀវភៅឲ្យបានច្រើន កុំមើលទូរសព្ទ ឬទូរទស្សន៍ច្រើនពេក ស្រាវជ្រាវលើ website ឲ្យបានច្រើន អ្នកនឹងដឹងពីអត្ថន័យរបស់ជីវិត
៥. កុំចង់ស្គាល់មិត្តជិតស្និទ្ធរបស់សង្សារអ្នក ព្រោះនៅពេលមិត្តជិតស្និទ្ធរបស់គេមិនចូលចិត្តអ្នក អ្នកនឹងបែកគ្នា។ តែប្រសិនបើគេចូលចិត្តអ្នក គេនឹងបែកបាក់មិត្តភាពរបស់ពួកគេ។
៦. នៅពេលដែលអ្នកនិយាយជាមួយនរណាម្នាក់ ហើយគេដកដង្ហើមធំមានន័យថាគេមិនចង់ស្ដាប់ទេ អ៊ីចឹងត្រូវតែឈប់និយាយរឿងនោះទៀតទៅ។
៧. កុំនិយាយទៅកាន់គេដោយប្រើចរិតដូចអ្នកកំពុងបង្រៀនគេ ត្រូវប្រយ័ត្ននៅពេលប្រើពាក្យថា «យល់ទេ?» «ដឹងនៅ?»
៨. នៅពេលដែលមនុស្សដែលដើរមុខអ្នកជួយបើកទ្វារឲ្យអ្នក កុំភ្លេចនិយាយថាអរគុណនៅពេលដើរផុតទ្វារនោះហើយ
៩. ពេលជួបមនុស្សពេញវ័យ បើសិនអ្នកកំពុងអង្គុយ អ្នកត្រូវឡើងឈរ
១០. កុំចង្អុលមុខនរណាម្នាក់ឲ្យសោះ ពេលនិយាយ ឬប្រកែកគ្នា
១១. ពេលឈ្លោះគ្នាជាមួយសង្សារ ត្រូវដោះស្រាយដោយប្រើចិត្ត កុំព្យាយាមនិយាយពាក្យសម្តីដែលមិនបានឆ្លងកាត់ខួរក្បាល និងធ្វើឲ្យរឿងកាន់តែយ៉ាប់
១២. ត្រូវស្លៀកពាក់ឲ្យស្អាត ទោះសម្លៀកបំពាក់នោះមានតម្លៃថោក ប៉ុន្តែវាត្រូវតែស្អាត
១៣. ខ្ចីរបស់គេត្រូវតែយកទៅសងគេវិញ មិនមែនប្រើទាល់តែខូច ឬដាច់អស់ទើបយកទៅសងគេទេ
១៤. នៅពេលដែលចាកចេញពីកន្លែងណាមួយ អ្នកត្រូវតែសម្អាតឲ្យស្អាតមិនថាវាទីសាធារណៈក៏ដោយ
១៥. បើអ្នកបានសម្រេចចិត្តថាអង្គុយចុះហើយស្ដាប់រឿងរបស់នរណាម្នាក់ អ្នកគួរតែស្ដាប់ដោយភាពស្មោះត្រង់
១៦. កុំសម្រេចចិត្តទៅធ្វើជាអ្នកជំនួសនរណាម្នាក់ឲ្យសោះ
១៧. កុំដើរតាមមនុស្សដែលនិយាយតែពាក្យមិនពិត
១៨. មនុស្សដែលអ្នកស្គាល់ថ្ងៃនេះអាចនឹងក្លាយជាសេដ្ឋីនៅថ្ងៃស្អែក អ៊ីចឹងហើយកុំប្រញាប់មើលងាយគេពេក
១៩. ត្រូវចាំថាផ្ទះគេទោះធំ និងប្រណីតយ៉ាងណាក៏មិនល្អជាងផ្ទះយើងដែរ
២០. កុំប្រើប្រាស់អំពើល្អធ្វើជាផលប្រយោជន៍ផ្ទាល់ខ្លួន
២១. ខ្ចីលុយគេត្រូវ តែសងឲ្យទាន់ពេល
២២. កុំផឹកស្រាច្រើនជ្រុលពេក ព្រោះអ្នកនឹងមិនដឹងខ្លួនថាបានធ្វើអ្វីខ្លះទេពេលស្រវឹង៕
ចុចអាន៖ សញ្ញាទាំង ៧ បង្ហាញថាអ្នកជាមនុស្សស្រីឆ្លាត
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
