សញ្ញា​ទាំង​ ៧​ បង្ហាញ​ថា​អ្នក​ជា​មនុស្ស​ស្រី​ឆ្លាត​

  • 2019-03-13 02:00:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

យើង​តែង​តែ​គិត​ថា​មនុស្ស​ដែល​ឆ្លាត​គឺ​ជា​មនុស្ស​ដែល​ល្អ​ឥត​ខ្ចោះ​ ជា​ឧទាហរណ៍​ដូច​ជា​គេ​តែង​តែ​ទទួល​បាន​លទ្ធផល​ល្អ​ ហើយ​និយាយ​ថា​ទេ​ចំពោះ​ការ​ធ្វេស​ប្រហែស​ជា​មួយ​ការ​របៀប​រស់​នៅ​​។​ ប៉ុន្តែ​ដល់​ពេល​ដែល​អ្នក​ត្រូវ​ផ្លាស់​ប្ដូរ​ការ​គិត​របស់​អ្នក​ហើយ​បន្ទាប់​ពី​អាន​អត្ថបទ​នេះ​ហើយ​។​ ការ​សិក្សា​ជា​ច្រើន​បង្ហាញ​ថា​មនុស្ស​ដែល​មាន​ IQ ខ្ពស់​ពិត​ជា​មាន​ទម្លាប់​ចម្លែក​ៗ​ជា​ច្រើន​ដូច​ដែល​បាន​បង្ហាញ​នៅ​ខាង​ក្រោម​ ៧​ ចំណុច​នេះ​ចឹង​៖

១. តែង​តែ​ខ្ជិល

មនុស្ស​ដែល​មាន​ IQ ខ្ពស់​តែង​តែ​ជំរុញ​ខ្លួន​ចូល​ក្នុង​ការ​គិត​របស់​ខ្លួន​ឯង​ ហើយ​បញ្ចេញ​សកម្មភាព​តិច​។​ ទន្ទឹម​នឹង​នេះ​ដែរ​ក្រុម​មនុស្ស​​មាន​ IQ ខ្ពស់​តែង​តែ​ធុញ​ទ្រាន់​ ហើយ​តែង​តែ​ព្យាយាម​រក្សា​កាលវិភាគ​របស់​ពួក​គេ​។​ ទោះ​ជា​យ៉ាង​ណា​មិន​មែន​មាន​ន័យ​ថា​ភាព​ខ្ជិល​គឺ​សំដៅ​ដល់​​ភាព​ចេះ​ដឹង​ទេ​។​

២. ភ្លេច​ភ្លាំង​រឿង​តូច​តាច

យល់​ស្រប​ថា​មនុស្ស​ខ្ជិល​ជា​មនុស្ស​ដែល​មាន​ការ​ចង​ចាំ​បាន​ល្អ​ ប៉ុន្តែ​អ្នក​ស្រាវ​ជ្រាវ​ពីរ​នាក់​មក​ពី​សាកលវិទ្យាល័យ Toronto ក្នុង​ប្រទេស​កាណាដា​បាន​បង្ហាញ​ថា​ការ​ភ្លេច​ភ្លាំង​ជា​សញ្ញា​នៃ​កម្រិត​បញ្ញា​ខ្ពស់​។​ គេ​បាន​ពន្យល់​ថែម​ទៀត​ថា​មូល​ហេតុ​នៃ​ការ​ភ្លេច​មក​ពី​ហេតុផល​ ២ យ៉ាង​ ទី១​ អ្នក​ភ្លេច​យ៉ាង​រហ័ស​ ដើម្បី​សម្រប​ខ្លួន​ទៅ​នឹង​លក្ខខណ្ឌ​ថ្មី​។​ ទី២​ គឺ​មិន​អើ​ពើ​ចំពោះ​ព័ត៌មាន​​តូច​តាច។​​ ចឹង​ហើយ​កុំ​បន្ទោស​ខ្លួន​ឯង​នៅ​ពេល​អ្នក​មិន​ចាំ​អ្វី​មួយ​ដែល​មិន​សំខាន់​ព្រោះ​គួរ​ក្បាល​របស់​អ្នក​អាច​នឹង​បង្កើត​កន្លែង​សម្រាប់​ដាក់​គំនិត​ច្នៃ​ប្រឌិត​ថ្មី​ៗ​។​​​​​

៣. ជឿ​អ្នក​ដ៏​ទៃ

មនុស្ស​ជា​ច្រើន​ជឿ​ថា​មនុស្ស​ឆ្លាត​ជឿ​តែ​ខ្លួន​ឯង​គេ​តែ​ប៉ុណ្ណោះ​ ហើយ​គេ​តែង​តែ​ដាក់​សញ្ញា​សួរ​នៅ​ពី​មុខ​បញ្ហា​ទាំង​អស់​។​​ តែ​តាម​ពិត​ទៅ​អ្នក​វិទ្យាសាស្ត្រ​បាន​បញ្ជាក់​ថា​ពួក​គេ​តែង​តែ​មាន​ការ​ជឿ​ជាក់​លើ​មនុស្ស​ជុំ​វិញ​ខ្លួន​គេ។​​ សម្រាប់​ពួក​គេ​ជីវិត​គឺ​មាន​ន័យ​ណាស់​។​ អ្នក​ដែល​ទុក​ចិត្ត​មនុស្ស​ច្រើន​មិន​មាន​បញ្ហា​ផ្នែក​សរសៃ​ប្រសាទ​ និង​កម្រ​មាន​បញ្ហា​សុខ​ភាព​ណាស់​។

៤. សម្បូរ​គំនិត​ និង​ពូកែ​ច្នៃ​ប្រឌិត

មនុស្ស​ឆ្លាត​តែង​តែ​មាន​គំនិត​ថ្មី​ៗ​ នៅ​ពេល​ដែល​គេ​នឹក​ឃើញ​គំនិត​ដំបូង​របស់​គេ​ហើយ​ នោះ​នឹង​មាន​គំនិត​ពីរ​បី​ទៀត​ចូល​មក​​ ធ្វើ​ឲ្យ​គេ​ផ្ដោត​អារម្មណ៍​គិត​ហើយ​គិត​ទៀត​។

៥. មិន​ចូល​ចិត្ត​ញ៉ាំ​សាច់​ក្រហម

ការ​ធ្វើ​ស្រាវ​ជ្រាវ​ថ្មី​ៗ​បាន​រក​ឃើញ​ថា​មនុស្ស​ដែល​មាន​ IQ ខ្ពស់​ចូល​ចិត្ត​ញ៉ាំ​សាច់​បក្សី​ ត្រី​ និង​បន្លែ​ជាង​ញ៉ាំ​សាច់​ពណ៌​ក្រហម​។​​ ការ​ស្រាវ​ជ្រាវ​នេះ​មិន​បាន​រាប់​បញ្ចូល​ទាំង​មនុស្ស​ដែល​មាន​បញ្ហា​សុខ​ភាព​ អ្នក​ដែល​កាន់​សាសនា​ និង​រស់​នៅ​ទីកន្លែង​ខុស​គ្នា​ទេ​។​​

៦. ចិញ្ចឹម​ឆ្មារ

វា​ស្ដាប់​ទៅ​ដូច​ជា​ចម្លែក​បន្តិច​ ប៉ុន្តែ​លទ្ធ​ផល​នៃ​ការ​សិក្សា​បង្ហាញ​ថា​អ្នក​ចូល​ចិត្ត​ឆ្មារ​តែង​តែ​មាន​ភាព​ស្ងប់​ស្ងាត់​និង​មាន​ IQខ្ពស់​។

៧. គេង​តិច

មនុស្ស​ឆ្លាត​តែង​តែ​ចូល​គេង​យឺត​ដោយ​សារ​តែ​ពេល​ល្ងាច​ជា​ពេល​សម្រាប់​គិត​ និង​បង្កើត​គំនិត​ច្នៃ​ប្រឌិត។​ ចឹង​ហើយ​បាន​ជា​គេ​គេង​បាន​តិច​ព្រោះ​ត្រូវ​ក្រោក​ទៅ​រៀន​ឬ​ធ្វើ​ការ​នៅ​ពេល​ព្រឹក​។​ ទោះ​ជា​យ៉ាង​ណា​ក៏​ដោយ​ធ្វើ​ដូច​សត្វ​ទីទុយ​នៅ​ពេល​យប់​ មិន​មែន​មាន​ន័យ​ថា​អ្នក​ឆ្លាត​ទេ​ អ្វី​ដែល​សំខាន់​គឺ​ជា​អ្វី​ដែល​អ្នក​បាន​ចំណាយ​ពេល​ធ្វើ​តែ​ប៉ុណ្ណោះ​៕

ចុចអាន៖ ១០​ សញ្ញា​បង្ហាញ​ថា​ជីវិត​អ្នក​កំពុង​តែ​លិច​លង់​ខ្លាំង​


ប្រភព៖ bestie ប្រែ​សម្រួល៖ ឃួន​ សុលីកា