មនុស្សស្រីឆ្លាតដឹងទាំងអស់ថា អ្វីៗដែលមនុស្សប្រុសឲ្យសុទ្ធតែមានដឺឡេទាំងអស់

2019-03-11 09:00:00
ចំនួនមតិ 0 | ចំនួនចែករំលែក 0

មនុស្សស្រីឆ្លាតសុទ្ធតែយល់ដឹងថា អ្វីដែលទទួលបានពីមនុស្សប្រុសគឺមិនគង់វង្សដូចអ្វីដែលបង្កើតខ្លួនឯងឡើយ។ មនុស្សប្រុសអាចនិយាយថាស្រលាញ់អ្នក តែនោះមិនប្រាកដប្រាជាឡើយ ហើយអ្វីដែលគេឲ្យយើង គេយកវិញនៅពេលណាក៏ថាបាន។

រូបតំណាង

មនុស្សស្រីរស់លើលោកនេះកុំឆោតពេក គ្មានអ្វីដែលបានមកដោយគ្មានសំណងទៅវិញឡើយ កុំគិតថាមនុស្សប្រុសឲ្យអ្នកអ្វីមួយគឺដោយសុច្ចចិត្តឲ្យសោះ ហើយក៏កុំមានគំនិតថារស់នៅពឹងផ្អែកមួយជីវិតលើមនុស្សប្រុសឲ្យសោះ។ ព្រោះគ្មានអ្នកចិញ្ចឹមអ្នកណាមួយជីវិត ប្រសិនជាមានមែន អ្នកក៏ត្រូវលះបង់អ្វីមួយដូចគ្នា។ ដូចគេនិយាយតៗគ្នាចឹងថា លើលោកនេះ គ្មានបាយមួយពេលណាដែលឥតគិតថ្លៃឡើយ។ ហេតុនេះហើយ ស្ត្រីនៅលីវ ឬមានគ្រួសារ ក៏មិនត្រូវប្រើពាក្យចាំប្ដី ឬសង្សារចិញ្ចឹមដែរ។

សាកគិតទៅមើល រាល់ខែ រាល់ថ្ងៃ សុទ្ធតែលាដៃសុំលុយគេ តើអ្នកមិនរអៀសចិត្តទេឬ? តើអ្នកពេញចិត្តនឹងជីវិតបែបនេះដែរទេ? ធានាថាគ្មានអ្នកចង់បានជីវិតដែលឮតែពាក្យដៀលរបស់គេថា រស់នៅដោយសារលុយប្រុសនោះឡើយ។

អ្នកណាក៏និយាយថា មនុស្សស្រីដែលសំណាងបំផុតគឺនៅពេលដែលយកបានប្ដីអ្នកមានម្នាក់។ តែបើតាមគិត មិនប្រាកដថាបានប្ដីអ្នកមានគឺមានសុភមង្គលឡើយ ព្រោះអ្នកខ្លះរស់នៅជីវិតជាជំទាវ តែចិត្ត និងបេះដូងរបស់ពួកគេបានស្លាប់ជាយូរមកហើយ ឬវេទនាជាងអ្នកធ្វើការក្រោមកម្ដៅថ្ងៃហែងដែរ។ លុយច្រើនប៉ុណ្ណាក៏គ្មានបានការ ព្រោះទឹកចិត្តរបស់គេបានអស់ទៅហើយ។

រូបតំណាង

ស្លាប់ទឹកចិត្តហើយ ក៏មិនអាចធ្វើអី ក្រៅពីមុខក្រាស់លាដៃសុំលុយពីគេដដែល ព្រោះខ្លួនរកលុយមិនបាន។ បើមិនមុខក្រាស់ មានលុយឯណាចិញ្ចឹមកូន និងចាយវាយខ្លួនឯង? ដូចនេះស្ត្រីសម័យថ្មីត្រូវក្ដាប់ភាពឯករាជ្យឲ្យខ្លួនឯង ព្រោះទាំងទឹកចិត្ត និងអ្វីដែលមនុស្សប្រុសឲ្យសុទ្ធតែមានដឺឡេទាំងអស់៕

ចុចអាន៖រៀបការចំមនុស្សខុស មនុស្សស្រីមិនបាច់ទ្រាំទេ ដើរចេញសន្សំកម្លាំងមើលថែកូនវិញ

ប្រភព៖ Guu អត្ថបទ៖Caramel