ស្រក​ ២ គីឡូ​ក្នុង​មួយ​សប្ដាហ៍ គ្រាន់តែផឹក​ភេសជ្ជៈ​នេះ មុន​ញ៉ាំ​អាហារ​ព្រឹក

  • 2019-03-07 11:00:00
  • ចំនួនមតិ 42 | ចំនួនចែករំលែក 193

បើ​ចង់​ស្រក​គីឡូ​ឆាប់​អ្នក​អាច​សាកល្បង​នូវ​រូបមន្ត​មួយ​នេះ ក្នុង​មួយ​សប្ដាហ៍​អ្នក​អាច​ស្រក​បាន ២ គីឡូក្រាម​ដោយ​គ្រាន់តែ​ផឹក​វា​មុន​ញ៉ាំ​អាហារ​ពេល​ព្រឹក​ប៉ុណ្ណោះ។

សម្ភារៈ​ដើម្បី​រៀបចំ៖

  • ប៉េងប៉ោះ ៤ ផ្លែ
  • ទឹក​ក្រូចឆ្មារ ៦ ផ្លែច្របាច់យកទឹក
  • ខ្ទឹម​ស ៤ ដុំ
  • ទឹកកក ៦ ដុំ

  • ទឹក​ស្អាត ០,២៥ លីត្រ

ផ្លែ​ប៉េងប៉ោះ​មាន​សារធាតុ Lycopene និង​សារធាតុ​ប្រឆាំង​នឹង​ប្រតិកម្ម​អុកស៊ីត​ដែល​អាច​កាត់​បន្ថយ​ជាតិ​ពុល​ចេញ​ពី​រាងកាយ​បែប​ធម្មជាតិ និង​ជួយ​សម្រក​ទម្ងន់​បាន។

ចំណែក​ទឹក​ក្រូចឆ្មារ​សម្បូរ​ទៅ​ដោយ​វីតាមីន C មាន​ប្រសិទ្ធភាព​ក្នុង​ការ​ជំរុញ​ការ​រំលាយ​អាហារ និង​សម្រួល​ជួយ​ដល់​ដំណើរ​ការ​សម្រក​ទម្ងន់​យ៉ាង​ល្អ។

ខ្ទឹម​ស​សម្បូរ​ទៅ​ដោយ​ជាតិ​រ៉ែ ដែល​មាន​ជាតិ​កាល់ស្យូម ជាតិ​ដែក និង​មាន​ផ្ទុក​សារជាតិ​ប្រឆាំង​អុកស៊ីតកម្ម​ខ្ពស់​ដែល​អាច​កាត់​បន្ថយ​ភាព​ឃ្លាន​អាហារ និង​ជួយ​ដុត​បំផ្លាញ​ជាតិ​ខ្លាញ់​លើស។

របៀប​ធ្វើ៖

  • ដំបូង​អ្នក​ត្រូវ​លាង​សម្អាត​គ្រឿង​ផ្សំ​ទាំងអស់

  • បន្ទាប់មក​កាត់​គ្រឿង​ផ្សំ​ទៅ​ជា​បំណែក​តូច​ៗ​ដាក់​វា​នៅ​ក្នុង​ម៉ាស៊ីន​ក្រឡុក​រហូត​ដល់​ម៉ត់។

  • អ្នក​គួរ​ផឹក​ភេសជ្ជៈ​នេះ 30 នាទី​មុន​ពេល​ញ៉ាំ​អាហារ​ពេលព្រឹក និង​ផឹក​ទឹក​​ឲ្យ​បាន​ច្រើន។

ក្នុង​រយៈ​ពេល​ខ្លី​អ្នក​នឹង​ឃើញ​លទ្ធផល​ដ៏​អស្ចារ្យ ដោយ​ការ​ថយ​ទម្ងន់​យ៉ាង​ឆាប់រហ័ស។ លើស​ពី​នេះ​ទៀត ដើម្បី​បញ្ចុះ​ទម្ងន់​ប្រកប​ដោយ​ប្រសិទ្ធភាព អ្នក​ត្រូវ​អនុវត្ត​របប​អាហារ​ដែល​មាន​តុល្យភាព​ជាមួយ​ផ្លែឈើ គ្រាប់​ធញ្ញជាតិ បន្លែ​បៃតង និង​ជៀសវាង​ជាតិ​ផ្អែម៕

ចុចអាន៖កូន​​ភ្លោះ​ចែក​​រំលែក​​​​​​​​​​​​​​​​​​វិធី​​​​សម្រក​​ទម្ងន់​​​​​​១៧​គីឡូ ត្រឹម​រយៈ​​​​​​ពេល​​​​៨​ខែ

ប្រភព៖ emdep ប្រែ​សម្រួល៖ ទ្រី រ៉ាវី