ល្បិច​ថែរក្សា​ខ្លួន​បាន​ស្អាត ទោះ​បី​ធម្មជាតិ​​អ្នក​មិន​សូវ​ស្អាត​ក៏​ដោយ

  • 2019-03-05 10:00:00
  • ចំនួនមតិ 20 | ចំនួនចែករំលែក 349

កើត​មក​មិន​សូវស្អាត មិន​មែន​ជា​បញ្ហា​នោះ​ទេ ព្រោះ​មនុស្ស​យើង​អាច​ផ្លាស់ប្ដូរ​បាន។​ អ្វី​ដែល​សំខាន់​នោះ​គឺ​អ្នក​ស្រឡាញ់​ខ្លួន​ឯង​កម្រិត​ណា ព្រោះ​នៅ​ពេល​អ្នក​ស្រឡាញ់​ខ្លួន​ឯង​អ្នក​នឹង​ចេះ​ថែរក្សា​ខ្លួន​ឲ្យ​បាន​កាន់តែ​ស្អាត។ មិន​ចាំ​បាច់​អី​ស្មុគស្មាញ​ច្រើន​ពេក​នោះ​ទេ​បើ​គ្រាន់​តែ​ចង់​ឲ្យ​ខ្លួន​ឯង​ស្អាត​នោះ ខាង​ក្រោម​នេះ​ជា​វិធី​ងាយ​ៗ​ដែល​អាច​ឲ្យ​មនុស្ស​ស្រី​ស្អាត​បាន​យ៉ាង​សម​បំណង៖​

១. ត្រូវ​ថែ​ស្បែក​ឲ្យ​ភ្លឺ​ស្អាត

ចំណាយ​លុយ​ខ្លះ​ដើម្បី​ថែរក្សា​សម្រស់​ក៏​វា​មិន​មែន​ខ្ជះខ្ជាយ​ណាស់ណា​ដែរ។ អ្នក​ត្រូវ​សិក្សា​ពី​ស្បែក​ខ្លួន​ឯង​ឲ្យ​បាន​ច្បាស់​ថា​ត្រូវ​ប្រើ​ជាមួយ​ផលិត​ផល​ប្រភេទ​ណា ទើប​ទទួល​បាន​លទ្ធផល​ខ្ពស់។ លើស​ពី​នេះ​ការ​ញ៉ាំ​អាហារ​ដែល​ល្អ​សម្រាប់​ស្បែក​ក៏​អ្នក​ត្រូវ​យក​ចិត្ត​ទុកដាក់​ដែរ​ ព្រោះ​បើ​របប​អាហារ​អ្នក​មិន​សូវ​ជា​ល្អ​សម្រស់​អ្នក​ក៏​ទៅ​តាម​នោះ​ដែរ។

២. ត្រូវ​ថែរក្សា​រូបរាង

គ្មាន​អ្វី​ធ្វើ​មិន​បាន​ទេ​បើ​អ្នក​មាន​ការ​តាំង​ចិត្ត​ខ្ពស់។ គ្រាន់​តែ​ឆ្លៀត​ពេល​បន្តិចបន្តួច​ហាត់​ប្រាណ ឬ​ធ្វើ​យ៉ូហ្កា ក៏​បាន​ដែរ។ លើស​ពី​នេះ​ការ​​ញ៉ាំ​អាហារ​ក៏​ត្រូវ​មាន​កម្រិត​ត្រឹមត្រូវ​ដែរ ដើម្បី​ឲ្យ​រូបរាង និង​សុខភាព​មាំមួន។ កុំ​ញ៉ាំ​តាម​តែ​នឹក​ឃើញ ឬ​ឃើញ​អី​ញ៉ាំ​ហ្នឹង​ដោយ​មិន​គិត​ពី​ខ្លួន​ឯង​នោះ។

៣. រៀបចំខ្លួន​ឲ្យ​បាន​ស្អាត​បាត

សម្លៀកបំពាក់​ក៏​គឺ​​សំខាន់​ណាស់​ដែរ ដូច្នេះ​ក៏​ត្រូវ​ចេះ​ជ្រើសរើស​ឲ្យ​សម​ជាមួយ​នឹង​រូបរាង​ខ្លួន​ឯង​ដែរ។ មុន​ពេល​ចេញ​ទៅ​ណា​មក​ណា​ត្រូវ​ចេះ​រៀបចំ​តាមស្ថានភាព​ដូច​ជា​ទៅ​ធ្វើ​ការ ទៅ​ដើរលេង ទៅ​ជប់លៀង​ជាដើម។

៤. រៀបចំ​ឬក​ពារ និង​សម្ដីសំដៅ

ឥរិយាបទ និង​សម្ដីសំដៅ​របស់​មនុស្ស​ស្រី​ក៏​ជា​សម្រស់​មួយ​ផ្នែក​ដែរ ដូច្នេះ​ក៏​ត្រូវ​រៀបចំ​ឲ្យ​បាន​សមរម្យ​ និង​មាន​សណ្ដាប់ធ្នាប់។ ចេះ​គួរសម​ ចេះ​រៀប​ចំ​ពាក្យសម្ដី​មុន​និយាយ​ទៅ​កាន់​នរណា​ម្នាក់ មិន​មែនចេះ​តែ​ធ្វើ​តាម​នឹក​ឃើញ គ្មាន​ស្គាល់​ចាស់​ស្គាល់​ទុំ​នោះ​ទេ។

៥. ទម្លាប់​ឲ្យ​មុខ​ញញឹម​ស្រស់ស្រាយ

មនុស្ស​ស្រី​ស្អាត​នៅ​ពេល​ញញឹម​ហ្នឹង​ហើយ បើ​ចេះ​តែ​ធ្វើ​មុខ​ក្រញូវ​ក៏​មិន​ទាក់ទាញ​នឹង​គួរ​ឲ្យ​ស្រឡាញ់​ដែរ។ ទម្លាប់​ញញឹម​ឲ្យ​បាន​ច្រើន​ ហើយ​ត្រូវ​មាន​ភាព​ជឿជាក់​លើ​ខ្លួន​ឯង៕

ចុចអាន៖អាហារ​ ៦​មុខ ជួយ​ការ​ពារ​ស្បែក​អ្នក​​មិន​ឲ្យ​​ចាស់​ជ្រីវជ្រួញ​បាន​ដូចបំណង

ប្រភព៖ jelly ប្រែ​សម្រួល៖ ផេង ផលធិតា