ម្នាក់​ៗ​តែង​តែ​គិត​ថា​ ​រាល់​ការ​ងារ​ទាំង​អស់​សុទ្ធ​តែ​ប្រៀប​បាន​នឹង​ការ​ធ្វើ​ទារុណកម្ម​មួយ​ចឹង​។ តែ​តាម​ពិត​វា​មិន​ដូច​អ្នក​គិត​ទេ​។​ ការ​ងារ​ខ្លះ​មាន​ទាំង​ភាព​​រីក​រាយ​ និង​គួរ​ឲ្យ​ចាប់​អារម្មណ៍​ពេល​ធ្វើ​​ ហើយ​ប្រាក់​ខែ​ក៏​អស្ចារ្យ​ដែរ​។​ មក​ស្គាល់​ការងារ​ដែល​សប្បាយ​ៗ​ និង​ប្រាក់​ខែ​ក៏​ច្រើន​ទាំង​អស់​គ្នា​។

១. អ្នក​ធ្វើ​វីដេអូ​លេង​ហ្គេម

លេង​ហ្គេម​ធ្វើ​វីដេអូ​ នឹង​មាន​អារម្មណ៍​ថា​ដូច​ទំនេរ​ ២៤ ម៉ោង​​រាល់​ថ្ងៃ​ចឹង​។

ចំណូល​អាច​រក​បាន​ ៥០ ០០០ ដុល្លារ ក្នុង​មួយ​ឆ្នាំ​ អាស្រ័យ​លើ​តម្រូវ​ការ​។

ត្រូវ​ការ​៖

*ត្រូវ​តែ​ជា​អ្នក​ពូកែ​លេង​ហ្គេម​ មិន​មែន​កម្រិត​ធម្មតា​ តែ​ត្រូវ​តែ​មាន​កម្រិត​ MLG

*ស្រលាញ់​វីដេអូ​ហ្គេម​ខ្លាំង​។

២. អ្នក​ថែរក្សា​កោះ​ឯកជន

រស់​នៅ​ជា​មួយ​ធម្មជាតិ​ មាន​ភាព​ស្ងប់​ស្ងាត់​​ មាន​ការ​ផ្សង​ព្រេង​នៅ​កោះ។

ចំណូល​អាច​ទទួល​បាន​ពី​ ១០០ ០០០ ដុល្លារ ក្នុង​មួយ​ឆ្នាំ​។

ត្រូវ​ការ​៖ ​

*ពូកែ​ហែល​ទឹក

*មាន​ចំណង់​ជា​មួយ​កីឡា​ក្នុង​ទឹក

*ជា​មនុស្ស​ផ្សង​ព្រេង​

*ពូកែ​ទំនាក់​ទំនង​ខាង​សរសេរ​ promote ពី​កោះ ​និង​ធ្វើ​របាយការណ៍​ប្រចាំ​សប្ដាហ៍​ទៅ​ការិយាល័យ​វិញ​។

៣. អ្នក​តុបតែង​ម្ហូប

កែប្រែ​អ្វី​ដែល​អាច​បរិភោគ​បាន​ទៅ​ជា​សិល្បៈ​។​ រៀប​ចំ​តុប​តែង​​សម្រាប់​ថត​ដាក់​ទស្សនាវដ្តី​។

ចំណូល​ទទួល​បាន​ ៧៧ ០០០ ដុល្លារ ក្នុង​មួយ​ឆ្នាំ។

ត្រូវ​ការ​៖ ​

*ពូកែ​ខាង​រៀប​ចំ​សោភ័ណ​ភាព

*មាន​ចំណេះ​ដឹង​ជ្រាល​ជ្រៅ​ខាង​ម្ហូប​អាហារ។

៤. អ្នក​បញ្ចូល​សម្លេង

រក​លុយ​បាន​ពី​ការ​ធ្វើ​សម្លេង​គួរ​ឲ្យ​សើច​ ស្លៀក​ពាក់​អី​ក៏​បាន​នៅ​ក្នុង​​ស្ទូឌីយូ​។

ចំណូល​ទទួល​បាន​ ៨០ ០០០ ដុល្លារ​ ក្នុង​មួយ​ឆ្នាំ​។

ត្រូវ​ការ​៖ ​

*សម្លេង​ដ៏​អស្ចារ្យ និង​ការ​ចេះ​គ្រប់គ្រង​សម្លេង​។

៥. Hacker ចិត្ត​ល្អ

ត្រូវ​បាន​ជួល​យ៉ាង​ស្រប​ច្បាប់​ដើម្បី​ទៅ​ hack ចូល​ computer system។

ចំណូល​ទទួល​បាន​ពី ១០០ ០០០ ទៅ ១៤០ ០០០ ដុល្លារ ​ក្នុង​មួយ​ឆ្នាំ​។

ត្រូវ​ការ​៖ ​

*សញ្ញា​ប័ត្រ​ Hacker ស្រប​ច្បាប់

*វិញ្ញាបនបត្រ​ធានា​រ៉ាប់​រង​ព័ត៌មាន​សកល​ (GIAC)

*អាជ្ញា​ធ័រ​វាយ​លុក​សុវត្ថិ​ភាព​ជំនាញ​វិជ្ជាជីវៈ​ (OSCP)។

៦. អ្នក​ design វីដេអូ​ហ្គេម

បញ្ចេញ​ស្នាដៃ​ច្នៃ​ប្រឌិត​ និង​បង្កើត​វីដេអូ​ហ្គេម​ដោយ​ខ្លួន​ឯង​។

ចំណូល​ទទួល​បាន​ប្រហែល​ $80,000  ក្នុង​មួយ​ឆ្នាំ​ ពឹង​ផ្អែក​លើ​បទ​ពិសោធន៍។

ត្រូវ​ការ​៖

*ត្រូវ​មាន​សញ្ញា​ប័ត្រ​ខ្ពស់​បំផុត​ក្នុង​ផ្នែក​ឌីហ្សាញ​ ហ្គេម​និង​វិទ្យាសាស្ត្រ​កុំព្យូទ័រ​

*ចាប់​អារម្មណ៍​នឹង​ចំណេះ​ដឹង​លើ​វីដអូ​ហ្គេម។

៧. អ្នក​ច្នៃ​របស់​ក្មេង​លេង

សម្រេច​នូវ​សុបិន​ពី​ក្មេង​ នឹង​ច្នៃ​វា​ឲ្យ​ទៅ​ជា​របស់​លេង​ពិត​ប្រាកដ​។

ចំណូល​ទទួល​បាន​ ៧០ ០០០ ដុល្លារ ក្នុង​មួយ​ឆ្នាំ​។

ត្រូវ​ការ​៖

*សញ្ញា​ប័ត្រ​ដែល​ទាក់​ទង​ទៅ​នឹង​ការ​ច្នៃ​របស់​ក្មេង​លេង

*មាន​ចំណង់​ទៅ​លើ​របស់​ក្មេង​លេង​ និង​ដឹង​ពី​របស់​ដែល​ក្មេង​ចូល​ចិត្ត​លេង​

*ដឹង​ពី​របស់​លេង​ដែល​ក្មេង​ៗ​គ្រប់​វ័យ​ចូល​ចិត្ត​លេង។

៨. តួអង្គ​ពាក់​មុខ​នៅ​ Disneyland

គ្រប់​គ្នា​តែង​ស្រមៃ​ចង់​ក្លាយ​ជា​តួអង្គ​ក្នុង​រឿង​ Disney។​ ពាក់​ខោ​អាវ​ដូច​តួអង្គ​តុក្កតា​ ចូល​ចិត្ត​កាលនៅ​ពី​តូច​ ហើយ​លេង​ដូច​ពួក​គេ​។

ចំណូល​ដែល​រក​បាន​ប្រហែល​ជា​ ៣២ ០០០ ដុល្លារ ក្នុង​មួយ​ឆ្នាំ​។

ត្រូវ​ការ​៖

*ត្រូវ​មាន​កម្ពស់ ​និង​អាកប្បកិរិយា​តឹង​រឹង

*អាច​ក្លែង​ធ្វើ​ជា​តួអង្គ​

*ស្រលាញ់​ក្មេង​ៗ​ និង​ដឹង​ពី​របៀប​បំពេញ​តម្រូវ​ការ​របស់​ពួក​គេ​។

៩. អ្នក​ភ្លក់​ការ៉េម

ត្រូវ​បាន​គេ​ផ្គត់​ផ្គង់​ការ៉េម​ឆ្ងាញ់​រហូត​។

ចំណូល​ដែល​រក​បាន​ ៦០ ០០០ ដុល្លារ ក្នុង​មួយ​ឆ្នាំ​។

​ត្រូវ​ការ​៖

*សញ្ញា​ប័ត្រ​ផ្នែក​អាហារ​ពីវិទ្យាសាស្ត្រ

*ចូល​ចិត្ត​ញ៉ាំ​ការ៉េម​ខ្លាំង​ ដូច​ញ៉ាំ​បាយ​រាល់​ថ្ងៃ​ចឹង​៕

ចុចអាន៖ នារី​ម្នាក់​រកស៊ីលក់​តែ​ឆ្កែ​ត្រឹម​ពេល ៤ ខែ​ សល់​លុយ​ទិញ​ផ្ទះ​បាន​មួយ