ប្រុសៗគួរអាន! ភាពខុសគ្នារវាងប្រពន្ធ និងស្រីក្រៅផ្ទះ
- 2019-02-26 02:06:34
- ចំនួនមតិ 0 | ចំនួនចែករំលែក 0
ប្រុសៗគួរអាន! ភាពខុសគ្នារវាងប្រពន្ធ និងស្រីក្រៅផ្ទះ
ប្រុសៗពេលមានស្រីក្រៅដែលលួចទាក់ទងគ្នារយៈពេលយូរ តែងហៅគ្នាថាប្ដីប្រពន្ធដែរមែនអត់? តែអ្នកមានដឹងទេថា ស្រីដែលអ្នកហៅថាប្រពន្ធនោះ មិនអាចមានតម្លៃដូចប្រពន្ធដែលអ្នកការស្របច្បាប់នោះទេ។ សូមបែងចែកឲ្យច្បាស់ មួយជាប្រពន្ធស្របច្បាប់ មួយទៀតគ្រាន់តែជាស្រីកំដរខាងក្រៅដែលមើលឃើញតែផលប្រយោជន៍ពីអ្នកតែប៉ុណ្ណោះ។ ខាងក្រោមនេះជាភាពខុសគ្នាដាច់ស្រឡះរវាងប្រពន្ធនិងស្រីក្រៅ៖
ប្រពន្ធ ៖ ពាក់កណ្ដាលយប់ ពេលឃើញអ្នកកំពុងលេងហ្គេមនឹងខឹង ហើយស្ដីបន្ទាសអ្នកមិនខាន
ស្រីក្រៅ៖ នៅពេលពាក់កណ្ដាលយប់នឹងត្អូញត្អែរដាក់អ្នក រហូតដល់ជិតភ្លឺ
ប្រពន្ធ ៖ ព្រួយបារម្ភពីថ្លៃចាយវាយរបស់អ្នក តើនៅសល់លុយចាយរហូតដល់ដាច់ខែអត់?
ស្រីក្រៅ ៖ រកអ្នកឲ្យជូនទៅក្រៅដើរលេង និងញ៉ាំអីឆ្ងាញ់ៗ នៅកន្លែងថ្លៃៗ
ប្រពន្ធ ៖ នៅពេលអ្នកឈឺនឹងមើលថែអ្នក ប្រាប់ឲ្យអ្នកលេបថ្នាំឲ្យទៀងពេល ផឹកទឹកឲ្យបានច្រើន...
ស្រីក្រៅ៖ ពេលអ្នកឈឺគ្រាន់តែផ្ញើសារមកសួរសុខទុក្ខអ្នកតែប៉ុណ្ណោះ
ប្រពន្ធ ៖ មិនពេញចិត្តនឹងអ្នក ក៏ដោយសារតែចង់ឲ្យអ្នកជាមនុស្សរីកចម្រើនជាងមុន
ស្រីក្រៅ ៖ គុណវិបត្តិរបស់អ្នក នាងទទួលបានទាំងអស់
ប្រពន្ធ ៖ នឹងឈរនៅខាងអ្នកជានិច្ច ជួយអ្នកឲ្យកាន់តែរីកចម្រើន បើអ្នកប្រព្រឹត្តអ្វីខុសនឹងបញ្ឈប់អ្នកភ្លាម
ស្រីក្រៅ ៖ គាំទ្រអ្នកគ្រប់រឿងទាំងអស់ ឲ្យតែអ្នកសប្បាយចិត្ត
ប្រពន្ធ ៖ តែងតែលួចសង្ឃឹមក្នុងចិត្តថាអ្នកមានសុភមង្គល
ស្រីក្រៅ ៖ តែងតែនៅក្បែរអ្នកពេលសប្បាយ
ប្រពន្ធ ៖ តែងតែចាប់អារម្មណ៍គ្រប់យ៉ាងរបស់អ្នក ខ្វល់ពីគ្រែគេងរបស់អ្នក ខ្វល់ថាតើមានស្រោមជើងប៉ុន្មានគូនៅលើកៅអីមិនទាន់បោក
ស្រីក្រៅ ៖ មិនខ្វល់ពីការរស់នៅរបស់អ្នកទេ សំខាន់ឲ្យតែអ្នកតែងខ្លួនឲ្យបានស្អាតមកជួបនាងទៅបានហើយ
ប្រពន្ធ ៖ ទៅណាក៏បាន ញ៉ាំអីក៏បាន ឲ្យតែទៅជាមួយអ្នក
ស្រីក្រៅ ៖ នាំនាងទៅញ៉ាំអី ទៅទិញអីវ៉ាន់ ទៅមើលកុននៅកន្លែងល្អៗនិងថ្លៃៗ
ប្រពន្ធ ៖ ជាមនុស្សម្នាក់ដែលតែងតែខ្វល់ពីអ្នក សូម្បីតែពេលគេង
ស្រីក្រៅ ៖ មិនខ្វល់ថាអ្នកធ្វើអ្វី រាប់អានអ្នកណាទេ
ប្រពន្ធ ៖ រៀបចំគម្រោងសម្រាប់អនាគតរួចហើយ និងគិតពីកូនរបស់អ្នក...
ស្រីក្រៅ ៖ គិតតែរឿងពេលបច្ចុប្បន្នតែប៉ុណ្ណោះ
ប្រពន្ធ ៖ នឹងប្រាប់ថា "ខ្ញុំនឹងសន្យាថាមិនលែងលះជាមួយបងទេ"
ស្រីក្រៅ ៖ នឹងប្រាប់ថា "ខ្ញុំមិនឲ្យបងនៅឯកាទេ"
ប្រពន្ធ ៖ នឹងប្រាប់អ្នកថា "អូនស្រលាញ់បង"
ស្រីក្រៅ ៖ នឹងប្រាប់អ្នកថា "អូនចូលចិត្តបង" ៕
ចុចអាន៖ ប្រពន្ធឆ្លាតតែងតែធ្វើបែបនេះ ពេលប្ដីមានស្រីក្រៅហើយសុំលែងគ្នា