ភាពខុសគ្នា៤ចំណុច រវាងមិត្តពិតនិងមិត្តរលួយក្នុង

2019-02-22 08:20:00
ចំនួនមតិ 0 | ចំនួនចែករំលែក 0

មិត្តភ័ក្ដិដែលមានចិត្តស្មោះពិតប្រាកដ គឺជាមនុស្សដែលចេះនិយាយនិងមានគំនិតជួយតម្រង់អ្នកទៅកាន់ផ្លូវត្រូវ។ ចំណែកឯមិត្តមួយប្រភេទទៀត ល្អតែសំបកក្រៅ ហើយគំនិតវិញមិនបាច់និយាយទេ ខ្លាចតែអ្នកជោគជ័យជាងខ្លួន។ ឥលូវសាកទៅសង្កេតមើលទាំងអស់គ្នា រវាងមិត្តពីរប្រភេទនេះ តើមានភាពខុសគ្នាត្រង់ចំណុចណាខ្លះ?

លក្ខណៈសម្គាល់មិត្តពិត

១. អាចទុកចិត្តនិងពឹងផ្អែកបាន

ជួយការពារពេលឃើញអ្នកធ្វែសប្រហែស
ជួយឲ្យយោបល់ពេលឃើញអ្នកមិនយកចិត្តទុកដាក់
អាចពឹងអាស្រ័យបានពេលអ្នកកំពុងជួបគ្រោះថ្នាក់ឬបញ្ហា
សូម្បីតែការរកស៊ី ក៏ហ៊ានប្រាប់ត្រង់ៗមិនលាក់ ព្រោះចង់ឲ្យអ្នកមានបានដូចគេដែរ។

២. បង្កើតនិងចែករំលែកសុភមង្គលជាមួយគ្នា

មិត្តពិតហ៊ានចែករំលែកអាថ៌កំបាំងគ្រប់បែបយ៉ាង ដោយមានទំនុកចិត្តលើគ្នាទៅវិញទៅមក
រក្សារឿងសម្ងាត់មិនឲ្យបែកខ្ចាយទៅខាងក្រៅ
ពេលមានទុក្ខមិនបោះបង់ចោលគ្នា ថែមទាំងមកជួយលើកទឹកចិត្តទៀតផង
អ្នកតែងតែបង្កើតនិងចែករំលែកភាពសប្បាយរីករាយឲ្យគ្នា។

៣. ផ្តល់ដំបូន្មានល្អៗដល់អ្នក

ត្រាយផ្លូវអ្នកឲ្យធ្វើអំពើល្អ
ជួយណែនាំពេលឃើញអ្នកមានគំនិតអវិជ្ជមាន
ស្តាប់និងផ្លាស់ប្តួរគំនិតយោបល់ជាមួយអ្នក
អូសទាញអ្នកឲ្យដើរផ្លូវត្រូវ ដើម្បីបង្កើនចំណេះនិងប្រាជ្ញា។

៤. ស្មោះត្រង់គ្មានថ្ងៃប្រែ

ធ្វើល្អចេញពីចិត្ត មិនសម្លឹងឃើញតែប្រយោជន៍
ទោះពេលអនាគតមានទ្រព្យសម្បត្តិច្រើន បានខ្ពង់ខ្ពស់ក៏មិនភ្លេចគ្នា
មានរឿងអ្វីដែលមិនពេញចិត្ត គឺចូលចិត្តនិយាយរិះគន់ចំៗនៅនឹងមុខ ក្នុងបំណងជួយកែលម្អ និងកុំឲ្យមានការយល់ច្រឡំ
ឃើញមិត្តភ័ក្តិទទួលបានជោគជ័យ ចេះនិយាយសរសើរ និងចូលរូមត្រេកអរ មិនមែនច្រណែនឈ្នានីស ខ្លាចគេធ្វើបានល្អជាងខ្លួន។

លក្ខណៈសម្គាល់មិត្តក្លែងក្លាយ

១. ពុតត្បត់

មុនរាប់អានសម្លឹងមើលលើទ្រព្យ ឋានៈ សម្ភារប្រើប្រាស់ជាមុនសិន
អាត្មានិយម មិនចូលចិត្តជួយគេ ប៉ុន្តែខំសម្តែងធ្វើជាចិត្តល្អ
រាប់អានព្រោះដើម្បីយកផលចំនិញអ្វីមួយមកវិញ
ចូលចិត្តតែរាប់អានអ្នកមាន ទោះខ្លួនឯងអត់លុយ ក៏ខំប្រឹងពឺតតាមគេ។

២. សម្តីនិងគំនិតខុសគ្នា

មានសម្តីផ្អែម ប៉ុន្តែភ្នែកក្រឡាប់ចាក់ មិនគួរឲ្យទុកចិត្ត
ចូលចិត្តយករឿងអ្នកដទៃទៅនិយាយឲ្យសប្បាយមាត់
សម្តីយកជាការមិនកើត មានបញ្ហាអ្វីមិនអាចពឹងពាក់បាន
លេចមុខតែពេលសប្បាយ ពេលមិត្តជួបទុក្ខបាត់ស្រមោលឈឹង។

៣. ធ្វើអ្វីតាមអ្នកគ្រប់រឿង ព្រោះចង់បានទំនុកចិត្តពីអ្នក

ពេលដំបូងៗOKសឹងគ្រប់រឿង ធ្វើដូចខ្លូនឯងមានគំនិតដូចអ្នកណាស់អីចឹង
ដល់ពេលសម្តែងបានសម្រេច ចាប់ផ្តើមចេញចរិតពិតមកបណ្តើរៗ
នៅនឹងមុខធ្វើឲ្យអ្នកទុកចិត្ត ដើម្បីបានដឹងរឿងច្រើនពីអ្នក
ប៉ុន្តែនៅក្រោយខ្នងវិញ និយាយដើមបញ្ចេញបញ្ចូលបែកផ្សេង។

៤. រាប់អានគ្នា គ្មានរីកចម្រើនអី ក្រៅពីធ្វើរឿងឥតប្រយោជន៍

បបួលជប់លៀងមិនឈប់ឈរ
បង្ខំឲ្យអ្នកចេះផឹកស្រា បើផឹកទឹកសុទ្ធគេមើលងាយ
ចាប់ផ្តើមបញ្ចុះបញ្ចូលអ្នក ឲ្យធ្វើអ្វីតាមចិត្តគេវិញម្តង
ពង្វក់អារម្មណ៍អ្នកមិនឲ្យដើរផ្លូវល្អភ្លឺស្វាង៕

***អានហើយ កុំភ្លេចយកទៅពិចារណា និងពិនិត្យមើលមិត្តដែលអ្នកកំពុងរាប់អានសព្វថ្ងៃ ក្រែងលោឃើញមានចំណុចអវិជ្ជមានណាមួយ ដែលអ្នកត្រូវប្រុងប្រយ័ត្ន ការពារមិនឲ្យស្តាយក្រោយ។

ចុចអានបន្ត៖ គួរដឹង! អាកប្បកិរិយាអាក្រក់ៗដែលធ្វើឲ្យមនុស្សគ្រប់គ្នាចង់ចាកចេញពីអ្នក

ប្រភព៖ postsod ប្រែសម្រួល៖ ដេត ឈុនអ៉ី