វិធី ៤ យកឈ្នះកំហុសឆ្គងពីអតីត ហើយក្រោកឈរឡើងវិញយ៉ាងហំហាន

2019-02-21 08:00:00
ចំនួនមតិ 0 | ចំនួនចែករំលែក 0

កំហុស ត្រូវបានចាត់ទុកថាជាមូលហេតុមួយដែលអាចបង្កឲ្យមានជំងឺផ្លូវចិត្តរ៉ាំរ៉ៃ វាក៏ត្រូវបានគេចាត់ទុកថាជាកត្តាមួយដែលបណ្ដាលឲ្យបាក់ទឹកចិត្តផងដែរ។ មិនថាអ្នកណាទេសុទ្ធតែធ្លាប់មានកំហុស ដូច្នេះបើអ្នកមានអារម្មណ៍សោកស្ដាយចំពោះអ្វីដែលអ្នកបានធ្វើកន្លងទៅ ត្រូវតែព្យាយាមយកឈ្នះអារម្មណ៍ស្ដាយស្រណោះនោះ ហើយរៀនពីអ្វីដែលបានកើតឡើង និងអភិវឌ្ឍខ្លួនឲ្យក្រោកឈរតតាំងរឿងកន្លងទៅ។

១.យល់ពីកំហុស

ដើម្បីយកឈ្នះលើកំហុសនោះ ដំបូងត្រូវយល់ពីប្រភពនៃអារម្មណ៍នេះសិន។ នៅពេលអ្នកបានធ្វើរឿងអវិជ្ជមានលើនរណាម្នាក់ អ្នកត្រូវតែយល់ពីកំហុស ដោយបង្ការកុំឲ្យអ្នកធ្វើម្ដងទៀត និងរៀនអ្វីដែលមានប្រយោជន៍។ អារម្មណ៍នៃកំហុសម្ដងហើយម្ដងទៀត ត្រូវបានគេចាត់ទុកថាមានគ្រោះថ្នាក់ជាងអ្វីទាំងអស់។

២.រក្សាអារម្មណ៍របស់អ្នក

ចាត់ទុកថាជាវិធីសាស្ត្រមួយសម្រាប់ធ្វើការព្យាបាលអារម្មណ៍ផ្សេងៗទៀត។ រួមទាំងការស្ដារគំនិតឡើងវិញពីកំហុស តាមរយៈវិធីសាស្ត្រមួយនេះ អ្នកត្រូវកត់ត្រាអ្វីគ្រប់យ៉ាង។ អ្នកគួរតែទប់ចិត្តកុំរវើរវាយគិតពីវា នាំឲ្យសៅហ្មងក្នុងចិត្ត រហូតធ្វើអ្វីមិនចេញ ឬធ្វើខុសបន្ថែមទៀត។

៣.អត់ទោសឲ្យខ្លួនឯង

ការអភ័យទោសខ្លួនឯង គឺជាវិធីសាស្ត្រផ្លូវចិត្ត ដើម្បីយកឈ្នះលើកំហុសដ៏មានប្រសិទ្ធភាពបំផុត ព្រោះអារម្មណ៍ស្ដីបន្ទោសខ្លួនឯង។ អ្នកត្រូវតែប្រាប់ខ្លួនឯងថា មិនថានរណាក៏អាចធ្វើខុសបានដូចគ្នា ដូចនេះមិនបាច់បន្ទោសខ្លួនឯងដែលសាងបញ្ហាឡើងមកទេ ព្រោះនោះជាកំហុសអចេតនាប៉ុណ្ណោះ។

៤.ធ្វើល្អ

អាចត្រូវបានគេហៅថាជាវិធីសាស្ត្រផ្លូវចិត្តដែលតែងតែមានប្រសិទ្ធភាព ដោយសារតែការធ្វើល្អ ឬផ្ដល់នូវអ្វីដែលល្អចំពោះអ្នកដទៃ នឹងធ្វើឲ្យអ្នកមានអារម្មណ៍សុខស្រួល។ វាគឺជាវិធីមួយដែលអាចត្រូវបានប្រើ ដើម្បីព្យាបាលអារម្មណ៍អវិជ្ជមានដែលធ្លាប់មានកំហុស៕

ចុចអាន៖

ប្រភព៖ undubzapp ប្រែសម្រួល៖ ទ្រី រ៉ាវី