ពេលគាត់ប្រាប់ថា គាត់ចង់នៅម្នាក់ឯង អ្នកត្រូវតែធ្វើរឿងទាំងនេះតបទៅវិញ

2019-02-15 01:30:00
ចំនួនមតិ 0 | ចំនួនចែករំលែក 0

វាប្រៀបបានដូចជាត្រូវបានគេចាក់ចំកណ្ដាលបេះដូងមួយកាំបិតចឹង នៅពេលមិត្តប្រុសដែលអ្នកកំពុងតែស្រលាញ់ពេញបេះដូងប្រាប់ថា " បងចង់នៅម្នាក់ឯងមួយរយៈសិន "។ ស្រីៗយើងនឹងគិតថានោះច្បាស់ណាស់គេកំពុងតែអស់ចិត្តហើយ ។ កុំទាន់គិតច្រើនពេលខ្លះវាមិនមែនដូចអ្នកគិតក៏ថាបាន។ ហើយនេះជាយោបល់ខ្លះៗដែលស្រីគួរធ្វើបន្ទាប់ពីលឺពាក្យនេះចេញពីមាត់គេ។

បើសិនជាគេប្រាប់ថា " បងចង់នៅម្នាក់ " ឲ្យពេលគេទៅ

បើគាត់ប្រាប់ថាចង់នៅម្នាក់ឯង កុំគិតច្រើនពេក។ ពេលខ្លះគាត់ប្រហែលជាត្រូវការពេលវេលាដើម្បីគិតនិងសម្រេចចិត្តសិនក៏ថាបាន។ រឺគាត់អាចត្រូវការពេលផ្ទាល់ខ្លួនដើម្បីធ្វើរឿងអ្វីមួយក៏ថាបាន ចឹងហើយឲ្យពេលគាត់សិនទៅ។

បើសិនជាគេប្រាប់ថា " បងចង់នៅម្នាក់ " ត្រូវតែនៅបន្តទំនាក់ទំនងដូចធម្មតា

បើគាត់ប្រាប់បែបហ្នឹង ត្រូវឲ្យពេលគាត់ហើយរក្សាទំនាក់ទំនងដូចដើម។ កុំរំជើបរំជួល កុំឈ្លោះជាមួយគេព្រោះនឹងធ្វើឲ្យរឿងកាន់តែអាក្រក់។នៅឲ្យស្ងៀមហើយធ្វើគ្រប់យ៉ាងឲ្យដូចធម្មតា។ បើស្ថានការណ៍ប្រែជាល្អវិញ នោះគេនឹងត្រឡប់មកវិញ។

បើសិនជាគេប្រាប់ថា " បងចង់នៅម្នាក់ " ត្រូវសួររកមូលហេតុតែត្រូវទប់អារម្មណ៍

នៅពេលលឺបែបនេះ មិនត្រូវគិតផ្ដេសផ្ដាសម្នាក់ឯងទេ ត្រូវសួររកហេតុផល ហេតុអ្វីបានជាគេចង់នៅ ម្នាក់ឯង ប៉ុន្តែត្រូវតែទទួលយកគ្រប់ចម្លើយរបស់គេ បើគាត់នៅតែមិនប្រាប់ក៏អ្នកត្រូវតែឲ្យពេលគេទៅ។

បើសិនជាគេប្រាប់ថា " បងចង់នៅម្នាក់ " ត្រូវទទួលយកការសម្រេចចិត្តរបស់គេទៅ

បើអ្នកសួរហើយតែគាត់មិនប្រាប់ នោះគាត់ប្រាកដជាមិនចង់បន្តជាមួយអ្នកទៀតទេ។ អ្នកត្រូវទទួលយកការសម្រេចចិត្តមួយនោះ ត្រលប់មកស្រលាញ់ខ្លួនឯងឲ្យច្រើនៗវិញ ថែរក្សាបេះដូងខ្លួនឯង ជួបមនុស្សដែលល្អនៅថ្ងៃមុខ យកបេះដូងត្រលប់មកវិញ ព្រោះថាយ៉ាងណាគេក៏សម្រេចចិត្តថាទៅហើយ កុំឃាត់មនុស្សដែលចង់ទៅអី។