មនុស្សស្រី៥ប្រភេទ ដែលប្រុសៗមិនចូលចិត្តទាល់តែសោះ ប៉ុន្តែគេខ្ជិលនិយាយចេញ
- 2019-01-19 05:35:00
- ចំនួនមតិ 0 | ចំនួនចែករំលែក 0
មនុស្សស្រី៥ប្រភេទ ដែលប្រុសៗមិនចូលចិត្តទាល់តែសោះ ប៉ុន្តែគេខ្ជិលនិយាយចេញ
មានរឿងរ៉ាងជាច្រើនដែលមនុស្សស្រីយល់ថាជារឿងធម្មតា ប៉ុន្តែសម្រាប់បុរសវិញចាត់ទុកវាជារឿងគួរឲ្យធុញបំផុត។ មិនតែប៉ុណ្ណោះ ទង្វើទាំងនោះ ធ្វើឲ្យបុរសមិនចូលចិត្ត លែងចាប់អារម្មណ៍អ្នកក្នុងក្រសែភ្នែកតទៅទៀត។ ហេតុនេះមនុស្សស្រីគួរដឹង ដើម្បីកែប្រែចំណុចខ្វះខាតឡើងវិញ។
១. មនុស្សស្រីដែលលះបង់ខ្លាំងពេក
មនុស្សស្រីដែលចូលចិត្តលះបង់ខ្លាំងជ្រុលមិនដែលល្អឡើយ។ ក្នុងកែវភ្នែកបុរសមើលមកនាងជាមនុស្សស្រីទន់ខ្សោយ ធ្វើអ្វីតាមអារម្មណ៍ ស្រលាញ់គេងប់ងុលលែងខ្វល់ ហ៊ានលះបង់រហូតអស់តម្លៃក្នុងខ្លួនក៏មាន។
២. មនុស្សស្រីដែលចង់គ្រប់គ្រងអ្វីៗគ្រប់យ៉ាង
មនុស្សប្រុសសឹងទាំងអស់ គិតថាខ្លួនជាបុរស ដូច្នេះត្រូវតែរឹងមាំ អាចដឹកនាំ នឹងអាចធ្វើជាបង្គោលនៅក្នុងគ្រួសារបាន ប៉ុន្តែបើមនុស្សស្រី ធ្វើខ្លាំងជ្រុល ចង់គ្រប់គ្រងអ្វីៗតែឯង ទាំងលុយកាក់ ទាំងការសម្រេចចិត្ត គាត់ច្បាស់ជាមិនព្រមដាច់ខាត ថែមទាំងមានអារម្មណ៍ថាខ្លួនឯងអន់ទៀតផង។
៣. មនុស្សស្រីដែលយកទឹកភ្នែកមកដោះស្រាយបញ្ហា
ពេលមានបញ្ហាអ្វីមួយកើតឡើង មិនថានៅក្នុងផ្ទះ មិនថា នៅទីសាធារណៈ មនុស្សប្រុសខ្លាចបំផុតស្រីៗណា ដែលយកទឹកភ្នែកមកដោះស្រាយគ្មានហេតុផល ដូច្នេះបើអាចទប់បាន គួរកុំយកទឹកភ្នែកដើម្បីចង់បានចំណាប់អារម្មណ៍គ្រប់ពេលវេលាអី ព្រោះអ្នកនឹងមិនទទួលបានអ្វី ក្រៅពីភាពធុញទ្រាន់ពីបុរសដែលអ្នកស្រលាញ់នោះឡើយ។
៤. មនុស្សស្រីងាយស្រួលញ៉ែ
ទោះបីជាការណាត់ជួប ឬធ្វើជាសង្សារនឹងគ្នាក៏ដោយ បើអ្នកជាមនុស្សស្រីដែលញ៉ែភ្លាមអាចស្រលាញ់បានភ្លែត គាត់ច្បាស់ជាមើលមកអ្នកក្នុងផ្លូវអវិជ្ជមាន ហើយគិតថាបើថ្ងៃណាមួយ អាចទាក់ទងគ្នាពិតប្រាកដមែន គាត់ខ្លាចក្រែងអ្នកទៅលង់ស្នេហ៍នរណាផ្សេងងាយបែបនេះទៀត។
៥. មនុស្សស្រីខ្ជិលច្រអូស
ពេលមនុស្សស្រីតុបតែងខ្លួន គឺមានភាពចែងចាំងទាក់ទាញ ប៉ុន្តែបើស្អាតតែរូប ផ្ទះសម្បែង បន្ទប់គេងគ្មានរបៀបគ្មានអនាម័យនោះ ក៏មិនកើតដែរ។ ជាពិសេស បើខ្ជិលមិនចេះធ្វើការអ្វី ចេះតែចាយវាយទិញរបស់ថ្លៃៗ ធ្វើខ្លួនឥតប្រយោជន៍ មន្តស្នេហ៍ទាំងប៉ុន្មាននឹងរលាយបាត់អស់ ពេលគេដឹងធាតុពិតរបស់អ្នក។