ម្នាក់នោះកំពុងតែចាប់អារម្មណ៍ចង់ទាក់ទងអ្នកខ្លាំងមែនទែនហើយ បើលេចចេញសញ្ញាទាំងនេះ

2019-01-18 08:30:00
ចំនួនមតិ 0 | ចំនួនចែករំលែក 0

ពេលមនុស្សប្រុសចាប់អារម្មណ៍លើនារីណាម្នាក់ ទោះមិននិយាយត្រង់ៗចេញមក ប៉ុន្តែកាយវិការនិងទង្វើអាចបញ្ជាក់យ៉ាងច្បាស់។ បើអ្នកពិតជាចង់ដឹងមែននោះគួរចេះរៀនសង្កេតមើល ពេលដែលនៅក្បែរគាត់។ ប្រសិនជាឃើញលេចចេញសញ្ញាទាំងនេះមក មានន័យថាគាត់កំពុងតែចាប់អារម្មណ៍ចង់ទាក់ទងអ្នកខ្លាំងមែនទែនហើយ។

១. គាត់មានស្នាមញញឹមដ៏ស្រទន់សម្រាប់តែអ្នក ដែលមនុស្សស្រីដទៃមិនអាចទទួលបាន។

២. ស្របពេលកំពុងញញឹម គាត់សម្លឹងមើលអ្នកមិនដាក់ភ្នែក បែបនេះហៅថាក្រសែភ្នែកមុត។

៣. ពេលអង្គុយចូលចិត្តបែរទៅទិសណាដែលអាចមើលមុខអ្នក ឃើញ ឬព្យាយាមចូលអង្គុយជិតតែម្តង។

៤. មិនថាអ្នកនិយាយអ្វី គាត់តែងអស់សំណើច ទោះរឿងនោះមិនកំប្លែងទាល់តែសោះ ក៏នៅតែសើចតិចៗរហូត។

៥. ចូលចិត្តនិយាយគ្នាឮៗជាមួយមិត្តភ័ក្តិ ក្នុងបំណងចង់ឲ្យអ្នកបានឮដែរ ក្រែងលោបានងាកទៅមើលខ្លះ។

៦. ប្រសិនបើគាត់កំពុងតែលេងកីឡា ដូចជាបាល់បោះ បាល់ទាត់ជាដើម ហ៊ានតែឃើញអ្នកដើរកាត់ គាត់កាន់តែខំប្រឹងអស់ពីសមត្ថភាព ដើម្បីទាមទារចំណាប់អារម្មណ៍នោះអី។

៧. មិនថាអ្នកមានបញ្ហាតូចឬធំ គឺគាត់ស្ទុះស្ទាមកជួយមុនគេ ព្រោះចង់បញ្ជាក់ថា គាត់ជាបុរសរឹងមាំអាចពឹងអាស្រ័យបាន។

៨. គាត់យកចិត្តទុកដាក់រាល់ពាក្យពេចន៍ដែលអ្នកនិយាយ ឆ្លើយតបលឿន ហើយក៏ចងចាំបានល្អផងដែរ។

៩. ឲ្យតែពេលជួបអ្នកម្តងៗ មើលទៅទឹកមុខដូចជាស្រស់ស្រាយ សប្បាយខុសពីធម្មតា។

១០. ពេលអ្នកក្រឡេកមើលគាត់កាលណា ឃើញគាត់ឧស្សាហ៍សម្លឹងមកមើលអ្នករហូត។

១១. បើឃើញមានមនុស្សប្រុសផ្សេងកំពុងតែនិយាយឬដើរដំណាលគ្នាជាមួយអ្នក ក្នុងអារម្មណ៍គាត់មិននឹងន ទឹកមុខប្រែប្រួល ព្រោះខ្លាចគេឆក់យកបេះដូងអ្នកទៅបាត់។

១២. គាត់ចូលចិត្តតាមដានអ្នកក្នុងបណ្តាញសង្កម មិនរំលងមួយរឿងសោះ តែពេលខ្លះមិនហ៊ានខមមិនលើរូបទេ សុខឆាតតែពីរនាក់ ដើម្បីបង្កើនភាពស្និទ្ធស្នាល។

១៣. សូម្បីតែពេលដើរ ក៏គាត់ហាក់បីដូចជាស្វាហាប់ រហ័សរហួន ព្រោះចង់បង្ហាញពីភាពមាំទាំម៉ឺងម៉ាត់។

១៤. ពេលមានវិធីជប់លៀង ឬកម្មវិធីជួបជុំផ្សេងៗ បើដឹងថាមានវត្តមានអ្នកចូលរួម ទោះបីរវល់យ៉ាងណាក៏ឆ្លៀតទៅដែរ។

១៥. គាត់មិនចុចទូរសព្ទពេលបាននៅក្បែរអ្នក ដោយសារគាត់ចង់តាមដានឲ្យបានលម្អិតពីអ្នក និងចាត់ទុកអ្នកសំខាន់ជាងឧបករណ៍អេឡិចត្រូនិកទាំងនោះ។

រៀនសង្កេតពីគាត់ម្តងវិញទៅមើល បើមានចំណុចដែលបានរៀបរាប់ខាងលើពិតមែន ច្បាស់ណាស់គាត់កំពុងតែចាប់អារម្មណ៍អ្នកខ្លាំងមែនទែនហើយ។ បើអ្នកមានអារម្មណ៍បែបនេះដូចគ្នា គ្មានអ្វីត្រូវខ្លាចនឹងចាប់ផ្តើមនោះទេ៕

ចុចអានបន្ត៖ មុខក៏ស្អាត ចំណេះក៏មាន តែអត់មានអ្នកសុំស្រឡាញ់ ប្រហែលមកពីមូលហេតុ៥យ៉ាងនេះ

អត្ថបទ៖ ដេត ឈុនអ៉ី